القاسي والبريئة

الجزء الاول

[القاسي و البريئه]

(الجزء الاول)

واقف في غرفة الملابس المخصصه ليه في جناحه بيختار الجرافة اللي هيلبسها بعنايه لحد ما استقر علي واحده لونها اسود رفيعه اخدها وراح للمرايه ربطها علي قميصه الابيض ولبس ساعته الفخمه وحط البرفان المفضل ليه وشال الجاكت بتاعه ونزل عشان يفطر

دخل غرفة الصالون بهيبته وهيئته الوقوره المعتاده

-صباح الخير يا ست الكل

=صباح النور يا ياسين

(ياسين عز الدين الصادق 30 سنه صاحب امبراطورية عز جروب شعر اسود جسم رياضي عيون عسلي ضقن وشنب خفاف عندو غمزتين في خدو بيخ*فو نظر اي حد يشوفهم لكن مش بيبانوا كتير)

ياسين:اها بدل قولتي ياسين يبقا لسه زعلانه مني يا نهوده

(ناهد الفيومي جدة ياسين من الام 65 سنه ذات شخصيه قويه جدا لكن تتميز بطيبة قلبها و خوفها الزايد علي حفيدها)

ناهد:لي هو انت شايف نفسك عملت حاجه تزعلني

ياسين:طب اصالحك ازاي قوليلي

ناهد:يا حبيبي انا خايفه عليك

ياسين:تاني يا نهود ما انا قولتلك دا شغل متخافيش ودي شركه زي اي شركه هنشاركها في اي بقا يخوف

ناهد:اللي يخوف ان دي شركة اعمامك الانا عشة عمري كله ابعدك عنهم وعن شرهم وانت ببساطه بضيع كل دا في لحظه واحده

ياسين:طيب انا عايزك تهدي كدا ونتكلم بال*قل ماشي اولا انا مليش اعمام انا عيلتي ماتت مع ابويا ودي شركة الصادق جروب بس مش اكتر من كدا ثانيا انا مش ياسين الكان عندو 8 سنين انا فايق ليهم كويس اوي ممكن بقا متخافيش

ناهد:ماشي يا ياسين بس اوعدني انك هتبلغني بكل حاجه اول باول وتبعد عن اي مشاكل وتخلي بالك علي نفسك

ياسين:حاضر يا ست الكل ممكن بقا نقوم نفطر عندي اجتماع ومش عايز اتاخر

ناهد:يلا يا حبيبي

........................

في احدي البيوت البسيطه في المناطق الشعبيه كانت واقفه بتلبس حجابها وهي بتفطر عشان تلحق معادها دخلة اختها عليها

-اروي انا عيزه 50 جنيه

(اروي محسن السيد 25 سنه خريجة كلية تجاره وبتشتغل في محل قماش لحد ما تلاقي وظيفه كويسه بيضاء عنيها زرقاء لون البحر وشعرها الاسود الحرير متوسطة الطول محجبه )

اروي:الناس بتقول صباح الخير الاول يا منه

(منه محسن 20 سنه طالبه في كلية الطب اخت اروي الوحيده وشبه اروي في كل حاجه الا حاجه واحده بس وهي ان منه ل**نها اطول من اروي وشخصيتها اقوي)

منه:اسفه صباح الخير

اروي:صباح النور عايزه اي بقا

منه:عيزه 50 جنيه اجيب خضار للبيت

اروي:حاضر هروح بس المقا**ه دي وانا راجعه هجبلك الانت عيزاه

منه:يبقا مش هناكل النهارده

اروي:يا بنتي لما اقبض فلوسي خلصت والله واللي معايا يادوبك اروح المقا**ه وارجع

منه:ماشي يا رورو

اروي:يلا سلامو عليكو

منه:وعليكم السلام

خرجة اروي من بيتها عشان تروح المقا**ه بتاعتها وهي في الشارع قابلة ام منصور جارتها ودي ست عندها 70 سنه وبتحب اروي و منه زي بناتها

ام منصور:صباح الخير يا رورو رايحه فين

اروي:عندي مقابلة كدا ادعيلي يا خالتي

ام منصور:ربنا يوفقك يا بنتي

اروي:يارب يا خالتي خالي بالك من منه بقا

ام منصور:في عيني

اروي:تسلمي سلامو عليكو

تحركة اروي لطريقها وتركة عيون تراقبها

..........................

