أنين الفهد

الفصل السادس

العيله روحت البيت و ام انين ف الاوضه بتحاول تقنع الاب لعلي و عسي يلبي رغبت بنته و يريحها بعد محاولات كتير وافق تروح تقعد و لو فتره بسيطه شهر تغير جو و تريح اعصابها لانه لاحظ ان اعصابها فعلا مشدوده ممكن من المذاكره ضغط الدراسه ميعرفش ان بنته تعبانه من وجع الحب

يوم ما هتمشي انين تروح عند خالتها ف اسكندريه قاعده ع السرير بتفتكر الي حصل, طبعا ادم بيرن عليها و يبعت لها رسايل مش بترد قبل يوم السفر وصلت لها رساله منه مكتوب فيها كلمتين و بس (انزلي تحت )

انين قلبها دق جامد عارفه عايزها تنزل ليه عارفه و متاكده ان هو تحت خايفه من المواجهه هي عايزه تبعد هي مش قد الحب هي اصلا مش بتاعت حب ف وسط افكاره جيت ليها رساله تانيه منه (متفكريش كتير انزلي بدل ما اطلع انا )بعد تردد كتير نزلت

واقفه قدام العربيه

ادم بص ليها و قال متصنع الهدوء : اركبي

انين :مش عايزه اركب

ادم : بقول لك اركبي بالذوق بدل ما اجي اركبك بالعافيه

انين متصنعه القوه :وانا بقول لك مش عايزه اركب انا حره

ادم بعصبيه و جنان : انين متجننيش بدل ما اطلع جناني عليكي سامعه اركبي يلا قال حره قال دا عند الست الولده مش عندي انا عندي هنا الي اقوله يتسمع و بصوت عالي فااااهمه

انين و اتعصبت خالص و خبطت ع العربيه باديها : بصفتك اي

ادم بحده و غيظ :بصفتي جوزك ايوا انا هتجوزك بمزاجك او غصب عنك هتجوزك انا بحبك و انتي كمان بتحبيني اي المشكله بقا ليه تعاندي و تبعدي و تبعديني انتي ليه عايزه تنهي قصه حبنا قبل ما تبدا اساسا بطلي عيند

انين بحرقه : انا مش هتجوزك و بعدين مفيش قصه حب انت خاطب اميره و انا هبعد و خلصت

ادم :انا نهيت حوار اميره دا خلاص

انين : اي ازاي هو انت بتهزر ازاي ت**ر فرحتها كدا بكل سهوله عادي عندك

ادم بعصبيه :سيبك من اميره مش مهمه المهم انتي

انين :لا طبعا اميره مهمه مينفعش

ادم بحده :دا اخر كلام عندك

انين و ع وشك العياط :ايوا اخر كلام

ادم و هو بيلف و رايح يركب العربيه و بعصبيه :ماشي يا انين انتي حره و انا كمان حر و مش هسيبك انتي ملكي و بتاعتي انا

سايق العربيه بسرعه رهيبه و عند اول الشارع عربيه مقاطعه و هوووووب …………

مني و هي بتكلم احمد صاحب ادم :مش عارفه مش عارفه اي اللي حصل انا لقيتهم بيتصلوا عليا من المستشفي و بيقولولي ان هو بين الحياه و الموت

انين بتفتح عينيها اوضه ازرق صوت ممرضه هي واقفه قدامها بس هي سامعه صوتها من بعييييد حاسه ريقها ناااشفه اي اللي حصل و عيطت عياط هستيري لا يااارب

الممرضه : اهدي انتي حاسه بحاجه بتوجعك

انين و مازالت بتعيط : انا عايزاه والله ما هعند تاني دم ايوا دم و…

الممرضه و هي بتحاول تهديها :هب اهدي و انا هنادي الدكتور

خرجت الممرضه و انين مازالت ع حالها بتعيط بحرقه و حاسه الدنيا بتخنقها و خايفه من ان ممكن اللي ف دماغها حصل يارب يكون حلم و انا لسه مخرجتش مع ماما و بابا يارب

شويه و الدكتور دخل و لقها ع نفس وضعها

الدكتور :ممكن تقوليلي حصل اي

انين بصت ليه و بعدين بصت قدامها تاني و كملت عياط

الدكتور:انتي لازم تساعديني عشان اعرف اشخص حالتك

انين نو كومنت سكوووت

الدكتور : طب اي اللي انتي شوفتيه و وصلك لحالتك دي

انين بصت للدكتور و ساكته

الدكتور باحباط : مينفعش كدا انتي بقالك اسبوع ع نفس الوضع دا لازم حل لازم تتكلمي و تتحاوبي معايا

انين نفس ال**ت

الدكتور بتنهيده :طيب انا هحكيلك وضعك و انتي تحكيلي اللي حصل

انين ساكته

الدكتور : انتي جيتي هنا من اسبوع كل اللي وصلني ان انتي جيتي ف عربيت الاسعاف و اهلك جوم بعدك تقريبا كدا مكنوش يعرفوا و بعد كدا دخلتي ف غيبوبه مؤقته صحيتي من يومين مش رافضه تتكلمي انتي لازم تتكلمي عشان اعرف اساعدك اي اللي حصل شوفتي اي و رافضه تتقبليه و مخلي حالتك كدا

