بارت الثامن

2119 Words

دشيت داخل الحجره حجيه خديجه كاعده ع تخم انه عمري كله مادشيت داخل البيت حجي ولا مره وكل ياخذون الـ حليب ياخذونه وانه واكفه بالباب لو باب مطبخ حجرتها و ودشداشتها تلمع ضليت عاين عليه تربعت بالگاع وهيه ع تخم حجيت بهداوه وانه ع** داخلي معطب من قهر ابتسام كاعده يم الحجيه تنزل راسه وترد تصعده جنه فاره حجيت هذا الكلام موجهه لـخديجه غصون :- خيه انه مفروض اتحجه ويه حجي سلمان بس زلمتج مامش اهنا و انه مكدر اردن و ماحاجيه بگليبي موچر اتوچر رفعت انظاري وانه اتنوع الهن جان يعاينن علي بوجهي مستغربهات مني رغم انه خايفه لا تنكر بتهم و يتصخم وجهي من تسمع كلام عليان ردت الحجيه خديجه وهيه رافعه حاجبه :-شنو صاير حتى انته تحجي هيج اغلب حجي الحجيه جن هذا انگريزي كله مت**ر موش مثل هذا البغدادي انه اعرفنه اخواتي يتحجن مثلهم عبن من تزوجن راحن لبغداد هن و صغار تعلمن ع چلماتهم البغداديه وحجيهم غصون رديت وانه كزيت ع سنوني :- اعرفنكم اهل خير وعز والسلف كله يشهد لجن الغني غني ع روح موش ع ابن ادم ابتسام فگت اعيونها فاگه حلكه تحركت شفايفه نكرت :ــ لحظه حبيبه شنو هذا الكلام حجيه خديجه :ــ اني مافهم شنو يصير انتو فهموني غصون رديت عليهن :- خيه امي وانه ناس ع باب الله كل همه عيشته محد سامع عنه حجايه مزينه ولا انتو سامعين عنه حجي مزين حجيه خديجه ::: ايي انته وامك خوش ناس ونعم منكم ضحكت بداخلي ع حجيها هاگ استلم سوتني ويلد رديت :- الف رحمه عليج جا تحجون علينه مايرضي الله ورسوله حجي مزين ليش خيه ع جم درهم طلعتهن من شيلتي قدمتهن اله خيه هذني ومانريد منيه من احد واذا عندج شگ خيه احسبيهن جدامي اخاف ناگص العدد ضلت ترمش بعيونه رماديات :-انته عيب اتسوي هيج ابتسام ردت تخزر بيه كامت من مچانه وسدت الباب التفتت اله كبل لا تسد الباب تعلگت عيوني بعيون ما تسمى علياء تحجي وعينه ع الحجره ابتسام سدت وردت مچانه حجت بحزم :- ردي فلوسج موش احنه ترد افلوسنه بهاي تعتبر اهانه :- هه اهانه خيه من تحجون عن فضلكم ومنيتكم علينه جا هاي ماتعتبر اهانه وتجرحون ابن ادم ابتسام ردت بتبرير :-ورح امي محد تحجه بسالفه ومحد يدري ولا حد يعرف احنه ناطيكم فلوس هاي هديه لكم موش اهانه ردت الحجيه خديجه :- ابتسام انته ضام عليه شي ابتسام التفتت اله كملت كلامه الحجيه خديجه :- اني اعرفك من تكذب كلام غصون صحيح مو وانته تعرف منو ابتسام تعصر بيده بحيث محابس لي بأديه يص*رن صوت تحجت :- لا يمه ماعرف خديجه ردت بحديه اكثر ::: انته تكذب علياء بالموضوع توتر النقاش بينهن كلشش رفعت راسه ضلت تعاين عليه وردت انظاره ع حجيه خديجه تفور خديجه :- ورده انته شنو اسمك رديت بكل شموخ وانه انظاري عليها :- غصون ابتسمت بوجهي :- اسمك حلو ااخذ هذني هديه وحقك عليه لا تضوج غصون رديت بنفور عليها ::: خيه انه ماخذ درهم اسود وجنتكم ان جانت هيه اگضبوه الا اعضه من لوزته وطلع بروحه ردت ابتسام بعصبيه ::: شو انتي ماتعرفين تحجين ولا تعرفين مستواج رديت عليها بستهزاء وانه اكومن :- هه انتي تعرفين وانه اعرفن لا تغشمين نفسج جنتكم تحجي بعرضي بالشين وهاي عيبه وانتي بعدج بت مامتزوج لا تنسين خديجه :-انته شدكول شتحجي ابتسام اني مافهم غصون حجيت بتهديد :- انه.