Bigla itong naglaho sa kanyang paningin, nagtaka siya at luminga sa paligid.
"Nasaan ka na mahal ko?" Malakas niyang sabi, nagpalinga linga siya sa paligid at pilit itong inaaninag sa dilim. Nang mapadako ang kanyang mga mata sa katapat na bahay.
Nakita niya si ate Gina na nakadungaw sa malaking bintana ng mga ito at nakadako ang paningin sa kanya, siguro ay narinig siya nito.
Bigla tuloy siyang napaisip kung nakita kaya sila ni Emmanuel? Maaari, kaya siguro biglang nawala si Emmanuel dahil nalaman nito na may nanonood pala sa kanila.
Isinara na lamang niya ang kanyang bintana at naupo sa may gilid ng kama.
"Emmanuel.." Ibinulong niya iyon sa hangin, at baka sakaling dalhin na hangin ang pagtawag niyang iyon sa lalaki. Napakalambing ng kanyang mahal, lahat ay ginagawa nito para mapasa
