الجزء التاسع 🤎🌻

1844 Words

رواية غرام الصعيدي ?? ما بين علاقه تبدأ في حب جديد و أخرى تنتهى لمجرد أنه كُسر نظرى اتحول ليها في كلامى لقيتها نامت على كتفي زين : غرام غرام انت نمتى غرام بنوم : اممممم كمل هصحى اهو زين مسد بإيديه عليها : لا لا نامى نكمل بعدين كنت قاعد لاول مره من وقت ما اتجوزنا مش مشتت حاسس انى بدأت ابقي صح و بدأت أفكر في نفسي معداش على جوازنا الا اسابيع بس هى بقيت مهمه اوى في حياتى حتى الحزن مبقتش احب اشوفه في عينيها مش عارف دى بدايه لحبي ليها و لا لا بس كل اللى حاسس بيه انى مش عاوزها تفارقنى ، فضلت قاعد افكر لحد ما الفجر أذن علينا و انا مش واخد بالى بصيت على غرام لقيتها مازالت نايمه بس اول ما الأذان خلص بدأت تقلق و تصحي زين : صحيتى ليه شكلك تعبانه نامى غرام : الفجر أذن هصلي الاول زين : انا كنت رايح المسجد بس يلا نصلي سوا غرام ابتسمت : ياريت هقوم اتوضي و اجى ، ايه دا هو احنا لسه في الجنينه زين : اممم كنتى نايمه و سرحت شويه و الفجر أذن تعالى في مصلي قريب في الجنينه انا بصلي فيه كنت عامله علشان اصلي فيه انا و اللى هتتجوزنى و تعيش معايا و انتى هتكون اول واحده تدخله غيري غرام بحب : هتوضي و اجى ________________________________ غرام : حرما زين : جمعا يا غرامى غرام : انت منمتش يلا اطلع نام علشان متتعبش في شغلك زين : النهارده اجازه النهارده الجمعه يا سرحانه غرام : هههه نسيت علشان نايمه على نفسي زين مسك ايديها : طيب تعالى هنقعد لحد ما الكل يصحي و بعدين ندخل علشان نفطر مع العيله و ابقي انام بقي براحتى اصلا مش عاوز انام دماغى مصدع جدا غرام : بجد !! تعالى اقعد اعملك مساج و هتفك بسرعه زين : ياريت مش عاوز مسكن غرام : عيب عليك مسكن و انا موجوده ، هو انا نمت امتى زين : مش عارف أنا فضلت ارغي كتير و لقيتك نمتى منى بس كده ههه غرام : انا فاكره لحد ما انت قلت إن ادم اقرب حد لبابا زين : امممم مش فاتك كتير غرام : اها ها الصداع راح زين : ايوا احسن تسلميلي انت و ايد*ك غرام قعدت جنبه : زين زين : نعم غرام : هو ليه عمك بالقسوه دى رغم كل اللى بتعملوه معاه زين : مش عارف يمكن الورث و الملك اللى مأثرين معاه اكتر من العيله و التجمع غرام : بس مراته طيوبه اوى زين : دا حقيقي هى حنينه جدا و مش زيه خالص هى و ادم مختلفين عنه تماما غرام بتركيز : و زهره ؟! زين و اللى كان متأكد انها هتجيب سيرتها : زهره بنت عمى اللى اعرفه أننا و احنا صغيرين كانت عدوانيه جدا بس كانت قريبه منى لحد مانا سافرت بعد الثانويه و اما رجعت بقي مبقتش فاهمها و ميهمنيش افهمها يا غرام و دى حقيقه انتى البنت الوحيده اللى تهمينى هنا غرام ارتاحت : اخر سؤال زين بصلها : اسألى يا ست غرام غرام : عاوزه اعرف ليه مش قريب من اختك ساره رغم إن بيبان حبكو لبعض اوى زين اتن*د : هو فى اخوات مبيحبوش بعض !! بس ساره من أسباب خروجى و بعدى عن البيت يمكن هى كانت صغيره و مش فاهمه و مفكره أنه عادى اللى كان بيحصل بس هى دايما كانت بتحسسنى انى واخد كل حب و فلوس اهلى و إنها و لا حاجه برغم أنها أقرب واحده فينا لأبونا هى اهم حاجه عنده و مستعد يبعدنى و يظلمنى علشانها ساره قبل ما انا اسافر مجتش حتى تشوفنى ع** مريم اللى كانت لسه متجوزه و نزلت مخصوص تتكلم معايا و حتى متصلتش بيا طول الخمس سنين اللى مجتش فيهم هنا مصر مش بعيده عن هنا زى السفر بره بس حرفيا كنت كاره اجى