اعرف سالوفه ضلت يمجن لجن وحگ سبع الگنطره ان تحجت وسمعت حجايه عني احشه حش وانه بت زاير عفتهن وطلعت وحده تض*ب صفنات طلعت الحجرة شفتهن يعاين علينه مثل منتظرات ف*ج الله حتى يعرفن شني شـ جره بالحجره طلعت من باب المطبخ تعديت هاي الحيه الصفره علياء :-شنو اجيتي تاخذين مقسوم منهن زودو فلوس غصون ضحكت بطرف شفتي :- خيه خليتهن الج اخافن تحتاجيه اكثر مني علياء حركت اديه جانت لابسه ملاوي اربعه بديناته صدح صوتهن وهيه تعدل بيهن :- لا خيه انه زلمتي الله غانيه بس انتي خيه محد غيرج گادود اخذي والله يرزقنه زرفت گلبي ضليت ادخن من العصبيه وگلبي شعوط عفته وطلعت من البيت لان اذا اضلن اهناك يمكن اگله بسنوني صادفني هذاك الزلمه معصب ضل ينتوع عليه وهاب فتت من يمه وطلعت شارده من ضيم الدنيا وانه اتنفس من حلگي مكدر اتنفس زين احسن هواء انگطع عني سمعت صوت سميره تحجي بنره صوت عاليه كلش :- شجابج اهنا يالغبره درت ليوره وتمشه صوبي شعره نصه طالع وعبايته ملحه من التراب اخذت نفس وزنفرت بحسره نايمه ع افادي غصون :- مامش سميره اريدن اردن للبيت سميره ردت وهيه تمشه وياي :- اكلج انتي موش ع بعضج شفتج توج طلعتي من بيت حجي سلمان شنهي صار :- ما مش شي نشدت عن حجي سلمان مالكيته وانه مابيه اردن وفلوس بمخباتي اخافن لا يروحن تحجيت ويه حجيه خديجه سميره ردت عليه بفضول :- يمعثوره شنهي سالفه حجيت بخنگه شايفين هذا مسيس بشط ومايعرف يسبح هذا انه غاطه بحر الهموم وتجي روچه قويه كلش تهدم عليه كلشي وضل بعازت الهواء اتحلم بحياه حلوه ورد خايبه اضنوني حجيت اله صار سميره بشهكه:- يااااع فلگ طرج هيج تحجيتي وياه :- اگلج شو انتي ماتعرفين تحجين جا شتردين اهوس اله فوگ شينهم گوات عينهم سميره :- ايي بس موو هي...... اكلج شووفي يااهو هذااا رفعت انظاري شفته سعدون ابن ام سعدون جبيره دوم يعاين عليه وانه يلزمني الخوف اضل ارعش نظراته تچتل ماريدن تجي حجايه عليه وع اخواتي وبسببه اعرفنه هو عنده مشاعر تجاهي بس انه لاماعندي عيونه مگحله سود لحيته خفيفه وشارب اسود واكف جان ولغف دشداشته من جوه غمضت عيوني ورديت فتحتهن وانه اسمع حجي سمير وغزلة بيه انه جنت اخ*ف نظرات من جوه لجوه وردن انزلهن سميره تحجي بهيام :::: اخخخ گلبي رهيف شني هاي حواجب سيوف احد لو طول يمااااااي معت سحت غديت فدوه ونذر طوله بعد حيليي ابتسمت رغم همي وقهري و ضجيج بداخلي عاصفه هيجاء اريدن انسه كلشي تخطينه سعدون ورد گال بخفوت "" ياصدفه إختلفت عن باقي الصُدف "" رمشت اعيوني عدده مرات وسميره ماعت وفهت حلگه وعيونه ذبلت راحتت البت جريته بقوه دنستني بگوعه :::اكلج هذااا گيمر السده يغصدني انه مو هزيت راسي :::: ايي بويه يغصدج گضت ايدي بقوه :::: هسه نرد ماخليه يروح الا يعقد علي خايبه انه صدفه ماعرف شني باغي عضيت شفتي بقهر :::: تعزيت وتصخم امشي جدام لا زوعج العافيه وروح جدي ::: امششي تسحلني خايبه كون تضوگين اعگال ابوي لعب جوله ع ظهري كون هيج يلعب ع ظهرج ضحكت بقهر ::: بلة انتي شتحجه وياج سكتت ماعرفن سعدون منين طلعلي كل مره يطلع بطريجي انه اصدنه وغير طريجي اشوفم بعيونه شوگ لهفه عاشگ ولفه بس انه ما بيدي شي امه ماتريدني جا