ياسين:انا ماشي يا نهود عايزه حاجه

ناهد:مع السلامه يا حبيبي

ياسين:مع السلامه

خرج ياسين و اتجه ل عربيته الاخر موديل والسواق فتح ليه الباب

ياسين:صباح الخير يا ناصر يلا علي شركة مدينة نصر

ناصر:حاضر يا فندم

بعد ربع ساعه وصل ياسين و اروي في نفس الوقت الشركه

دخل ياسين وسط نظرات الموظفين ال في منها خوف وفي منها اعجاب وفي منها حقد وصل مكتبه ودخل وراه اسامه السكرتير الشخصي ليه

اسامه:صباح الخير يا فندم

ياسين:صباح الخير يا اسامه اي الاخبار

اسامه:كل حاجه ماشيه زي ما حضرتك طلبة في الشركه والمصنع اما الوظيفه فا في خلال ال 3 ايام اتقدم اكتر من 30 شخص بس انا صافيتهم ل 10 بس اللي حضرتك هتقا**هم النهارده وهما كلهم موجودين تحت

ياسين:10 كتير يا اسامه هختار 1 من 10

اسامه:الصراحه يا فندم كلهم احسن من بعض بس القرار النهائي لي حضرتك

ياسين:تمام هاتلي ملفاتهم اقراها وابدا دخلي اول حد فيهم من الساعه 11 يعني كمان ساعه

اسامه:حاضر يا فندم

حط اسامه الملفات قدام ياسين وخرج من المكتب

...........................

كانت قاعده وسط 9 اشخاص 4 بنات و 5 اولاد وباين عليهم ان هما من مستوي عالي وقد اي هي باين عليها ان هي مش من نفس المستوي دا

اروي في نفسها:انا اكيد هترفض تيجي ايه انت جنب الناس دي شكلك مش مكتوبلك تسيبي محل القماش ابدا

قطع تفكيرها دخول اسامه وبدا ينادي علي اسماء كل شخص لوحده وكان اللي بيدخل يا بيخرج من غير اي تعبير يا بيخرج كانه خارج من خناقه وهي لحظها كانت اخر اسم

الساعه 1 دخل اسامه وهي الكانت قاعده

اسامه:انسه اروي محسن طبعا

اروي: ايوا

اسامه:اتفضلي

اروي:شكرا

دخلة اروي المكتب وكانت منبهره بجماله وتنسيقه

ياسين:اتفضلي

قالها من غير ما يبص ليها وكان لسه باصص في الورق القدامه

قعدة وهي بتاخد نفسها عشان تهدي ولما يسالها تعرف تجاوب

فضل ياسين ساكت لمايقارب ال 10 دقايق وهي قاعده متوتره وخايفه لحد ما اتكلم

ياسين:متخرجه من الكليه بتقدير ممتاز و معاكي شهدات كتير مشرفه الصراحه بس للاسف مشتغلتيش في شركات قبل كدا

كان بيتكلم من غير ما يبصلها

حاولة تهدا عشان صوتها يطلع طبيعي

اروي:لان كنت بترفض من قبل المقا**ه حتي

ياسين:لي؟

قالها وهو بيرفع راسه ليها و اول ما شافها برق وسرح في جمالها رغم مظهرها البسيط البيدل ان هي من مستوي بسيط وشكلها البرئ وتوترها الظاهر

اروي:حضرتك بصية نفس النظره اهو

ياسين:نظرة اي

اروي:حضرتك مستغرب شكلي وهتقولي يا ام مش بشغل محاجبين او انت مش من مستوي الشركه

ياسين بهدوء: لا انا هقول حاجه تانيه

اروي:اتفضل

ياسين بحده:اطلعي برا

وقفت و عنيها اتجمع فيها الدموع

اروي:شكرا لحضرتك واسفه ان اخدة من وقتك

قالت كلامها ولفت وشها واتجهت للباب وهي لسه هتفتح الباب وقفها صوته

ياسين:استني

اروي:نعم قالتها وهي بتحاول تحبس دموعها

ياسين:ارجعي مكانك

اروي:بس.....

