Agad akong binalot nang kakaibang kilabot, dahil alam kong hindi biro ang nilalang na nasa harapan namin ngayon. Isa siya sa mga Bathalang Sandata!
"Rowan, umatras na tayo!" Sigaw agad sa akin ni Amiela, dahil alam niya rin namang nasa panganib kami ngayon. "McFres! Pakipihit ng manibela paatras!"
Agad sumunod si McFres kay Amiela ngunit huli na, tila nawalan na kami ng kontrol sa Tutubi, at napapalibutan na ito nang marahas na hangin ng ipo-ipo ng babae.
"Huwag na kayong gumawa ng paraan upang makalayo kayo sa akin. Hindi kayo makakatakas. Ako ang hangin. Kahit saan kayo pumunta, matutunton ko kayo."
Lihim akong napamura sa tinuran niya. Kung ganoon mukhang katapusan na naming lahat ngayon!
"Kaya kong alisin ang hangin sa inyong mga hininga kung nanaisin ko, kaya huwag na kayong puma
