حبيبي عذبني

3

عمر* اني مو براء

تبارك * باستغراب * لعد

عمر * أخوها؟ ؟

تبارك * هنا اجه ابالي أخوها الي دزتلي صورته ... تفضل اخويه

عمر * ماعرف شصارلي حرت شكولها اصلن ليش رسالتها. ... أريد احجي وياج

تبارك * ضحكت عرفت انو هاي سوالف براء فانطيتها ع مايها ... اي عيني تفضل احجي

عمر * بابتسامة. ... شلونج

تبارك * بخير حمدلله انته شلونك

عمر * دومج تمام

تبارك * اني ميته ضحك اعرف انو هاي براء دوم ايامك براء وين

عمر * تسلمين . موجوده

تبارك * اتصلت

عمر * اتصلت عليها اني ماعرف شصارلي حطيت أيدي ع جبيني عركت فتحت خط قبل إلا اكول الو

تبارك * تنجبين ولاتمسلتين اعرف سوالفج متعبر عليه

عمر * نعم

تبارك * من سمعت صوته نصدمت بقيت امتمت ماعرف شحجي سديته بسرعه

3

《 محادثه عمر وتبارك 》

عمر * سمعت حجيها اسدته بسرعه بقيت اضحك عليها طبيت ع مكالمه سمعت صوتها أحس الراحه بي رجعت دزيت مسج 《 اسفه ع صار 》

7

تبارك * أجاني مسج اني اباوع للجهاز شفته كاتب اسفه ... رديت ... لإعادة مصار شي اني الي اعتذر عبالي براء اسفه مرة الخ صارت رزاله بوجهك دزيت **ايل ? هيج

عمر * قريت رسالتها .. لا عادي مصار شي سويتها بضحك لو متقصده جان ذ*حتج

2

تبارك * بضحكه لا لعد همزين متقصده خاف انذ*ح بعز شبابي بعدني مشفت شي من حياتي ?

عمر *ضحكت هم زين لعد الله يحبج جان

تبارك * ? اكيد يحبني

عمر * بحسرة أي طبعن يحبج

تبارك * مممم

عمر *???

تبارك * براء وين

عمر * موجوده

تبارك * ها خوش اذا يمك متنطينياها احجي وياها

عمر * أي ادللي 

تبارك * تسلم ?

عمر * ولووو ... مسحت المحادثات نزلت لجوه لكيت براء كاعده ع تلفزيون شمرت الجهاز عليها صديقتج تريدج

براء* تبارك مو

عمر * أي

براء * أخذت الجهاز ورحت لغرفتي اتصلت عليها

تبارك * شويه و خابرتني براء كل العاده ضحك وسوالف بس مكوتلها ع الصار شويه وراحت سديت الجهاز نزلت لكيت ماما وهدى كاعدات كعدت يمهم شويه وكمت مرت الأيام اني ع تواصل وي براء بس قبل لا احجي وي براء لاكن بنفس الوقت جان عمر دائماً يحجي وياي لو يسلم عليها

عمر * مرت الأيام اني اتواصل وي تبارك جنت آريد أي حجة بس احجي وياها بقيت احجي بمرور الأيام أحس فد شي يجذبني الها اذا ماحجي وياها ماعرف شصيرلي من أجيت وياها ارتاح لاكن بس مراسلة جنت أتمنى اسمع صوتها هيه وياي تحجي مرت الأيام زدت تعلق ب تبارك حيل حبيتها أي اعترف حبيتها رغم تواصل قليله ع كد سلام لو ادور موضوع أي اشي أهم شي احجي وياها زدت حب وتعلق وشوك الها جنت دائماً تخطئه اني علمها ع صح والخطه انصحه متسويها الغلط دائما احذرها من العالم لاتثق بأحد لاتحجي وي أحد لاتنطي صور الها حتى وإن كانت صديقتها هواي أمور عن هيج مواضيع جانت تأخذ النصيحة والاكوله تسوي بل الحرف الواحد من هاي الناحيه عجبتني حيل دخلت كلبي