ياسين بحده:سمعتي انا قولت اي

رجعت اروي مكانها وهي خايفه من عصبيته وعنيها مليانه دموع

ياسين بجدية:اولا انا مش كنت هقول الكلام دا بس انت كلامك عصبني والانا عملته دا عشان بس تتعلمي متحكميش علي الناس من خلال تعاملك مع ناس تانيه ثانيا انت ازاي من مجرد كلمة اطلعي برا تعيطي انت المفروض تكوني متعوده انك بتدرضي من كل مكان

اروي دموعها زادة بعد اخر كلمه قالها

كمل ياسين وقال:انت حجابك مش يعيبك في حاجه بالع** دا شرف ليكي انك متمسكه بدينك في الوقت الاحنا فيه دا واها المظهر مهم بس المهارة و الذكاء بيكون اهم طبعا وانا شايف ان زكائك كبير

اروي بابتسامه خفيفه:شكرا لحضرتك

ياسين جواه:اي البنت دي اي جمالها دا ودي مجرد ابتسامه اومال لو ضحكت

فاق ياسين لما لاحظ ان هي بتبص ليه بتركيز

ياسين:يوم السبت الساعه 9 تكوني في الفرع الرئيسي

اروي:لي يا فندم

ياسين:هتستلمي شغل بس غير الانت مقدمه عليه

اروي:ممكن اعرف عباره عن ايه الشغل دا

ياسين:نفس الوظيفه بس هتكوني هناك عشان تدربي ولما تكتسبي خبره هتيجي هنا

اروي بسعاده:شكرا لحضرتك

ياسين بجديه:متنسيش تسالي عن الزي الرسمي للشركه عشان تخديه وتيجي جاهزه يوم السبت

اروي:حاضر يا فندم بعد ازنك

وقفت اروي ولفت عشان تمشي وقفها ياسين

ياسين:انسه اروي

اروي:ايوا يا فندم

ياسين:خلي بالك انا اهم حاجه عندي الانضباط في المواعيد والفتره اللي هتكوني فيها هناك هتكون كاختبار و تدريب ليكي اي غلط هتدفعي تمنه

اروي:انشاء الله مش هيكون في غلط يا فندم

ياسين بجديه:تمام اتفضلي

خرجة اروي وهي السعاده ماله قلبها

فضل ياسين باصص عليها لحد ما اختفت ورا الباب اللي قفلته

ياسين:ايه الجمال دا وهي بتعيط حلوه و وهي بتبتسم حلوه

قطع تفكيره دخول اسامه

اسامه:اشوف غيرهم يا فندم بكرا

ياسين:لا البنت الاخيره دي كويسه بس هتروح الشركه الام الاول تدرب اسبوع لو تمام هتيجي هنا لو مش تمام نبقا نشوف غيرها

اسامه بغيظ:ايوا يا فندم بس دي شكلها

قاطعه ياسين بحده:اسامه انا مش بشغل شكل انا بشغل مهاره وذكاء ولو بالشكل فانا ممكن ارفدك حالا واجيب الاحسن منك من بكرا

اسامه:اسف يا فندم مقصدش

ياسين بحده:ولا كلمه اتفضل علي مكتبك

اسامه:حاضر يا فندم بعد ازنك

خرج اسامه وهو بيتوعد لاروي وخرج تلفونه ورن علي رقم

اسامه:ادي الوظيفه لوحده تانيه

مجهول:والعمل يا ابو العريف مش دي فكرتك

اسامه:ايوا فكرتي وانا جبت ناس متنفعش اصلا معرفش ان هيوافق علي دي

مجهول:وهنعمل اي بقا

اسامه:سبهالي اما خليته يتردها من تاني يوم مبقاش اسامه العربي

مجهول:شوف هتعمل اي المهم البنت الانا جيبها هي التاخد الوظيفه

اسامه:تمام يا فندم

.....................................

