بارت الرابع

1666 Words

ليلةٌ طويلّة. . ألوَقتُ يمَر بِبطئ هَا أنا جَالسّة هُنا فِي تلكَ إلغُرفهَ ألمُشبعَه بالعُتمَه أشعُر بـ إنيّ جُثةِ باردةّ فـَ ألحُزن يُخيَم عَلى مَلامحِيّ،إلبّاهتِه دَاخليْ مُظلِم جَداً ألوجَع إنَهشَ قلبَيّ ألبَريئ أصَبحتُ كَ زهَره مُبتلهَ بالدمَوع جَميّع أغصَانيّ مٌن**ْره قَد كانَت كُل أمنَياتيّ أنْ يُفارقنيّ حُزنيّ إلبّائس إلذيُ سَرق م**ّ جَميل أياميّ حَسناً فَأنا إودَ أنْ إنام نَومٍ عَميّق بَراحة ليومٍ فـَ حَقاً قِد حَطمَ قلبيّ ذلكَ إلمُسمَى بَالحُزنْ. -َّ . عابثه الاخيره _________________________ . شهر اذار بارد مثل بروده جسمي مثل حزن قلبي الغرف من طين وحده بصف ثانيه وبنص غرفه هيه مطبخ باب رخي بسع يندفع وينفتح واحنه دوم انرده اندفرت الباب بكل قوته بحيث نرد وص*ر صوت كلش قوي اني جفلت من صوته ع صوته طفر عليوي يشوف شني كمشت دشداشته البيضه بقوه واحكام :- ووييننن عليوووي وين رايح االتفت عليه دفعني بالحجره بقوه هو مخنزره بيه خوف واضح من عيونه خفت هيه دفعه صوت :- لااا تطلعينن هيج وليج لبدت بالحجره صوت صياحهم لسه يرن بذاني كفرهم نبشو البيت نبش صوت ض*ب حجه ال حزبي بحده وغضب :- امششي لك كو... انعل ابوكم لابو خلفك اگلبو البيت عليهم انبشو السلف كله ماريد وحد من معارضين يطلع من سلف طلعوهم كلهم انه اسمع اصواتهم ودفرت بقسوه سمعت صوت متصوب لسه اتذكره من صرخ بصوت عالي بس همه ماكو رحمه بگلوبهم شالت الانسانيه من قاموسهم انه لافه العبايه ع جسمي ومخليه اديه ع حلكي اكتم شهكاتي خوف بهذيج لحظه مسلسل رعب كل جسمي يرجف مثل السعفه طابكه نفسي بالزاويه وانه بداخلي ندبت ابو فاضل """ يا خو زينب انه مالي غيرك احمينه انه بشاربك احلفنك بزينب استر علينه جفينه شر هذوله نچسين قاطع دعائي وانه جفت للحجره عسكري لابس زيتوني وجهه ق**ح وحواجبه مطبوگه كلش الدم نشف بجسمي اتشاهدت ع نفسي وبطني مغصتني حييل لم شفايفه بغيض هو مخنزر بيه انه ضليت متصنمه صاح من داخل الحجره عسكري:- سيدي مالكينه شي بس تقدم عليه خطوات وانه لطشت بالحايط رفع ايده وجرني سحلني من عبايه وانه ابجي وانحب بصوت علي شمرني بنصهم رفعت راسي بخوف وفزع لميت نفسي بالعبايه جانو واكفين ويعانون نظراتهم الوسخه عليه انه بس ابجي بصوت عالي صاح عليوي هو يتلاوه وياهم عليوي بصوت كله خوف وقلق :- لااا تمد ايدك عليه نچس واحد منهم ض*به بطنه ضل يتلوه بالگاع عمت عيني عليك حجه واحد من رفيق يباعو عليه من جوه الجوه :- بكدر قندرتي ابن الكلب اني نجس مو صاح ع واحد من جنود :- يول هاي نااخذه ويانه اليوم جماعه كله تتمتع بيه ... هو كال هيج اني ل**ني انعقد ماكدر احجي محد من سلف تحجه ولا عاين علينه شغله