Napatingala kaming lahat sa Butas dahil sa narinig naming boses. Isang pamilyar na boses, ang parang umalingawngaw mula doon na naging dahilan para mangilabot ako. Nagtayuan ang aking mga balahibo doon.
Mukhang isa iyong masamang balita dahil tumawa din nang malakas si Xyron Turon na naparalisa na sa sahig na yelo. Ang lakas ng tawa niya kaya parang ang sarap niya lang bigwasan.
"Hindi pa tapos ang lahat!" Natatawang sigaw sa'min ni Xyron na parang may milagrong nangyari. "Tandaan mo, Yohan! Nagsisimula pa lamang ito!"
"Tumigil ka Turon!" Balik ko naman sa kanya sabay sipa sa paralisado niyang katawan. Napalayo yung katawan niya nang bahagya mula sa amin dahil doon. "Talo ka na!"
"Yohan!"
May itinuturo si Reyna Anthuria at napatingin ako doon. Sa Butas, isang kakaibang liwanag ang nar
