⊙⊙⊙
Siguro masasabi kong ako na ang pinakatapat na alagad ni Haring Zafaro Vander. Bukod kasi sa tinatanaw kong utang na loob sa kanya, naging malapit na rin ang loob ko sa aking panginoon.
Simula kasi nang iligtas ko siya at ang kanyang anak, naging kasa-kasama na niya ako kahit saan siya magtungo kaya mas nakilala ko pa siya nang maigi.
Mali ang pagkakakilala sa kanya ng karamihan. Taliwas sa iniisip ng lahat, hindi totoong walang puso si Haring Zafaro. Oo, may kagaspangan ang kanyang ugali at totoong hindi siya palakaibigan at malimit siyang gumamit ng dahas sa bansa niya, ngunit kung kikilalanin mo rin siyang mabuti--- dun mo matutuklasan ang isang mabait at maprinsipyong pinuno. Bukod dun, siya ang tipo ng pinuno na isasakripisyo ang lahat para sa kapakanan ng kanyang bansa.
Alam