بيه حزب كله تبتعد وان كان گرايب هم مايدخل روح عزيزه والعرض اهم اغله من كلشي جله صوت عبد الحسسن خوف قلق شفت بعيونه :- انةةة اعرفنهم معارضين هذوله مااالهم غررض رفيق ض*به راشدي قوي طاح شماغ والعگال :-نجب لك كو... خذوهم هذول زناديق كلهم ابتاع الدوله معارضه هو كال هيج وطلعوهم بال بدفرات سحل اني روحي فرفحت وانه اشوف عليوي شلون يض*بوه كمت وانه اتعثر واطيح بسبب عبايه طويلة لحگت ع اخر واحد بيهم گمشته و حجيت بتوسل وشفايف ترجف :- فدوه اغديلك لا تاخذ عليوي الله عليك ومحمد رفيق التفت اليه دفعني طحت ع گاع بالالم شاغت روحي :- دمشي لج گ... خلي يفيدكم الدعاء روافض كلكم اله انظف الجنوب منكم حثالة تفل عليه وفشر سبني وسب ابوي وامي گمت عليه.وانه اتوسل عسا توسلاتي تنفع وتلين گلبه حتى مستعده ابوس الادين ولا ياخذون اخوي والله ماعندي غيره واذا راح تطيح عليه دنيه كله محاولاتي بانقذهم باتت بـ فشل وانه روحي مفرفحه ماعندي بس دموع وتوسل بيهم احلفنك بستر خواتك عوفهم نطقت جلمات بين شفايفي ماحس اله انلطمت ع حلكي بكل قوته بحيث حسيت الدم دخل حلكي رفيق :- خواتي اشرف منج ومن الخلفوج رافضه قذره اشوفهم شلون يض*بون بيه واني اديناتي مربطه اخوي يقاوم رغم جسمه هزيل مو كد ض*بهم قاسي السيد عبد الحسن هذا الض*به منين مچان تجي اخذوه صعدوهم بسياره بيكم جبيره جانت بيه زلمه من سلف وانه ضليت ادگ والطم العالم كله تتف*ج عليه ويباعون محد يساعد بيهم شفت ب عيونهم كله قهر وخوف انه ضليت الطم بكل قوتي وانحب نطق رفيق بتهديد ::: هذا كل من يلفي بيته رافضي ملحد عقابه هيج كلامه بالمختصر تهديد ويمه چيله مشت سياره واني اشيل روحي ورگعه ملخت. نفسي ضليت اصرخ فقدت السيطره ع نفسي ام سعدون والنسوان يگضن بيه غصون صرخت حس اوتار الصوتيه اتگطعت :- لج يمةةة وينننج لحگيلييي يمةة خذوو عليوي لتمت عليه ناس واني شهكاتي تعله بدون توقف ودموعي تجري غصون بنحيب :- خذوو خااالة خذوه ورح ابوي ماله غرض بيهم ولا يعرفهم هيه حظنتي بقوه.وهيه تنحب وياي هوسه ونسوان يحجن واني اسمعهن :- بعد راح مثل جاسم مايرجع ابدا والثانيه تكول اله :- هو متورط وياهم شي طلعه من هالمصيبه انه تسودنت ضليت اصرخ بالزايد ماتحملت انه الفكره عدم. وجوده وموته بنفس الوقت تذببح امي دخلت امفرفحه وصرخ بأسم عليوي يمه عليوي جان روح والريه بنسبه الامي مختار السلف ماتحجه بشي وال عرفه ان عليوي متورط وياهم ضليت تلث ايام ع نفس الحطه امي نوبات تفقد وتذب كل حرگته بيه وتض*ب بالمندس مالته انه جنت فاقده وفاصله عن عالم كله مو بشي جنت نايمه وما عرفن شلون استسلمت لنوم بالحلم شفت روجه مال زلم تركض لابسين ملابس بيض وانه واكفه عاين عليهم وجوهم نورانيه تجدح