Iniwan ako saglit ni Keister at may kukunin lang daw siya. Nakita ko rin ang ilang beses na pagbaba at pag-akyat ng mga tauhan ni Keister. Siguro, sila iyong mga nag-aayos noong live broadcast daw nila mamaya.
Pagkabalik ni Keister ay may dala siyang dalawang crystal bowl na may lamang ice cream. Saglit na kumunot ang noo ko pero napangiti rin ako nang magtama ang mga mata namin.
“Kumain ka muna nito. Sabi nila mabilis daw na pangtanggal ng stress ng mga babae ang ice cream kaya dinalhan kita,” malambing niyang saad.
“Ano’ng flavor ito?” tanong ko habang nakatingin sa ice cream na may iba’t ibang kulay.
“Fruit fiesta flavor. Wala akong cheese-flavored ice cream like your favorite, pero masarap ito, promise!” iniabot niya iyong isa sa akin at agad ko namang tinanggap.
Nag-scoop ako g
