EPILOGUE
“TRUTH or dare?” tanong ni Grace kay Mike. Dahil sa larong iyon kaya nagkrus ang mga landas nila.
“Truth!” nangingiting sagot ni Mike bago siya hinapit sa baywang. Kagagaling lang nila sa bahay nina Randall at Aira. Nakilala na ni Grace ang limang kaibigan ng binata pati na ang asawa ng bawat isa. Nanghihinayang lamang siya dahil hindi niya nakilala ang mag-asawang Miro at Margaux na nasa abroad na naman. Ang mga ito pa naman ang sabik na sabik siyang makilala. Hindi siya makapaniwala sa napakainit na pagtanggap ng mga ito sa kanya.
At ngayon ay naroon sila ni Mike sa eksaktong lugar kung saan nila unang pinanood ang bukang-liwayway nang magkasama. Madaling-araw pa lang kaya hindi pa sumisikat ang araw. Pero tulad ng dati ay hindi na naman nila namalayan ang paglipas ng ora