11

تبارك * جنت دائماً احجي وياه مريح كولش جان يسئل عليه يحسسني باهتمامه باسلوبه وياي رغم انو عمري كوله مانطي مجال الأحد لكن عمر حسيته يختلف عن بقية الشباب أسلوب حلو انسان واعي مثقف تعودت عليه لازم يوميه ندردش فد ساعه أو نص ساعه مرت الأيام زاد تعلقي بعمر أحس شعور تجاه غريب دائما ينصحني بأمور زاد اهتمام الي دخل لكلبي بدو استئذان  زدت حب الها رغم انو ماحاجيه مكالمه كول تواصلنه مسجات كول هذا براء ماكوتلها

1

■■■■■■■■■■■■■■■■■■■■■■■■■■■

* جنت نايم كعدت ع صوت صياح بيتنه هوس حجي كعدت طبيت للحمام غسلت وجهي ونزلت وشفت عمي هو وآبوي ومي تهدي بيهم

أبو مروه * بصياح شبيها بنتي ليش مياخذها عمر بيه شي احجي ليش ميريده بت عمه

21

عمر * سمعت الحجي طبيت يمهم . سلام عليكم

الكول * عليكم السلام

عمر * هو يلبس ساعته خيرك عمي شنو هل الصياح

أبو مروه * هو يأشرل باصبعه ع عمر بت عمك الك متصير لغيرك استعجل بزواج فتهمت لو أعيد

12

عمر * لا مافتهت ولا راح افتهم بتك ماريدها

أبو مروه * أشو صاير ترد بوجهي تحترم نفسك مروه الك

18

عمر * بصياح لا مو بكيفكم اني الي أقرر منو اختار مو انته مروه ماريدها اتوقع كلت قبل مروه حالها حال براء مالي كل نفس بيها

2

أبو عمر * عمر ليش تكبر الموضوع بت عمك واحسلك من غريبه

عمر * يعني شنو تجبروني انتو تجبروني مازوج لا مروه ولا غيرها إفتهمتو لو أعيد

أبو مروه * هو يتقدم لعمر لا عيد بله

4

عمر * عمي رجائن مروه ماريدها خوش يعني هيه مو إجباري

أبو مروه * هو يدفع عمر وكع ع قنفه الاسبوع الجاي تتزوج وغصبن عليك

19

عمر * بصدمه هو يندفع ويوكع ع قنفه هاي شسويت

2

أم عمر * هيه تدك ع ص*رها سوده بوجهي هاي شسويت خويه ليش هيج

1

أبو عمر * هاي شنو خويه ترى هيه مو إجباري ليش هيج كالك ماريدها لا حد يضغط عليه

براء * اني بصدمه اشوف عمر عمي دفعه حيل رجع لورى وكع ع قنفه

عمر * لو باقي دقيقة جان خليت طلقه برأسه لعمي وكتلته خليت وطلعت لغرفتي أخذت السويج وطلعت

أم عمر * هيه تبجي يمه وليدي راح عمر ولك يمه اوكف وين رايح .. كافي موتو للولد عوفو تعبتو اني بنفسي اوكف وي ابني مروه منريدها خوش خويه لحد يضغط ع عمر تعبتو طلعتو روح اعرف هسه وين راح صار عليه شي بله

5

أبو مروه * مامرجيه منج هاي يا ام عمر عرفت قصدج شنو هو يتقدم للباب يريد يروح يله أم مروه هاي محد يريدنه

