دلفت نبض غاضبة خلفه إلى غرفة المكتب تقول بنبرة غليظة
-أنت مبتقولش حاجة ليه مبتكلمش ليه يا يوسف
-أطلعى برا يا نبض
قالها يوسف بجدية حادقًا بـميرا الجالسة على المقعد أمام المكتب فنظرت نبض إليه وقالت
-يوسف
قطعه بنبرة غليظة قائلًا
-أطلعى برا يا نبض
تذمرت على صراخه وخرجت مُشتاطة غضبًا جلس على مقعده خلف المكتب وقال ببرود
-أفندم
تبسمت وهى تحدق به بغرور وقالت بثقة
-غريبة أنك مستغربتش لما شوفت واحدة ميتة واقفة قدامك
-هو فى ميت بيصحى برضو
قالها بسخرية فقالت ميرا
-أنا عاوزة بنتى يا يوسف أنا أتحرم عمرى كله من الخلفة ومش لما أعمل العملية وأخلف تأخد بنتى منى عافية
-هى فين بنتك دى
قالها بجدية ساخرًا من حالها فقالت
-إيلا
نظر لها وقال بلهجة غليظة
-دى بنت نبض ولو عرفتى تثبتى غير كدة أثبتى
-أنت بتحرم أم من بنتها يا يوسف دا ظلم
نظر إلى ميرا بهدوء وقال بعقلانية
-دا نتيجة أختيارك
