NAPAPAILING na lamang si Camillo sa mga sumbong sa kanya ni Mr. Saavedra. Hindi na siya magtataka kung bakit ganoon si Lhara. Madaling araw na raw ito kung umuwi at madalas ay lasing pa.
"Hindi na po ako magtataka kung ganyan po si Lhara dahil madalas din po siyang hindi pumapasok sa opisina. Ang sabi pa ng mga katrabaho niya ay inaaway ang ilang staff doon kapag inuustusan siya. To be honest po------ medyo masakit po talaga sa ulo ang anak ninyo,” napapangiti niyang sagot. Oras na lumabas ang DNA test na kanyang pinagawa ay ibibigay niya yun sa lalaki. Hindi siya magdadalawang-isip na sabihin ang katotohanan.
“Hindi ko na alam ang gagawin sa batang yan. Siguro dahil hindi naman ako ang nagpalaki sa kanya kung kaya ganyan siya-----rebelde. Mapapanatag lang talaga ako Camillo kapag naikas