عاين عليهم وين يروحون شفتهم جدمي وكفت ماتمشي ضليت متصنمه بمكاني بجيت بخوف صدح صوت رجولي :- عليش تبجين بويه منهو هذا رفعت راسي شهكت بصوت وانه عيوني غرغرت بالدمع غصون :-يخوي فرگ تعيباااانه كلشش شوكت ترد لينه حظنته حيل هو مسح ع راسي عليوي همس :-ديري بالج ع نفسج وع امي جله صوت ميزته وعرفت :- يلة علي امشنه رفعت راسي عاينت عليه ايي هوو لاا انه مامتوهم هذا جدامي السيد عبد الحسن غصون بغضب ::: عليوي مااايرووح يضل وياااي عبد الحسن ابتسم بهدوء وطمنينه :- علي مكانه مو بالدنيا خلص لزوم يروح ويانه وانتي سبعه ماينخاف عليج غصون بصوت بكاء :- ماايرووح يضل عبدالحسن يله علي مد ايده اله اني متمسكه بعليوي اكثر واكثر عليوي رفع اديناته وبعدني عليوي بأبتسامه :-لزوم اروحن انه هنا مرتاح كلشش والله يلة بويه ديري بالج ع امي مشه وعافني بمچاني مابيه اركض عجزت فزيت بصرخه دوت بالبيت كله كل خواتي لتمن عليه انه ضليت الطم و انحب وسن جانت نفسه تريد تلزمني واني ازيد من مقاومتي ما تعرف شني شبيه حطنتي وضمتني لص*ره وسن بحنيه:- هشش هدي هاي احنه موجودين لا تخافين غصون بشهكه :- مايرد والله مايرد رااااااح وليج وسسنن وسن مستغربه من وضعي تعرف بيه متأثر بس موش هيج وصلت بيه مرحلة أيست من كلشي وعگب منام الـ شفته تخبلت اكثر وسن وهيه :- ان شاءالله يرجع لا تفاولين.عليه هيج هسه برزان حجه وياهم ان شاءالله تنحل رفعت راسي اله مسحت ادموعي بجف ايدي البارد وجهي كله هزيت براسي بمعنى"اي" ضليت هيج رجليه مت**ره ت**ر وجسمي يوجعني من طگ امي اخوتي هن جان يهتمن بكلشي وزلمهن يروحون يردون اني ضليت كاعده جانت يمي عقيلة بت وسن جبيره مو صغيره تقريبا اصغر من عليوي بشكم سنه وبحظنه براء و صبا عقيلة بصوت خافت :- حلمتي حلم موو فتحت اعيوني وغمضته هزيت براسي عقيلة بنره حزينه ذ*حت كل امل بيه :-ماايرجع خاالو راح بعد مايرجع غصون بغيض وانه مخنزره بيه اردد چلمات :- يررد يردد لزوم يرددد عليوي مايعوفني عقيلة مالت براسه ع خته بجت ::: انه شفته راح ويه جدو ماهتميت لفيت جسمي بطانيه عيوني مافرگه الدمع جنت مثل مخبلة ماتقبل صدگ بواقعه وترفض هذا الشي ضليت هيج الى صبح الصبح ع صريخ وسن جفلت وطلعت من غرفه مخبلة ماعله راسي شفته شاگه الزيج من فوگ ليجوه وتلطم بقوه وبحرگ وسن :-علييوووووي لگ خوووووية وين رحت وعف*نةةة عمتتتي عيني عليككك خووويه غصون واكفه ممصدكه الخبر هزيت براسي بنفي :-مااااايروووح يرررد هووو واعدني يررررد صرخت اني وسن ضلت تلطم وتهلس ب*عره ع اثر الصريخ كله التمت علينه غصون صرخت بكل ماعندي قوه: :::: ولكممم شلووون ينااام جووه تررراب هذااا بعدده صغيررر خددده الترف يمةةه ماايتحمل وروح ابوي نسوان سلف كله