xxxxx
Nagulat ako nang dakpin kaming dalawa ni Yuna ng kaibigan ni Yohan na Lenora ang pangalan pabalik sa palasyo ng Azoedia. Isa lang ang ibig sabihin nun.
Alam na niya.
Pagdating namin sa palasyo hindi ko na makita si Xyron, kaya natakot akong baka pinaslang na niya ito. Gusto ko pa sanang kausapin 'yung Lenora dahil napansin kong hindi ko na kasama si Yuna kaso pagkarating lang namin sa bulwagan ng palasyo ay agad na itong nag-anyong hangin at parang ipo-ipong umihip nang malakas palabas sa bintana.
"Kagabi pa kita hinihintay," rinig kong anas ng isang boses sa trono sa aking harapan at napatingala ako doon. Naroon na ang Diyos ng Kamatayan, nakaupo na sa trono na nakasanayan kong si Xyron ang nakaupo. Nakatingin siya sa akin ngayon nang mataman.
Hindi ko mabasa ang mukha niya. Mu
