“Kuya Bong, kapag dumating na ang trak ng basura ay paki ayos na lamang ang mga basura natin para wala ng maiwan. Noong isang linggo kasi ay may naiwan pang isang sako sa loob.” Ang bilin ni Alona kay Bong na siyang tumatayong guwardiya na laging nakabantay sa gate ng bahay.
“Sige, Alona. Akala ko kasi ay iyon na ang lahat ng basura at hindi ko nagawang i-tsek kung may mga naiwan pa sa loob.” Sagot ni Bong na nasa trenta na mahigit ang edad. Katamtaman lang ang tangkad nito ganun din ang katawan nito.
“Salamat, Kuya Bong.” Pasasalamat ni Alona at saka pa inayos ang mga basura.
“Alona, napapadalas yata ang pag-alis ni Ma’am Glenda at Nonoy, ano? At saka, malayo ba ang ospital kung saan siya nagpapa-check up? Nagtataka lang ako na madalas silang abutin ng malalim na gabi sa labas.” Kwento