انين و ماسكه دماغها و عماله تفتكر اليوم المشؤم كل حاجه فيهحصلت بسرعه و فجاءه

بعدين مسكت دمغها اوي و عيطت جامد

الدكتور بيحاول يهديها :اهدي و حاولي تشرحيلي اي اللي بتفتكريه الوقتي

انين بهدوء مخيف و عياط :هو مات صح ارجوك متقولش ان هو مات انا مش,عايزاه يموت انا انا انا بحبه بس هو زعلني كنت هبعد بس الوقتي مش عايزه البعد دا

الدكتور و هو بيحاول يفهم : هو مين اللي خايفه ان هو يموت و مين اللي بتحبيه و كنتي هتبعد ليه

انين بشهقات : ادم انا عارفه ان هو زعلان مني و دا مقلب هتهولي و انا مش هزعله تاني انا بحبه و قلبي وجعني جامد

الدكتور بتنهيده و بيبص للممرضه اللي معاه : شكلها كدا هتحتاج دكتور نفسي الموضوع مش حادثه دي صدمه عصبيه كلمي دكتور النفسي الجديد خليه يمسك الحاله دي اما نشوف اي اللي حصل معاها

الممرضه :حاضر يا دكتور

بعد ساعتين

دخل الاوضه بهيبته و هدوء زي نسمه هواء

بص عليها بهدوء و اخد نفس عميق و اتن*د و اتكلم

_ ازيك يا انسه انين

سكوت

_ انا هبقي الدكتور المشرف ع حالتك و اتمني تتجاوبي معايا

*.........

الدكتور : ممكن تحكيلي اي اللي حصل معاكي

انين :انا مش فاكره او حايفه افتكر

الدكتور :متقلقيش اطمني و احكي

انين و رجعت تعيط تاني :انا شوفته و هو بيطلع ف الروح قدامي انا كنت جمبه و مقدرتش اعمل حاجه انا بحبه مكنش قصدي البعد دا دا بعد بيوجع اوي انا كان قصدي نبعد بس ابقي عارفه اخباره حتي لو عن طريق الصدفه

الدكتور و بيحاول يهديها :طيب ممكن تحكيلي من الاول

انين و هي بتفتكر

............

ركب العربيه بعصبيه و سايق بسرعه و جيت عربيه تانيه مقاطعه الطريق و هوووب خبط فيها و صوت الخبطه جامده و انين واقفه مصدومه جريت عليه و هي بتعيط

الناس متجمعه حوالين العربيه و بيخرجه ادم و بيحطوه ع الارضيه

انين بعياط هستيري :ادم ادم اصحي ارجوك متسبنيش انا اسفه انا اسفه انا بحبك والله بحبك متبعدش انا مقدرش اعيش من غيرك

ادم و هو بياخد نفسه بالعافيه و بيبتسم ابتسامه حلوه و بيبص ف عيونها :وانا كمان بحبك و بحبك اوي كمان انتي قولتي هتبعدي انا اللي ببعد اهو يا انين متزعليش مني انا بحبك بس مش بايدي انا بح .........

..................سكت و انين بتعيط لا لا متموتش

و اغمي عليها

نرجع للحاضر

.................................

الدكتور :تمام انا كدا فهمت انتي جيت لك صدمه من موت حبيبك انتي عارفه ان كل حاجه بايد ربنا و انتي كبيره و ناضجه يا انين ف نصبر و انا هكتب لك ع مهدي تاخديه يهد*كي شويه و نكمل بعدين

...................................................

بعد شهرين انين قاعده مع مني قدام قبر ادم

مني :انا زعلانه اوي يا انين فراقه واجعني اوي مش عارفه اكمل عادي كدا بحاول بس مش قادره عارفه انا بتغير والله بدات اتغير عشانه هو ع طول بيقول لي بلاش طريقه لبسك بلاش تتكلمي مع اولاد بلاش و بلاش كنت دايما اتخانق معاه كنت ع طول بقول له بطل خنقه انت كدا بتخنقني و ملكش دعوه بيا بس انا بعمل كل اللي هو كان عايزني اعمله بس يرجع هو و دخلت ف نوبه عياط

انين و هي عماله تعيط :اهدي يا مني و ادعيله بالرحمه

مني :انتي عارفه هو كان قال لي ان هو بيحبك و انتي رفضتي حبه دا انا كنت ادايقت منك اوي ليه يعني ترفضيه بس الوقتي عرفت انك مرفضتهوش انتي كابرتي وبس

..............................

بتحب حد اعترف و بطل تكابر و تعاند مع نفسك العمر و الحياه مره واحده ف انتهز الفرصه و متضيعهاش من ايدك عيشها صح مع اللي بتحبه و بيحبك

******************************

بعد سنتين انين خارجه من الشركه اللي بتدرب فيها

خلصت تالته السنه اللي فاتت و قدمت ع وظيفه ف شركه تساعدها ف كليتها و بقت تحت التدريب الوقتي عانت فتره جامده و مازالت بتعاني و قافله ع نفسها و بعدت عن مني و عن اهلها و بقت بتفضل الوحده