19

أبو عمر * هو مارأضي ع تصرف اخو اشر لمرتضى بويه روح ورى اخوك شوفه وين راح

مرتضى * صار يابه

■■■■■■■■■■■■■■■■■■■■■■■■■■■■■

عمر * طلعت من البيت اني كاره الدنياء رحت اني أسوق بكل سرعه ماعرف وين اروح وكفت السارة بقيت اض*ب بأيدي ع ستيرن حيل لمن أحس أيدي خدرت باوعت ابدي كولها دم رجعت راسي لورى بقيت كاعد بل السياره أفكر ب تبارك هيه الي اي تبارك ال عمر اني حبيتها وأريد ها هيه وبس مديت أيدي لجيب البنطرون ملكيت الجهاز داورت السيارة ورجعت للبيت طبيت لكيت امي كاعده بل الطارمه تلكتني تبجي

أم عمر * طلع عمر عصبي اني كلبي نار عليها اعرف ماحب أحد يناقشه ويلح عليه بقيت كاعد متانيته سمعت صوت سيارته كمت اني اتجه للباب طب عمر وهيه تحضنه ولك يمه وين رحت كلبي نار عليك

عمر * بست رأس امي حبيبتي يوم مو ع كولشي تبجي وتقلقين ..

1

أم عمر * سوالفته ع صار ورى عمه زعل وراح

عمر * هو يبوس أمه برأسها. .. رحت لغرفتي طبيت شديت أيدي تمددت ع جربايه فتحت نت طبيت ع صفحت تبارك فاتحه فيس دزيت مسج ماعرف ليش بس صوتها الواحيد الي يخليني ارتاح بنفس الوقت مشتاقلها حيل لازم اعترف بحبي الها بقيت بل الحيرة يجوز ترفضني أو أو أو بقت الأفكار براسي 

■■■■■■■■■■■■■■■■■■■■■■■■■■■■

تبارك * أجاني مسج من عمر طرت بفرحتي بقيت اطفر ع جربايه رحت قفلت الباب رجعت لكيته دازتلي 《 السلام عليكم 》 عرفته هو

..... وعليكم السلام

عمره *هلا تبارك شلونج

تبارك * تمام انته شلونك

عمر * بخير ؟

تبارك * حسيت اكو شي .. دومك شكوماكو

عمر * بحسرة سلامتج ماكو شي انتي شكوماكو

تبارك * سلامتك ماكو شي

عمر * الله يسلمج .

تبارك * عمر اكو شي داحسك ضايج

عمر * تفاجئت شلون عرفت ... لا سلامتج ماكو شي بس شغله

تبارك * وليش يعني كولي شنو الشغله

عمر * بضحكه تحب كولشي تعرف لا ماكو ?

تبارك * ? أي اوكي ع راحتك

عمر *? اعصابج

تبارك * مامعصبه اني

عمر * أحم مبين

تبارك * اوووف منك عمر مامعصبه وخلص ?

عمر * من كالت أوف نجنيت ورب الكون اموت بيا خايف اخسرها خاف أحد بسبقني وياخذها بقيت صافن الازم افاتحها بل الموضوع ... اي هذهو خلاص ?

** اكول

تبارك * أي كول

عمر * تبارك اني معجب بيج اول محجيت وياج دخلتي لكلبي كلبتي حالي كولشي بيج حبيته الله شاهد عليه نيتي صافيه وياج أتمنى ماترفضيني؟ ؟

تبارك * قريت المسج اني بين الصدمة والابتسامة الي ع شفايفي صدمه كولش قويه مجنت متخيله هذا الشي اني بنفس الوقت جانت عندي مشاعر تجاهه مرديت عليه 

عمر * نص ساعه هيه ماكو مردت. .. ها تبارك

تبارك * بين الفرحه والصدمة لن الشخص الي احبه صارحني بحبه. . بقيت أفكر خاف يطلع يضحك عليها لو من هاي الشباب الي بس يتونسون ويكضون وقت. .... ها

عمر * شنو قرارج

تبارك * بقيت ارجف من خوفي وفرحة وصدمتي. ... شنو

عمر * تبارك لاتشلعين كلبي وج ورب الكون اموت بيج اعشقج من زمان صابر تبارك لاتخافين نيتي صافيه وياج اني مو من شباب الي بالج يكضون وقت لا لن ماحب العب بأعراض الناس لن هم عندي عرض اني مثل ماخاف ع خواتي أخاف على بنات الناس

تبارك * كلامه حيل عجبني فعلن حسيته صادق بكول حرف حجاها .... 

