LUCIFER
“Bakit parang wala ka sa mood magmula nang umuwi ka galing sa party?” Tanong ni lolo nang makauwi ako sa bahay. Hindi ko inaasahang nandito siya sa bahay ko.
“I am okay, lolo. Huwag po kayong mag-alala sa akin. Pagod lang po ako kaya wala ako sa mood.” Pagsisinungaling ko.
Inalis ko ang necktie at naupo sa pang-isahang sofa. Binaba sa center table ang necktie na hinubad ko.
Kunot na kunot ang noo niya habang nakatitig sa akin. “Sumayaw ka ba sa birthday ng anak ni Philippe kaya napagod ka?” Tanong uli ni lolo.
Gusto kong matawa sa tanong niyang iyon. Bakit naman ako sasayaw? Saka kahit debut iyon ay wala namang sayawan. Ang pagkakaalam ko ay ayaw ng anak ni Philippe ang may sayawan. Mas gusto nitong may kainan lang upang magsama-sama ang mga kaibigan nito at mga kamag-anak
