Sa pamamagitan ng Marka ni Yu ay nagawa niyang ipunin ang usok na siyang dugo ni Aravella sa paligid ni Xyron, kaya nabalot ito ng nakakalasong usok. Nagpulasan naman ang ilan sa mga kasamahan nina Yu na nasa tabi lang ni Xyron kanina upang hindi sila mahagip ng kakaibang dugo ng isang Bulaklak. At kahit malubha ang mga tinamo nilang sugat ay sinikap pa rin nilang makaalis mula sa lason.
Pero ang ipinagtataka ko ay ang biglang pagkawala ni Aravella. Alam kong hindi siya mamamatay. Sa bawat oras na siya ay dapat nalalagutan na ng hininga dahil sa malulubhang sugat na maaari niyang matamo, alam kong siya ay nag-aanyong halaman lamang. Ito kasi ang epekto ng kanyang pagiging tunay at ganap na isang Imortal na Bulaklak sapagkat kakaiba ang paraan nila ng pagiging Imortal. Nang umibig siya kay
