Gusto kong magpaiwan sa Hardin ng Hanging Azure nang mapagpasyahan ng mga kaibigan ko na umuwi na kami ng Victoria Sogo Mansion. Ayoko kasing umuwi na hindi kasama si Prinsesa Lenora. Bukod sa kasalanan ko kung bakit siya namatay ay parang ang sama ko naman kung uuwi akong hindi sinusubukan ang lahat ng paraan upang maibalik ko siya.
Yun nga lang, mukhang hindi ko nga talaga siya kayang ibalik tulad ng nagawa ko noon kay Divan.
Tinawag ko ulit nang maraming beses ang pangalan niya. Iba-ibang kombinasyon pa ng pangalan niya at baka lang may tamang paraan nang pagtawag sa kanya ang ginawa ko.
"Prinsesa Lenora Zephyr!"
"Prinsesa Lenora Zephyr ng Arkhanta!"
"Prinsesa Lenora Zephyr-Caleb ng Arkhanta!" Sigaw ko pa. Baka sakaling gumana yun, at kiligin siya dun. Kaso wala pa rin.
Pinagmamas
