(LORIE'S POV)
"Bye girls!"
"Oh, saan ka pupunta? Sa coffee shop na naman ng Ninong mo?"
Natigilan ako sa paghakbang palayo kina Sela at Mira para maglakad na sana papunta sa coffee shop ni Ninong Max.
Halos araw-araw kasi ay pumupunta ako doon, bago umuwi at kung minsan kapag vacant period namin o nagkataong wala ang professor namin. Tini-text ko muna si Ninong Max kung nandoon siya at kapag sinabi niyang oo ay awtomatiko akong tumatambay doon.
Halos doon kasi siya nananatili at nagmo-monitor sa mga negosyo niya. Bihira na nga raw siyang bumisita sa satellite office niya dahil puwede naman niyang i-monitor and business niya thru online lalo na sa panahon ngayon na common na ang internet. Malaking tulong din ang CCTV cameras na nakainstall sa ibang negosyo niya at sa mga properties niy