2

عمر * تبارك لاتبقين ساكته

تبارك * هو اني

عمر * شنو انتي

تبارك * عمر اني هم أحبك

عمر * بصدمه عيدي شكولتي

1

تبارك * نصدمت عززززززززززززززز اني شكولت هاي شبيه بتوتر. ... هو اني شسمه هذة

1

عمر * شسمه احجيها الي سمعته صدوك

تبارك * بتوتر بقلق ا..يي

عمر * اووووووووووف تبارك بس سلميني كلبج ورب الكون متخسرين اني حبي يختلف صدكي اذا حبيت ماتخله عن حبي انتي تصيرين الي حبيبتي وزوجتي وبنيتي

2

تبارك * اقرى برسالته اني دموع الفرح بعيوني اعرف صادق بحجيه أحس كلبي يكولي يحبج لاتخسري...... اي

عمر * يعني

تبارك * بتوتر مو طبيعي هو يعني شسمه اني هم ا..ح.ب.ك

عمر * متحملت اتصلت عليها ع فيس

تبارك * ماحس إلا واتصال أحس كلبي وكع من التوتر والارتباك مفتحت خط

عمر * مفتحت خط ... تبارك بس خلي اسمع صوتج أو لا تحجين بس خلي اسمع انفاسج

تبارك * بعدني محاجيه اتصل بقيت اباوع ع جهاز افتح خط لو لا اوفتح لو لا تالي وكفت ع افتح فتحت المكالمه خليته ع اذاني أجاني صوته الخشن صوته كوله هيبه وشخصية ورزلن رجع كال تبارك

1

عمر * فتحت خط كلت الو ماكو بقيت شويه ساكت اسمع أنفاسها الي شلت حالي وخبلتني كلت تبارك

تبارك* من كالي تبارك. .... ها

عمر * بحسرة مو شلعتي كلبي احجي خل اسمع صوتج

تبارك * بارتباك هو اني داحجي

عمر * أي اعرف داتحجين

تبارك * ها أي هو داحجي

عمر * من صوتها مرتبكه ومتوتره تبارك رخي اعصابج لاتتوترين

تبارك * عمر مامتوتره

عمر * من سمعت اسمي بصوتها الناعم أحس ملكت الدنياء ومابيها ... اي شلونج

تبارك * تمام انته شلونك

عمر * من سمعت جوابج صرت بخير

تبارك * بخجل مممممم دومك بخير

عمر * تسلمين .... تبارك

تبارك * أي

عمر *اكيد تحبيني ماريد اجبرج ع شي

تبارك * من التوتر والاترتاك صخنت اني اموت بي هو يكولي خاف مجبورى

عمر * ها

تبارك * ..... بقيت ساكته ع

عمر * أوف ربي بل القرآن  احبج وعد مني تبارك مادامج تحبيني اني احبج وعد رجال إلا اخلي نهايت حبنه حلقه وخلي الناس تحجي بحبنه لو شيصير ماعوفج مهما كانت الظروف انتي هم توعديني متعوفيني لو مهما يكون نحارب لحبنه

16

تبارك * اقرى وبجي فرح يجوز احبه أكثر ماهو يحبني بحجيه يحسسني انو هو إنسان واعي ومثقف رجال وكده كلمته من هو يتوعد بصوته الهيبه واثق من نفسه بهل اللحضه زدت حب اله ... اني هم أوعدك ماعوفك 

عمر * ياروحي انتي

تبارك *?? ????? مم

عمر * من هنا بدت علاقتنه حبنه صدوك حبيته بقينه نسولف ل 3 بليل اتغزل بيها هيه من كوه تحجي من الخجل حبيت خجلها حبيت صوتها من تصيحني باسمي انجن

تبارك * بقينه نسولف اني من كوه احجي مستحيل كولساع وكلي احبج وعشقج اني أبقى ساكته لو اسوي نفسي مسمعت من الخجل ضخنت لل 3 بليل ردت اروح

تبارك * عمر تئخر الوقت يله ع نوم

عمر * نعستي

تبارك *  هيه تتثاوب وتحجي بنعاس أي كولش

عمر * اوكي حبيبتي

تبارك * ??

