“Noy, siya si Alona, ang kasambahay sa bahay na ito. Kung may kailangan ka ay sabihin mo lang sa kanya kapag wala ako o ang manugang kong si Dondon na wala ngayon pero makikilala mo rin siya pag-uwi niya,” pagpapakilala ni Santi sa kasambahay na si Alona at sa bagong driver ng anak niyang si Glenda na ang pangalan ay Nonoy.
Tumingin at tumango lang naman si Nonoy sa dalagang kasambahay..
Matangkad at matipuno nga ang pangangatawan ng driver. Kayumanggi ang kulay ng balat at mukhang hindi mahilig magsalita.
Ngumiti lang din ang dalagang kasambahay at saka tumango.
Ngayon din ang check-up sa doktor ni Glenda kaya dadalhin na siya ni Nonoy kasama ang nurse na lagi naman niyang kasama sa tuwing kailangan niyang bumiyahe para nga magpa-check up.
“Nagpaalam ka na ba kay Ma'am Glenda mo na m