وصلة اروي المحل اللي هي كانت بتشتغل فيه

اروي:سلام عليكم ازيك يا حاج سيد

سيد:اهلا يا اروي يا بنتي شكلك بيقول اتقبلتي في الوظيفه

اروي:ايوا الحمد لله وهروح بعد بكرا

سيد:علي البركه يا بنتي رغم ان زعلان انك هتسبيني بس دا مستقبلك بردو

اروي:الله يبارك فيك يا عم سيد

سيد:ربنا يرزقك الخير يا بنتي انا موجود والمحل محلك في اي وقت

اروي:ربنا يخليك يا حاج كفايه وقفتك جنبي من يوم ما ابويا مات

سيد:بس يا بت دا انت بنت الغالي خدي دا مرتبك ودا حلاوة الشغل الجديد ولو احاجتي اي شيء كلميني علطول

اروي:والله ما عارفه اقولك اي يا حاج ربنا يكرمك سلام عليكم

سيد:وعليكم السلام

اتحركة اروي للسوق تشتري اللي هي واختها محتاجينه وبعدها روحت

وهي في طريقها قابلة اكتر شخص بيضايقها في حياتها المعلم رضا الفكهاني بتاع الحته عندو 55 سنه وعايز يتجوزها علي مرتاته ال3

رضا:ازيك يا رورو

اروي:اسمي اروي يا معلم و كويسه

رضا:الله مش لازم ندلع ست البنات

اروي:خير يا معلم

رضا: لا خير انشاء الله

رضا وهو بيمسك ايد اروي:مش هتحني عليا بقا يست البنات وتوفقي

اروي بحده:ايدك يا معلم وقولتلك شيلني من دماغك انا اصغر من ولادك

رضا بجديه:بشوقك بس بردو مسيرك ليا يا عسل

اروي مشت من غير ما تقول كلمه زياده طلعت بيتها بسرعه قبل ما دموعها تنزل

دخلة البيت

اروي:سلام عليكم

منه:عليكم السلام اي يا رورو اتاخرتي لي كدا ومال وشك كدا اي الحصل مش اتقابلتي في الشغل

اروي:لا اتقابلة قالتها وحطط اديها علي وشها وبدات تعيط

منه بفرحه:طب دا خبر يجنن مالك زعلانه لي

اروي:عشان رضا وقفني تاني

منه:يادي النيله علي رضا المش هنخلص منه دا قولتلك سبيني عليه

اروي بجديه:لا طبعا اياكي تقربي منه انت هتبقي دكتوره مش عيزين مشاكل عشان متتعطليش

منه:ما انا عشان هكون دكتوره هجرب اعمل فيه عملية صغننه اد كده

اروي بضحك:ايوا عرفاها انا الصغننه دي اخلصي انا جعانه وجبتلك الحاجه اهي اعملي حاجه نكلها وادخلي ذاكري

منه:والشنطه التانيه دي فيها اي

اروي:هدوم الشغل وبكرا الجمعه ننزل نجيب جزمه للطقمين دول

منه:انا كان في فلوس عيناها خديهم هاتي جزمتين ولا تلاته ولما تقبضي ابقي رجعيهم

اروي بمزاح:عيناهم منين انت بتخدي من مصروف البيت يا امينه

منه بخوف مصطنع:ابدا والله يا سي السيد

اروي وهي بترفع اكمام قميصها:ليلتك سودا يا امينه

وفضل اروي ومنه في حالة الهزار المعتاده بتاعتهم وان هما يجروا ورا بعض في الشقه

...................................

