HALIYAH ISABELLE'S POV
Nanigas ang buong katawan ko habang mahigpit pa rin ang hawak niya sa aking pulsuhan. Ramdam ko ang lamig ng kanyang mga daliri, ngunit mas malamig ang takot na unti-unting gumagapang sa loob ko.
Pinilit kong hilahin nang marahan ang kamay ko. Ngunit lalo nitong hinigpitan ang pagkakahawak sa akin.
“I know you…” ulit niya, mas mariin ngayon.
Pinilit kong ngumiti.
“I’m sorry, sir,” mahina kong tugon. “Baka nagkakamali po kayo.”
Sinadya kong gawing kalmado ang boses ko. Sinadya kong magmukhang hindi ako apektado.
Ngunit sa loob ko, nanginginig ako.
Hindi ko alam kung ano ang susunod sa sasabihin niya. Natatakot ako na nahihiya dahil hindi alam ng mga amo ko ang tungkol sa dati kong trabaho.
Bigla siyang napalingon sa lalaking katabi niya.
Isang may edad din
