(THIRD PERSON POV)
Nangunot nang husto ang noo ni Jennah nang biglang kumilos ng kakaiba ang kapatid niyang si Lianna habang nasa isang café sila.
Bigla pa siyang hinila ni Lianna at dahil hindi siya nakapaghanda at nakatayo agad ay nabitiwan nito ang kamay niya.
"Aray, ha!" Mahinang daing ni Jennah pero tila hindi na siya narinig pa ni Lianna dahil tuloy-tuloy na itong lumabas ng café. Lalo tuloy nangunot ang noo ni Jennah sa kakaibang inasal ng kapatid niyang perfectionist.
Saktong pagtayo ni Jennah ay bigla namang nagtama ang mga mata nila ng isang lalaki. Kapwa sila natigilan at kapwa tila tumigil ang mundo nila habang nakatitig sa isa't-isa. Kusang kumurba ang munting ngiti ni Jennah para sa lalaki, at ganoon din ang lalaki sa kanya. Kumabog din ng malakas ang pintig ng puso niya