الساعه 5 كان لسه ياسين في مكتبه ودخل عليه رمزي اعز اصدقائه

(رمزي المرشدي 30 سنه ظابط شرطه في مكافحة المخدارات اسمر اللون طويل جسم رياضي شنب كبير من اقرب الناس لياسين بعد جدته)

رمزي:كدا يا بيبي مطنشني

ياسين:بيبك الله يخربيت الدخلك شرطه

رمزي:عيب يا بيبي متدعيش علي نفسك

ياسين:رمزي احنا في الشركه الناس هتفهمنا غلط

رمزي:قصدك هيفهمونا صح يا روحي

ياسين:بطل صوت النسوان دا انت ظابط حتي

رمزي:معاك بنسي ان ظابط وكدا

ياسين بضحك:طب اظبط نفسك

رمزي:تمام يا فندم بس انا برن عليك مش بترد عليا لي

ياسين:انا عندي شغل كتير

رمزي:يعني انا عواطلي منا سايب القسم وبكلمك المهم اعمل حسابك بكرا هنخرج نسهر و مفيش فيها كلام بكرا الجمعه اصلا وقوم نروح نتغدا لان انا جعان

ياسين:ولا متقول من الاخر انت جاي لي

رمزي:مقفوش انا صح

ياسين:اوي بصراحه

رمزي:طيب رندا كلمني

ياسين بنفاز صبر:خييير

رمزي:كالعاده بتدور عليك وعيزاك

ياسين:انا بدات اتخنق هي مش بتفهم ما اتسلينا وخلصنا

رمزي:والله بقا كلمها وقولها كدا

ياسين:طيب يلا نروح نتغدا في القصر

رمزي:يلا لان نهود وحشتني اوي

ياسين:تعرف تخرس

رمزي:حاضر

نزل ياسين ورمزي وارحوا علي القصر

...................................

بعد ماخلصوا البنات الاكل وقعدين ياكلوا مع بعض

منه:احكيلي بقا اي اللي حصل في المقابله

بدات اروي تحكي الحصل بينها وبين ياسين

اروي:دا كل الحصل

منه:ينهااار دا شكله صعب اوي يا رورو بس انت تستاهلي عشان قولتلك متتسرعيش ومش كل حاجه تعيطي خدي حقك وبعدين عيطي برحتك وانت لوحدك

اروي:اهو الحصل بقا يا منه

منه:طيب انا هدخل اذاكر وانت لمي الاطباق

اروي:ماشي

................................

دخل رمزي وياسين البيت

رمزي:نهود يا نهود

ياسين:اسمها ناهد هانم يا حيوان انت

رمزي:ملكش دعوه هي بتحب مني نهود

ياسين:يارب صبرني

خرجة ناهد من المطبخ علي صوتهم

ناهد:ايه صوتكم عالي لي

رمزي وهو بيمسك اديها ويبوسها:بنده عليكي ياروح قلبي

ياسين:ابعد ياض دي روح قلبي انا

ناهد وهي بتضحك:بس بقا انتو الاتنين انا كبرة علي الكلام بتاعكوا دا

رمزي:فشر انت مش بتبصي في المرايه ولا ايه انت طول عمرك قمر يا روح قلبي

ياسين بمرح:شكلك عايز تتقتل النهارده

رمزي:اهدي بس يا عم هلاكو

ناهد:انا هخليهم يحضروا الاكل لحد ما تغير هدومك يا ياسين وانت تعاله معايا يلا

رمزي:وراكي يا روح قلبي

بعد ساعه من غزل رمزي في ناهد علي الاكل و هزاره مع ياسين مشي رمزي وطلع ياسين جناحه

وانقضي اليوم

..........................

في الصباح

كان ياسين قاعد في سريره بيفتكرها لما دمعة ولما ابتسمت وقد ايه هي رقيقه

ياسين:لالا فوق دي حتت موظفه عندك احنا نلعب ونتسلي برا الشغل جوا الشغل لا مش يمكن تيجي هي لوحده ووقتها هنتسلي اوي

انهي كلامه مع نفسه و وقف من علي السرير راح للحمام

...........................

