Maliwanag sa ibaba pagkababa niya, nakabukas kasi ang mga bintana, hindi na lang siya nagsalita at ayaw na niyang makipagdiskusyon, dumeretso siya sa kusina.
"Buti bumaba ka na Carina." Napalingon siya dito, sinundan pala siya nito.
"Nagutom na ako eh." Tipid na sabi niya dito.
"Eh kumain ka na, ikaw naman nagpapalipas ka nang gutom alam mo naman na mahirap magkasakit." Narinig niya mula dito, ramdam niya ang concern nito sa kanya. Ito na ang kumuha ng plato niya na gagamitin.
"Masarap ba itong luto mo? Baka naman hindi ko magustuhan." Nakangiting sabi niya, inaasar niya lang. Gusto niya rin na ipadama sa kaibigan na wala na yung kanina na nangyari sa kanila. Ganon naman sila kapag nagkasagutan, ay magiging okay na rin maya maya.