لتمت علينه برزان محاول وياهم بس ماكدر جيف حكم تثبت عليهم كلهم اعدام جماعي واخوي عليوي من ضمنهم نفذو بيه الحكم وره تلث ايام من ضيم وقهر اخوي راح وانه ضليت متعلعله بروحته ان**رت **رت عمر امي ضلت مصدومه مامتقبله انه هم فاتحه انصبت وخالي اجه وكف بالفاتحه وشاله شيل تلاثتنه انه وخواتي لطمنه لطم شكد ما لطمت شكد ما صرخت روحي وگليبي ملچوم مايبرده شي خواتي ضلن يمنه اسبوع وكل وحده ردت و انه ضليت بالبيت هيج اتصفن حطيان حجره كله ذكريات صوت ضحكاته غمضت عيوني بأسى امي ضلت بحجرته حاظنه دشداشته وتنحب البيت يذ*ح هدؤء قاتل نذ*ح اخوي سند وعامود البيت ل جان لزوم يصير دكتور القدر لعب دور وضيعنه كلنه نوبات اكضيه اتحجه وياه اهيس موجود جدامي ويبتسم ويضحك علي مرت سنه و اشهر خواتي يمنه ماگطعن عنه ابد وانه اختنگ من ضل بالبيت طلعت اتمشه نسمات الهواء البارده يلفح ابوجهي اخذت نفس عميق اريدنه يترس ريتي كعدت يم جرف مر الوكت علي ماعرفن سمعت صوت رباب بت خالي جبر تضحگ غصون رديت عليه وانه اعاين ع شط :- شمالج تضحكيني ردت وهيه تكعد جنبي التفتت اله نزعت جورايبه وخلت رجليناته بالمي رباب :- والله حرگته ع مرت ابوي گلت اله ابوي ناوي يتزوج وحده تخبل وارملة انه شفت واكف وعاين لذالك الصوب هيه سمعت هيج الا تسودنت تسودن ضلت مثل سمجه مزوهره غصون همست بتعب :- ليش هيج سويتي رباب ردت عليه :- جا خيه وزت ابوي عليه وطگني علمود بته جايفه جيف هيه غسلت مواعين وانه لا انتقمت منه خليه تستاهل عفتهم صريخهم واصل للمحفوظ بته العگربه شلون حتزوج ابن حجي سلمان ماعرفن شمسويه اخذت نفس عميق كلش بتعب اني هدومي علي مامتحملتهن نوب سوالف ربابو ضلت تحجي غصون حجيت وياه :- منو حجي سلمان فكت عيونه البنياته ع وسعهن كلشش بصدمه انه رمشت بعيوني رباب بدهشه :- يااااع خيةة ماتعرفينهم خلي تحجه عنه الج اسمعي حبيبه حجي سلمان تاجر جبير بالسلف كله ومعروف عنده تلث اولاد من زوجته اولانيه ام حكيم و وهاب وعزيز بزر الجعده والثانيه مسيحيه ام نور الدين اسمه حجيه خديجه عده بس نور الدين كلهم متزوجين بس حكيم ابو صالح ارمل عنده اربعه فروخ هسه يردون هاي العگربه العندي شلون ابوي ينطيه غصون كمت ع حيلي وانه انفض اتراب من عبايه ع خصري شادته :- انه اروحن احوي الزرع تجين وياي لو رباب بتلعثم ورتباك :- هاا لا ما روحن انه اضل اشويه وردن للبيت عفته ع راحته رحت تمشيت ل زرع اخضر اخذت منجل حصاد وبديت احش بازرع جسد بدون روح تعب نفسي بالشغل ارجع للبيت هلكانه اريدن انام بدون تفكير جنت مستمره احش بالزرع قاطعني صوت طفلة تصرخ........يتبع

Free reading for new users

Scan code to download app

App Store Google Play

Facebookexpand_more