الساعه 10

فتحت عنيها علي صوت خبط علي الباب شقتها وقفت بسرعه تشوف مين

فتحت الباب بعد ما غطت شعرها وشافت اكتر شخص بتكرهوا في حياتها عمها حسن

(حسن السيد 62 سنه عم اروي موظف مرتشي ومعروف بسمعته السيئه وسط الناس)

اروي:عم حسن خير

حسن:خير يا بنت اخويا هتكلم من علي الباب

اروي:اتفضل

في الوقت دا كانت منه خرجة من الاوضه وحسن داخل اروي سابت الباب مفتوح

حسن:الله متقفلي الباب يا بت

اروي:لا معلش الباب مبيتقفلش واحنا معانا حد في البيت

حسن:دا انا عمك يا اروي

اروي:خير يا عمي

حسن:يوم الخميس الجاي كتب كتابك علي جمال ابني

اروي:نعم كتب كتابي علي مين

حسن:انا مش باخد رايك

قاطعته منه:لا اسمع يا راجل انت احنا سكتنا كتير علي ق*فك وبنقول معلش اهو عمنا اخو ابونا لكن توصل لكدا والله نفضحك وانت عارف ان اقدر اعملها

حسن:والله وطلعلك صوت يا منه

منه:ولسه هتسمعه اكتر لما اصوت والم عليك الخلق

حسن:بصي يا اروي قدامك ليوم الاربع لو مجتيش قولتي انا موافقه و برضاكي كدا كدا هتتجوزيه بس غصب عنك وهتخسري كتير اوي وقتها

انهي كلامه ومشي وهي فضلت مكانها مش بتتحرك

راحت منه وقفلة الباب بعنف بعد ما خرج

منه:في ستين داهيه وانت مالك قاعده كدا لي طب يبقي حد فيهم يقرب منك وانا كنت قتلته

اروي:هنعمل اي الوقتي يادي المصيبه

منه:انت خايفه من ايه مش هيقدر يعملها

اروي:منه مش هينفع نزعق المره دي وهو شكله بيقول ان دي مش تهديد

منه:طب يوريني هياخدك ازاي يبنتي يخاف يعملها صدقيني

اروي:انا هروح اصلي وانت حضري فطار

منه:حاضر بس انت متخافيش كدا واجمدي

وقفت اروي ودخلت اوضتها وبدات تعيط بهدوء

..................................

خرج ياسين من الحمام ودخل اوضة اللبس وبداء يجهز وهو بيفكر فيها وبعد مخلص لبس بص في المرايه وقال

-انت حطيتها في دماغك وعجبتك يبقا مش هتسبها غير لما تدوقها

ابتسم ياسين لنفسه وهندم ملابسه ونزل من الاوضه

دخل غرفة الصالون مش شايف فيها جدته طلع علي غرفتها شافها فاضيه

ياسين بحده:زينب ياا زينب

(زينب المساعده بتاعة جدته)

زينب:ايوا يا ياسين بيه

ياسين:ناهد هانم فين

زينب:كانت في الجنينه يا فندم

ياسين:طيب روحي انت

نزل ياسين السلم وخرج بسرعه الجنينه شافها قاعده بتقراء كتاب

ياسين:كدا تخليني اقلق عليكي

ناهد:لي بس يا حبيبي

ياسين:متعود اشوفك في الصالون مش هنا

ناهد:قولت اغير جو كدا بدل انت حابسني في القصر ليل ونهار

ياسين:انت عارفه ان بخاف عليكي مش اكتر

ناهد:كبرة عليا انت و بقيت انا اللي بسمع كلامك

ياسين:انت الاساس بردو يلا نفطر

ناهد:يلا

اتحرك ياسين وناهد لداخل القصر

................................