هو غصب تسمعني حجي ع انه مجلبه بثايب ابنه وانه واگفتله بطريج الروحه والرده وانه ادز اخته حتى يقبل بيه طلع بيه الف عيب وانه ذابه نفسي عليه طريجنه مسدود لا امه تريدني ولا امي تريده مشاكل بينهم تهي بهي فززني صوت سميره وهيه مستمره تتغزل بيه ::: اگلج انه سمعت عأشگ صدج حجي لو جذب بلت شفايفي بتفكير رديت عليه::: سميره انه ماعرف واصلا انه استحي منه سميره هيه هزت حلگه يمنه ويسره :::: رحمتك ربي غصينه بدت تستحي جا انه شبيه ربي زيد علينه خيرك ::: غدي جا انه شبيه ماخچل انتي ماتعرفين غصينه كله انوثه ورقه :::: اگلج انتي جاسميه سمعتج تشهد انه اريدن سعدون ذ*حني وخلاني متعلگه بيه اريدنه ::: خايبه تسودنتي وعلي انه ردن لبيت احسن اليه عبرنه الشارع العام هيه راحت بطريجه وانه هم وطيرجي كله تفكير بتفكير ماعرفن علياء ليش هيج سوت بيه! زين انه شعملت حتى تسود سمعتي وتحجه عليه هيج!!! حجيه خديجه تعرف هيه من حجت ويه بته واضح جنتهم ملعبه ومخربه الاول والتالي من هيج حجت خديجه رديت للبيت من وكت شفت نار تصعد رحت صوب النار شفت بان واكفه وتخلي حطب بالتنور نزعت عبايتي وجواريب وشيله فتحته تمشيت رطوبه زرع الحشيش دغدغ رجليناتي ابتسمت جريت معجانه عجين صاعد بديت اشنگ عجين وخلي بصينيه بان ردت عليه ::: هاي شوكت اجيتي غصون احجي وانه اشنگ رفعت راسي ::: من زمان خيه ردي داخل انه اخبز بان ::: اساعدج ترا مليت من كعده ابتسمت ادري بيه مامتحمله ملام امي جبتي ابنيه مابيج خير شوفي اختج وسن جابت ولد صير مثله ادري هو بيه عليه ::: ملليتي من ضيجت البيت لو من ملامت امي انتهدت وذبت حسره مگبوته بص*ره ::: لاثنين خيه امي تزن فوك راسي حتى احبل وانه ماريد ولا هو يريد ::: بان جربي وياه زلمه بلجي يتغير ردت عليه بمعاني وجهه ذبلانه عيونه ع تنور طين حجت بخفوت :: شجرب انه كلشي مااعرف ولا فهمنه يوم يجي متلهفه وياخذني بحظنه وعشره يعاملني مثل حيونه من يتعارگ ويه مرته الاولى يذب حرگته كله بيه انه اتحمل....... ضحكت بستهزاء :::سوده عليه ان شاءالله انه ماعرف شتحجه وشكولن بس الله يهدي ان شاءالله يرد الاصله انتهدت بحزن ::: الله كريم شسويتي ويه فلوس حجي سلمان رديت وانه اطرگ الخبز بقوه وقهر وض*به بالتنور ::: رديتهن الهم وعرفتهم منهي انه بان:::: حبوبه سولفي فدوه غصون::: لا عيوني ردي للبيت وانه حجي وياج بكل صار هزت راسه ::: اكلج هاي طاسه بيه لحم امي مشتهيه خبز عروگ وخظره اييي خيه فهمت روحي لأمي وكعدي انه شويه وجايه ::: بديت اخبز واذب حرگتي بالخبز من اطرگه بقوه انقهرت عليه احنه لو عنده ظهر يسندنه جان مصار هيج بسس اخخـ زمن ضوگنه الاخ شكم مره عندي بس خاالي گادود علينه حمال يشتغل ويرد و عمامي ماعرفنهم عنهم شي خلصت ودشيت داخل مطبخ شفت امي كاعده مدده رجليناته وتلوللي ل فيض وتناغيله وهيه منعوله تضحگ اله انه رحت سبحت نتغدا قبل الاذان تغدينه وامي مزنبره ونترت بيه اخرشي شمرت الخاشوكه بالماعون جدامه رفعت راسي ::: ماصخ اگلج ماردينه بان رديت :: ليش يمه يخبل التمن وملحه زين بان ::: ها يمه تردين روبه لو خبز فليحه ::: لعع ماريد شي بان ::: لعد شتردين يمااا فليحهلمت شفايفه وظهرن تجاعيد وجهه بغضب..... مامشش شي لوعتن