“Noy, gusto ko lang mamasyal tayo kahit saan lang. Huwag ng masyadong malayo para hindi ka na rin napapagod sa pagda-drive.” Ang bilin ni Glenda kay Nonoy na tahimik lang nagmamaneho ng sasakyan.
Ang sabi ni Glenda kay Alona ay sa doktor na naman siya pupunta pero hindi naman talaga.
Umalis sila ni Nonoy dahil miss niya na ang lalaki at nais niya na naman itong masolo.
“Bakit ang tahimik mo, Noy? At saka napapansin ko na parang iniiwasan mo ako? May nagawa ba akong mali para iwasan mo?” mga tanong ni Glenda.
Bahagyang umiling lang naman si Nonoy.
“Miss mo na ba ang pamilya mo kaya ka nagkakaganyan? Pwede ka namang mag day off kung nanaisin mo. Kung gusto mo naman dumiretso tayo ngayon sa bahay niyo para makita mo ang asawa at mga anak mo,” suhestiyon ni Glenda.
“Ma'am, malayo ang sa
