"Oh? Anong nangyari sa'yo?" tanong ni Derrick ng makita niya akong kagagaling lang sa labas na parang aligaga sa sarili.
Pagkakita ko sa laman ng kahon ay natagalan pa ako bago bumalik sa reyalidad. Mabilis akong lumabas para itapon iyon.
"W-Wala. Maligo ka na. May amoy ka pa ng alak," pagtaboy ko rito.
Sinarado ko ng maigi ang pinto bago tuluyang pumasok sa loob. Ni-lock ko rin ang mga bintana.
Wala na ang pinagkainan namin at wala na ring hugasin sa lababo. "Baby, did you brush your teeth?" nanghihinang tanong ko sa anak ko.
Ngumiti ito sa akin at pinakita ang ngipin niya. May kaba sa aking dibdib kaya minsan ay napapatingin ako sa anak ko. Gusto kong nasa harap ko lang siya at nakikita ng dalawang mata ko.
"What is he doing here?" kunyaring galit ni Derrick ng makita si Chris na n
