Alessia
Nagising ako sa pagyugyog sa akin ni Vincent dahil hindi ko namalayan na nakatulog na pala ako kahihintay sa pagsapit ng alas-sais ng gabi. Napatuwid ako ng upo at nakita ko na binibigyan niya ako ng pagkain kaya masaya ko naman itong tinanggap. Sinimulan ko itong lantakan habang nakatingin sa mga taong pumapasok sa loob ng bar.
Maya-maya ay may nahagip ang aming mga mata na isang matangkad at sexy na babae na nakasuot ng black na boots, red na coat at red na hat. Nagkatinginan kaming dalawa ni Vincent at siya na nga si Sophia base na rin sa kulay ng kanyang buhok. Bumaba kami ni Vincent sa sasakyan at sabay na pumasok sa loob ng bar.
Pagpasok namin sa nasabing bar ay may bouncer pala sa loob at agad kaming hinanapan ng ID. Mabuti na lamang at dala-dala ko ang aking ID
