Nagising akong tanghali na. Wala na si Chris sa tabi ko kaya naligo na muna ako bago lumabas ng kwarto. Tanghali na kaya alam kong kanina pa gising si Manang at Naia.
Biyernes ngayon kaya gusto kong lumabas kaya lang busy raw si Chae maraming photoshoot, si Riche may pinag-uutos na naman Daddy Richard niya kaya dito na lang ako. Si Mia kasi tamad ‘yun kaya malabong aalis ‘yun kapag kami lang.
Matutulog na naman ako buong maghapon nito. Nang makababa na ako ay nadatnan ko si Manang na nag-b-bake kaya napangiti ako. Ang hilig naman ni Manang magluto ng kung ano-ano. Siguro ito na lang ang sasanayin ko para naman maging productive ang araw ko.
‘Di naman ako pwedeng uminom kasi ako lang isa baka si Manang pa ang mapagtripan ko. Nakaupo si Naia sa mesa habang si Manang naman ang naghahalo
