“Alona, mabuti nagtagal na ng ilang araw si sir Dondon sa bahay?” usisa ni Bong kay Alona ng magtapon ito ng basura sa labas na naman ng bakuran.
“Oo, kuya. Alam ko kasi nagkaaway sila noong huling alis niya at ngayon lang sila nagkabati.” Sagot ng dalagang kasambahay.
Nangiti lang si Bong.
“Nagpaamo lang si Ma'am Glenda kay Sir Dondon. Siyempre lagi na kasi silang magkalayo samantalang dati ay lagi silang magkasama,” komento ni Bong.
“Mabuti nga nagkasundo na sila dahil kailangan ni Ma'am ng nakakaintindi sa kanya lalo pa sa nangyari ngang pamamahiya sa kanya ng mga tao ng mamasyal kami.”
Tumango-tango ang guwardiya.
“Hindi ko kasi masisi, Alona. Sabi ko nga sayo, iba si Ma'am Glenda dati. Masama talaga ang ugali kaya ganyan ang mga tao sa labas,” sabi pa ni Bong.
“Kawawa kaya siy