الساعه6

منه:يلا يا اروي عشان نلحق نشتري ونرجع بدري

اروي:خلاص خلاص بطلي زن خلصت اهو

منه:ساعه بتلبسي دا احنا نزلين عشانك اصلا

اروي:انا اصلا مليش نفس انزل

منه:بت هض*بك هننزل ونشتري ونخرج كمان نحتفل هو انت بتتوظفي كل يوم

اروي:والله انت فايقه

منه:يلا بس

نزلة اروي و منه من البيت وراحوا السوق عشان يشتروا حاجة اروي

................................

كان ياسين و رمزي قاعدين في كافيه مع بعض

رمزي:يا عم تعاله اسهر سهرايه حلوه علي مزاجك الشغل مش هيطير يعني

ياسين:نفسي اعرف مين حمار بيقول انك ظابط

رمزي:ظابط ما افرفش نفسي يعني دا انا حتي بحاول اتنقل الاداب

ياسين:اها اصلك ناقص عشان بعد كدا تجيلي بالملايه

رمزي:وهو بيضحك:علي فكره هتكون مصلحه ليك انت كمان هجبلك شوية مزز

ياسين:لي هو انا رمرام زيك انا مش باخد غير الغالي

رمزي:ماشي يا عم انا رمرام هنسهر فين بقا

ياسين:يبني الساعه لسه 10

رمزي:منا خايف يرنوا عليا من القسم السهره هتض*ب عايز الحق

ياسين: و هو بيضحك:يارب يرنوا علشان اترحم من زنك

رمزي:طب قوم نروح نايت كلاب ولا اي حاجه بدل الملل دا

ياسين:يلا يا حضرة الظابط يلا والله انت المفروض تشتغل ق**د مش ظابط

رمزي بصوت انوثي:ما دي شغلتي بعد الظهر يا بيبي

ياسين:اخرس الله يحرقك هتفضحنا قدامي علي العربيه

خرج ياسين و رمزي من الكافيه وركب ياسين العربيه وبيبص شاف رمزي متجه لاربع اشخاص واقفين في الشارع قدامه ونزل راح وراه

..................................

كان اروي و منه بيتمشوا في الشارع هما في طريقهم شافوا عمهم وابنو

حسن:كنت فين انشاء الله من غير ما تعرفوني

منه:وانت مالك

جمال:بت ردي علي ابويا عدل بدل ما اعدلك

(جمال ابن عم اروي 27 سنه معروف بسمعته السيئه وان هو بلطجي)

اروي:انت مش تتكلم معاها ولا ابوك يتكلم معانا اصلا

حسن:لا بقا دا انتم محتاجين تتربوا من اول وجديد

كان حسن بيقولها وهو رافع ايده يض*ب اروي بس حد مسك ايده من ورا

رمزي:لا اهدي كدا وصلي علي النبي عيب تض*ب واحده كدا

جمال:وانت مالك يا جدع انت

منه:ايوا حضرتك دول بيتهجموا علينا وكانوا عايزين يض*بونا زي ما حضرتك شوفت

حسن:بس يا بنت ال.....

رمزي:مسك ايد حسن جامد جرا اي يا عم هو انا مش قولت عيب ولا عايزني افهمك بطارقتي

جمال وهو بيجهز عشان يض*ب رمزي:لا انا اللي هعرفك ازاي ما تدخلش

لسه جمال هيض*ب رمزي اض*ب هو من ضهره وقع علي الارض

اروي:ياسين بيه

حسن:انتم مين وعايزين ايه مننااي دي بنت اخويا

منه:لا احنا مش ولاد اخوك ولا نعرفك ابعد عننا بقا

ياسين بحده:انت بتعملي ايه هنا ومين دا

اروي بخوف:ا...اانا كنت بشتري حاجات ودا عمي بيتهجم عليا انا واختي

حسن:اها قولي كدا هو دا حبيب القلب اللي انت مش راضيه توافقي علي ابني عشانه يا ....انا هوريكي

