Nakarating na kami sa Spain at hindi ko mapigilan na mapamangha sa aking nakita, sobrang ganda ng tanawin at iba ang mga bahay rito kaysa sa amin na gawa lang ng kahoy. Nagulat ako nang makakita ako na sobrang laki ng bahay na parang aabot na sa langit.
Bigla akong natakot at hinawakan ang kamay ni Fael. “Fael, natatakot ako.” Sabi ko sa kanya at hinaplos niya ang kamay ko. Nakakita ako ng maraming mga taong iba sa amin, iba’t iba ang mg damit nila.
“Huwag kang matakot, Anya. Kasama mo naman ako.” Sabi niya at tumango naman ako at mas hinigpitan ang hawak sa kanya. “Iyang mataas na parang bahay, ang tawag dyan ay building. Diyan nagtatarabaho ang ibang tao rito” Sabi niya at tumango naman ako.
Napaatras ako nang may maraming tao na tumakbo patungo sa amin at may dalang kakaibang itim n