عمر * اعشقج ولج

تبارك * ?? يله تصبح ع خير بس أريد اشرد منه من الخجل

عمر* وانتي بالف خير ياروحي

تبارك * يله بأي

عمر * بايات

تبارك * قطعت الاتصال منه ردت انام بقيت أفكر بي

■■■■■■■■■■■■■■■■■■■■■■■■■■■■■

عمر * سدته ردت انام بقيت اتكلب ردت انام ماكدر طلعت المكالمات بقيت استمع بيهن مرت الأيام والأشهر زاد حبنه تعلقنه واحد بل الخ زاد الحب بيناتنه وزاد الاهتمام من تبارك الي

■■■■■■■■■■■■■■■■■■■■■■■■■■■

تبارك * مرت الأيام زدت حب لعمر وتعلق بي ماوصف حبي اله ولهفتي عليه جان حتى من يكعد الصبح يكعدني ويا □□□□□□□□□□□□

عمر * ماوصف حبي لتبارك هاي اول مره بحياتي بنيه تأخذ كلبي وعقلي زدت تعلق بيه جنت حتى من اكعد الصبح اكعدها وياي أبقى تسولف وياها حتى من ابدل ملابسي وروح للدوام احجي وياه لمن أوصل للدوام يله نسد الخط جان واحد مدمن ع الثاني حبنه ماكو منه ابد رغم انو اني مشايفها ولا حتى طلبت صورة منها لن جان حبي الهم مو شكل وجمال لا جان بس صوتها كافي عليه احس نفسي ملكت الدنياء

■■■■■■■■■■■■■■■■■■■■■■■■■■■

تبارك * جنت مفاجئة بعمر ماطلب مني لا يشوفني لا جان يقبل انو ادزله صورة جنت اسئله ليش متريد تشوفين وجان جوابه ميهمني الشكل والجمال أهم شي احبج وقابل بيج ميهمني الجمال اني ماحبيت جمالج ان كنتي حلو او لا حبيت كلبج حبيتج انتي جان جوابه يزيدني حب بعمر وثقة عمياه جنت ماشوف بل الدنياء بس عمر وحبه وحنيته خوفه عليها اهتمامه وحرصه عليه ولهفته وشوكه الي من يرجع من الدوام من يطلع يخابرني بل السياره لمن يوصل للبيت جان حتى من يطب للبيت اسمع من يسلم على أمه وسمع شلون يبوسها ويحاجيها جان أسلوبه وي الكول حلو ومليق ...

28

■■■■■■■■■■■■■■■■■■■■■■■■■

عمر * بمرور الأيام زاد ضغط عمي عليه إلا ازوج بته دائماً جوابي الرفض جان المشاكل تكثر يوم عن يوم تكثر المشاكل مره اجتي مروه لبيتنه كاعدين طبت سلمت علينه وصلت يمي

7

مروه * شلونك عمر

عمر *اني العصبيه والكره الي بداخلي تجاها بخير شكو جايه

مروه * شنو شكو جاي بيت عمي وزوجي المستقبلي

15

عمر *هو يكوم جرها من عبايتها ض*بها راجدي كدام أهلها لج ادبسززز باحلامج تصيرين مره الي فتهمتي لو أعيد كلبه حقيرة ماعدج كرامه انته خلي عزت نفس الج