ياسين مسكه من رقابته وكان هايموته

ياسين بغضب:انت بشتم مين طب اي رايك مش هيطلع عليك صبح لا انت ولا ابنك

رمزي:سيب الراجل يا ياسين هيموت سيبه يا اخي

ساب ياسين حسن وكان جمال بدا يوقف تاني

ياسين بحده وغضب:شوف انت وابنك اروي ملكي انا ومحدش يفكر يقرب من حاجه ملك ل ياسين الصادق

جمال برعب:هو انت ياسين الصادق رجل الاعمال

ياسين:كويس انك عارفني

حسن:انا مستحيل اسيبهم وامشي ملكك ازاي لاتكوني متجوزاه في السر

منه بانفعال:اخرس بقا انت ايه

اروي ببكاء:اا...ن..ااا

منه:بس يا حبيبتي اهدي متتكلميش

ياسين بحده:انت لو قربت منها تاني انت ولا ابنك انا هقتلك انت سامع

حسن:لا مش هيحصل

جمال بجشع:موافقين بس بشرط

حسن بصدمه:انت اتهبلت ياض

جمال:اسمع بس يابا هناخد نص ارنب ووقتي هسيبهم في حالهم غير كدا انا اصلا كتب كتابي علي رورو القمر دي يوم الخميس الجاي

منه بانفعال:بتبعنا يا واطي حسبي الله ونعم الوكيل والله لكون فضحاكم

قاطعها ياسين:انا موافق بس لو عرفة انك بصيت ليهم هقتلك

جمال:عيب كلام رجاله دا مش اي كلام

ياسين:رمزي كلم جلال يجيب الفلوس ويجي حالا ومن غير نقاش

رمزي رغم استغرابه الا ان نفذ كلام ياسين

وبعد حوالي نص ساعه كان حسن وجمال اخدين الفلوس وكل دا و اروي بتعيط و منه اخداها في حضنها

جمال:ابقي خلي بالك منها بقا اصل رورو غاليه علينا اوي

ياسين بغضب:مش اخدة الفلوس غور في داهيه

حسن:مقبوله منك يا ابن الاصول يلا يا جمال

مشي جمال وحسن وقف رمزي يبص لياسين

رمزي:انت مقتنع بالانت عملته دا

ياسين: هفهمك كل حاجه بعدين

بص ياسين ورمزي ل اروي ومنه القاعدين علي الارض من انهيار اروي

ياسين بغضب:ممكن تبطلي عياط شويه خلاص بقا

منه بحده:لو سمحت متتكلمش معاها كدا هي لما بتخاف بتعيط كدا

رمزي:اهدي يا ياسين وانت يا انسه اهدي وقومي نوديها مستشفي

منه:لا احنا هنروح شكرا

بصت منه لياسين :انت تعرف اروي منين

ياسين:الانسه المفروض هتتوظف عندي من بكرا

منه:انا اسفه يا فندم علي كل اللي حصل وانشاء الله ربنا يقدرنا ونسد المبلغ الجمال اخده دا

ياسين:انا هاخد المبلغ من اروي بس لما تبطل عياط وتفوق كدا

بدات اروي تهدا من العياط وتقف علي رجليها

اروي بضعف:ممكن حضرتك تخ** نص المرتب لحد ما اسدد كل الفلوس

ياسين باستهزاء: علي كدا هتسدي المبلغ علي 30 سنه

منه:انا هنزل اشتغل وهسد معاها

اروي:منه اسكتي خالص الوقتي

اروي وهي بتبص لياسين:طب هسدو ازاي

ياسين:بكرا تعالي علي الشركه بس من غير الزي واسالي علي مكتبي وانا هقولك كل حاجه

اروي:حاضر يا فندم بعد ازنك

رمزي :استني هنوصلك الساعه بقت 11 :30

اروي:لا شكرا هنروح لواحدنا

لفت اروي ومشت هي ومنه بص رمزي ل ياسين

رمزي: هتفهمني في ايه ولي عملت كدا ومين دي ولا لا

يتبع................