“DO YOU sing, Missy?”
Muntik na siyang masamid sa tanong na iyon ni Ico. Kung merong isang bagay na confident siya bukod sa paglangoy ay ang pagkanta. At ang huli ang hindi niya itatanggi kahit kailan.
“Oo. Ikaw?”
“I do, too. Perfect! Let’s sing!” Bago pa siya nakahuma ay inabot na nito ang kamay niya at hinila siya sa bahagi ng resort na may videoke. “Duet tayo. What song would you like to sing?”
“Kahit ano, basta Aegis,” hindi na nag-iisip na sagot niya.
“Wow! Biritan pala gusto mo. Mapapasubo pala ako.” He checked the song book. “Here it is. Sinta.” Inabot nito sa kanya ang isang mikropono at pumailanlang na ang intro. “I also love to sing, Missy. This is gonna be exciting.” And then he cleared his throat. “Pag-ibig ko sa iyo, tunay at totoo...”
“Sing-tamis ng wine, sing-tatag ng