بيتنا لأن كله عدوانيه من عمى و أنه عاوز ادم كل حاجه في البيت رغم إن ادم دايما ضده و مبيحبش عمى اصلا ، و كره اختى ليا ، و معارضه ابويا ليا دايما في اى قرار عاوزه و باخده فبعدت علشان ابقي حر و لكن رجعت تانى غرام بحزن عليه : رجعت و اتجوزتنى غصب برضو صح و لسه غل عمك موجود زين : طيب تصدقي بالله أنه احلى غصب ، مفيش راجل بيتغصب على بنت يا غرام الراجل لو مش عاوزك هيسيبك من غير ما يهمه بس لو عاوزك هيبقي متمسك بيك غرام بفرح : ربنا يخليك ليا يارب ادم قاطع حديثهم : دا ايه الناس اللى صاحيه بدرى دى زين : كنت فين يابنى ادم : كنت بجري كالعاده انتم صاحين بدرى ليه كده زين : قول منمتوش لدلوقتى ليه ادم بصدمه : ليه كده ايه يا مرات اخويا تعبانه ولا ايه غرام : لا لا انا نمت اصلا بس زين اف*ج عنى و قعدنا هنا و صحيت لقيته صاحى دى كل الحكايه و فضلنا نتكلم بقي على ما الفطار يجهز و العيله تصحي ادم : امممم شكله يوم لطيف ليكم ربنا يجعل ايامكم كلها سعاده زين : يارب يا حبيبي انت بقيت احسن عن امبارح ! ادم : الحمد لله كنت فاهمه وقتها إن ادم كان مخنوق ليه امبارح باين عليه التعب و لكن بيحاول يبقي احسن و احنا بنتكلم دخلت علينا ساره ساره : جماعه انتم هنا و احنا بندور عليكم علشان الفطار ، اااااه شكولاته مين دى كلها غرام : ههههه دى بتاعتى زين جابهالى ساره : هو انت مش بتجبلي ليه زيها هو احنا مش اخوات يعنى زين : هجبلك حاضر ادم : طيب يلا علشان الفطار يا جماعه هتلاقيهم اتجمعو و مينفعش عمى يقعد و احنا مش قاعدين قبله زين و غرام خدو الحاجات و مشيوا علشان يدخلو و ادم كان بعدهم ساره : ادم انا عاوزه اتكلم معاك في حاجه ادم ببرود : مش وقته ساره : بس ..... سابها و كمل طريقه و دخل قعد على السفره في حين إن زين قعد غرام زين : بعد اذنكم هطلع اطلع الحاجات و اجيب علاج غرام غرام : خليك انا هطلع زين : لا يا حبيبي لسه رجلك تعباكى غرام اكتفت إنها تبتسم لاول مره يميزها بكلامه اختلاف شاسع بين زين بتاع امبارح و زين النهارده و كانت بتدعى يفضل كده دايما ، زين طلع و نزل قعد و بدأو في الاكل و لما انتهوا صالح : انتبهوا ليا شويه عاوز اقولكو على خبر هدى كانت عارفه اللى هيتكلم فيه و الكل انتبه صالح : ساره جايلها عريس النهارده و عاوز العيله تتجمع بالليل علشان جاي هو و أهله غرام بصيت لساره لقيتها بتضحك عرفت أنه احمد اللى هيجي غرام بفرح و غمزت لساره : مب**ك يا روحى زين لاحظها : مش مطمنلك غرام ببراءه : دا انا طيبه خالص زين : اه طبعا ، كنت تعرفي حاجه غرام : بصراحه أه حكتلى و عيب بقي قلها مب**ك يلا زين : مش لما اشوفه الاول هيناسبها ولا لا مش المفروض كانت قالتلى اصلا و خديت رأيي غرام : عادى يعنى و انت هتشوفه كله على بعضه النهارده زين بتذمر : بس لا برضو انا اخوها و المفروض اول واحد اعرف و بعدين معرفش إذا كان هيسعدها ولا لا غرام بضحك : امممم زين الغيور زين : ولا غيور ولا حاجه بس دى اختى يعنى و كده غرام بصتله بتركيز زين : ايوا يا ستى انا بغير مش بحب حد يقرب منها نهائي ايوا احنا مش قريبين من بعض بس أنا بحبها اوى غرام : ربنا يخليهالك زين بابتسامه و همس : و انت كمان خافي من غيرتى يا غرامى غرام : زين العيله قاعده علفكره زين : و انا مالى غرام بصيت لزهره بانتصار : في ناس مركزه معانا زين مسك ايديها : برضو و انا مالى غرام : طيب خلاص زين فهم إنها ات**فت : حاضر احم احم