"Bagong lipat?" tanong ng isang tindera sa isang maliit na tindahan. Halos lahat ng tinda niya 'yung mga common lang.
"Oo," tipid na sagot ko sa kaniya.
"Bakit dito mo naisipang lumipat? eh halos lahat ng mga tao rito gustong umalis," kyuryusong tanong nito.
Hindi pa siya katandaan siguro mga nasa 30 up pa lang. Maliit na baryo ito at malayo sa kinagisnan kong buhay kaya siguro matuto na akong palaging gulay ang ulam dahil mahirap maghanap ng karne rito at mahal din kung napupunta na rito.
"Wala lang," tamad kong sagot. Nahimigan niya iyon kaya nagmadali siyang ibigay ang binili ko. Bumili ako ng makakain dahil halos maubos ko na ang snacks sa bahay.
Halos magda-dalawang linggo na ako rito at ngayon pa lang lumabas kaya n'ung lumabas ako ay kita ko ang kyuryusong tingin sa akin ng mga
