"Sino na naman ang naglagay nito?" may isang itim na namang box na nasa gilid ng pinto ko.
Kauuwi ko lang at sabi ni Chris ay hindi niya ako masusundo at hindi niya rin maihahatid si Kristoff. Okay lang naman sa akin at okay naman daw sa anak ko. Ewan ko na lang kung hindi siya iiyak mamaya.
Sa lahat ng natanggap kong box ay walang magandang naidulot ito sa akin. Iniwan ko na lang ito sa labas dahil ayaw kong tanggapin at buksan iyon.
Nang maramdamang masyadong tahimik ang bahay ay nagplay na lang ako ng mga kanta.
"Sino 'yan?" napatigil ako sa paghuhugas ng mga rekado dahil sa narinig ko.
Napatingin ako sa oras at malapit ng mag-alas siyete. Lumabas ako ng kusina para tingnan ang labas. May kumakatok pa rin sa pinto.
Nakaramdam ako ng kaba ng may marinig na kakaibang tunog itong da