2

أبو عمر * هو يكوم لك شسويت انته شلونك هيج تض*بها

عمر * محد يدخل هو يجر مروه طببتها للغرفه قفل الباب .. لج وربج ماخذج لو الدنياء تحترم فتهمتي لو أعيد

مروه* بصياح وبجي ولله تاخذني وليش ما تريدني شبيه اني

6

عمر * جريتها من شعرها لطشتها بل الحايط تنجبين وتحجين عدل لا راسج ا**رها دفتها ع الكاع اذا اشوف وجهج ابتلي بيج فتهمتي بصياح. . هذا الحجي أهلي **ر و الباب امي تصيح وتبجي طلعت جريتها من شعرها فتحت الباب وشمرتها وكعت بحضن ابوي خليت وصعدت لغرفتي ابوي يصيح ورأي طبيت اني النار شابه بكلبي فتحت جهاز الازم احاجي تبارك اجي اتقدملها لن تعبت حتلو بس خطوبة وسد حلك عمي ومروه

اتصلت ع تبارك شويه أجاني صوتها الي هو ملجئي وراحتي

تبارك * الووووو

عمر *هلا يكلبي شلونج

تبارك * تمام يروحي انته شلونك

عمر * بحسرة تمام

تبارك * عرفت اكو شي ... شبيك يكلبي

عمر * مابيه شي

تبارك * لا صاير شي

عمر * حبيبتي ماكو شي

تبارك * اوكي صدكتك

عمر * مشتاقلج ورب الكعبه

تبارك * اني هم حبيبي .. من صوته مبين اكو شي بس ميكول

عمر * أوف ربي لج انتي راحتي

تبارك ■■■ مممم

عمر * تبارك راح أجيب أهلي وإجي اتقدملج لن تعبت أريدج يمي ولله يوميه اموت الف موته كول ثانيه كاتلتني الاشتياق

تبارك * بفرح بصدمه حبيبي اني هم اشتاقلك بس تعرف انته دراستي اني اعرف أهلي مينطون اذا ممكمله دراسه حياتي بس الخامس والسادس اكملهم

عمر * بعصبيه يعني من عقلج انتضر سنتين يعني بس خطوبة حتى أضمن انتي صرتي الي وخطيبتي

تبارك * أي حياتي اعرف بس خل أكمل خامس بعدين خطوبة بشلع الكلب وتحرمص يله قنع بقينه كل العاده سوالف وضحك وغزل كملنه مكالمه قطعنه الاتصال ■■■■■■■■■■■■■■■■■■■■■■■■

عمر * قطعنه الاتصال خليت هتفون وطلعت مكالمتنه بقيت استمع بيها جاي استمع بيهم يزيد حبي ولهفتي وشوكي اله مرت الأيام احنه ع تواصل لاكن مشاكل عمي زادت وضغط عليه وإني  بالي كوله يمها مستحيل اتخله عنها صبر سنين هاي مجنت متخيل نفسي أحب ولا مخلي ع بالي زواج نهائيه لاكن من دخلت تبارك لحياتي نورتها الي وضوت طريقي حبيتها من كلبي الإنسانة الوحيده هيه الي دخلت كلبي بدون استئذان❤❤

هنا زيارات مروه زادت النه رغم الرزاله اطردها اهينها هيه ولاكئنما صاير شي مره جنت طالع موبايلي عد مروه تحجي وي تبارك

3

براء* جنت داحجي وي تبارك طبت مروه وريام رحبت بيهن كعدنه اني احجي وي تبارك ترخصت منها خليت الجهاز ع شحن بغرفتي ريام ومروه موجدات خليته ع شحن بس مقفلته طلعت من الدكمه الي بل النص رحت جبت ضيافة وجيت لكيت جهاز بيد مروه. .... أخذته منها هاي شدسوين

مروه * شدعوه شسويت اني منو هاي صديقتج الي لازكتلها حتى احنه ممعبرتنه و.... يتبع