اها طبعا هبقي موجود يا حاج صالح : كويس يا ابنى كان الحديث دا بيدور تحت انظار ادم اللى متكلمش نهائي صالح : ادم عاوزك تجهز كل حاجه يا ولدى لانى وافقت مبدأيا على الشاب شكله ابن حلال و لو العيله حبيته هنقرأ الفاتحه النهارده ادم : مفيش رد صالح : ادم انت معايا ادم : اه يا عمى متقلقش كل حاجه هتكون جاهزه ، بعد اذنكم زين : ادم انا كنت عاوز اعرف تفاصيل عن المشروع اللى همسكه هنا لو حابب ممكن دلوقتى ادم بهدوء : تحت امرك يا زين بس معلش اعذرنى دلوقتى و نتكلم فيه بكره انا مصدع اوى و عاوز ارتاح زين : براحتك في اى وقت طبعا زين لغرام : حاسه مش تمام خالص من امبارح غرام بتوتر : اه اممم باين عليه ممكن مرهق شويه زين : ممكن ________________________________ اليوم عدى بسرعه و أتى الليل البيت كان مشغول كل واحد بيحضر حاجه بما انها هتبقي قرأه فاتحه علطول غرام : يلا يا ماما حاضر هطلع دول و اشوف ساره جاهزه و لا لا و انت كفايه كده دا مش فرح يعنى هدى : لا يابنتى احنا عندنا الفاتحه هى خطوبه لأن الحاج مش بيحب الدوشه هى العيله و بس و ساره مش عاوزه احسسها أننا مقصرين معاها في حاجه و لازم أهله يشوفو عز الحاج صالح كبير البلد اومال غرام بضحك : ههههه انت بتحبي بابا اوى صح هدى : اومال مش راجلي و من لما اتزوجنى مزعلنيش نهائي و سعادتى من سعادته غرام : الله ايه الجمر دا يا ست الكل هدى ب**وف : بس بقي بطلى كلام و يلا شوفى ساره غرام : ههه حاضر كنت طالعه لسه من مع ماما و بنقل الكرسي خبطت في حاجه صلبه غرام : زين حرام عليك خضتنى زين : انا مش عارف البس ايه غرام : يا كوكو اطلع فوق هتلاقينى طقم مكوى على السرير زين : كوكو ايه انت شايفه ابنك قدامك يا غرام غرام : انت سيبت كل حاجه و مسكت في دى زين : ايوا هيبتى في ذمه الله كده غرام : يعينى ما عاش و لا كان اللى يهز هيبتك يا زين الصعيد كلها مش انا زوجتك يعنى هيبتى من هيبتك صح زين : ايه دا ايه دا مراتى حبيبتى جايبه منين الكلام القمر دا غرام : ماما هدى بتتكلم على بابا صالح حلو اوى فقلت اتعلم شويه زين قرب منها و باس رأسها : لا احنا نسيبك مع ماما هدى كتير بقي غرام بإحراج : طيب انا انا هروح اشوف ساره بقي زين ضحك : روحى و بسرعه علشان تجهزى غرام ابتسمت لاهتمامه : حاضر كانت زهره واقفه شايفه الحوار دا و قربت خطوتين من زين زهره : زين زين التفت ليها : نعم يا زهره محتاجه حاجه زهره : هو احنا هنفضل كده كتير زين بعدم فهم : احنا ؟! مش فاهم زهره بخبث : زين انا عاوزه نرجع تحبنى تانى علشان انا بحبك زين : هو انت هبله يابنتى و لا ايه هو سالم مش كويس دا سيد الرجاله و بيحبك احترمى نفسك و قربي من جوزك بدل ما انت عماله تلعبي على مزاجك زهره تجز على سنانها بعصبيه ، تصنعت الهدوء : بس أنا عارفه انك لسه بتحبنى بس بتعمل كل دا علشان مراتك متزعلش زين ببرود : لا انا بعمل كده علشان بحب مراتى و عارف ان مفيش منها اتنين و مش هحب غيرها مراتى دى بكل ستات العالم في عينى بعد اذنك و لو سمحتى كفايه تقربي منى علشان جوزك لو عرف هتندمى سابها من غير ما يسمع ردها و طلع فوق دخل غرفته و حضر نفسه و غرام دخلت زين : جيتى اخيرا غرام بعصبيه حاولت تخفيها : زهره كانت واقفه معاك ليه يا زين زين : __________ يتبع .... .... بقلمى : شروق خليل ? ?

Free reading for new users

Scan code to download app

App Store Google Play

Facebookexpand_more