جبدي سديتن نفسي انه صافنه ع حجي امي امي ما تحجه عن شي الا اذا جان ملجومه وسامعه شي خوفي لا سامعه شي عني ضليت اتحرنص كامت عنه ودخلت لحجرته سمعت نعاويه ع عليوي صفنت طيف عليوي مر عليه وانه جاعده مامستعوبه هو جدامي مخي تهدون رمشت بعيوني ابتسم غمضت عيوني ورديت فتحتهن مامش شي مجرم الوگت ياخذ منه اعز ناسنه تذكر ابتسامته بوجهي اختكنت غصه بزردمي عفت اكل وكمت عنه ::: ليش ما كلتي غصونه رديت بصوت مختنگ ::: ماريدن بنو انتي اكلي انه اروحن اصلي صوت اذأن كبر وصااح الله اكبر يعلو الصوت جسمي ارتعش من واقشعر انتفست بعمق اكثر توضيت وصليت بخشوع وقريت قران صغير ضامته بين ملابسي دوم اقره بيه وضمه خلصت صدقت رفعت انظاري شفت احقر الخلق الله صدام جلمات قليلة ماتوصفه لميت سجاده اخذته صعدت ع تنگه وجريت صوره من الاطاره مسويه عليوي ومخليه شگيته بنص بقوه دخلت بان شاف*ني عقجت وجهه بتسغراب من تصرفي :::اليوم منيتج ع يد امي مابيه مجال رديت بستهزاء ::: يوم المنه تصير ع ايد امج ردت بفزع ::: لا يماا اسم الله بعدوينج حبيبه انشاءالله كعدت وردت تحجي ::: هسه تحجي خيه اريدن اسمع بديت احجي اله عن كلشي بان رغم صغر سنه بس اقرب اليه من وسن وسن ايد امي وگلبه بان بتنبيه..... ديري بالج منها امبين هاي شرانيه ::: هو انه ماحبيته جنه عتوي فاطس بان فطست من ضحگ وجهه صار احمر ::: لا بشرفج عتوي فاطس عجب ماسويتها عجل ::: خيه عجل يضل يعتب عليه اذا نسبته اله بأن خدوده صارن حمر ::: لا تحرگين اعصابج وهم شتريد تسوي خل اتسوي اعرف بيج خبلة ول**نج اذا هد محد يسده غصون ::: خيه وربج انه افغد من اي چلمه اگبح ماعندي طاقه اتحمل غاگه ابتسمت ايي:: ياداده اتحملي كلهن مجلوبات وداعت اعيونج ضليت انه ع حالي وضعي بين الزرع والبيت شكد ماتمر بيك سنين انه من ادش البيت اختنگ بداخلي يصراخ الف اه يمر كلش عليه گلبي مثل الصخر شما تعصف بيه حياة تزيد قساوة ويشد اكثر يضيع كلشي ويلين جدام ذكرياتي تربطنه بيه ضحگة و حطيان مرسوم رسم بفحم اسود صوره ابسط تفاصيل تضل بگلبي مأساة احن هذيج الايام صفيت لا سند لا اب لا اخ صفنت انه صفگت اديناتي بقهر مرت تلث ايام بان ردت ويه زلمته وانه رديت لوحدتي وشغل البيت تعاملي ويه امي مد وجزر يوم الله هاديه يوم تنبش و تسب ابو الخلفني بيوم انه من جنت احوي زرع الخظره خلصت كعدت جوه السدره وايدي بيه منجل بنات بعدهن يشتغلن بس بعيدات عني ما حسيت اله فوگ راسي ابو شوارب ابن حجي سلمان معصب كلشش اعيونه حمر رمشت اعيوني كمت ع حيلي تعديت وكف بطريجي ضل يتلفت يمنه ويسره وانه ضليت حجه بحده ::: اريد احجي وياااج غصون رديت بحده :- شنهي انته شتريد مني اعرفنك تعرفني وتريد تحجه وياي :- اسمعيني ززين حكيم لا توافقين عليه رديت عليه بصياح ::: انته شنهي......... ....يتبع ......... غششش بسيط الاحداث ..... بلعت ريگي بصعوبه نتفسي يصعد وينزل متوتر غمضت اجغوني بقوه لزوم اتحجه وياه جا اضلن هيج ايي غصينه مامش صعب بس تحجي بهدؤء لا تعصبين شفت كاعد حمحمت رفع اعيونه اليه سود ابتسم بوجهي ::: انه..... سهره متعه ياحلوين

Free reading for new users

Scan code to download app

App Store Google Play

Facebookexpand_more