7

3617 Words

جلس حامد يناظر فلم مع فيصل بعد لحظات من ال**ت فيصل :- حامد انت خلاص بتتزوج نوف حامد :- (مستغرب ) ليش ؟؟؟؟؟؟؟ فيصل :- سؤال حامد :- مدري 000انت وش رايك فيصل :- ما ودي حامد :- ليش0000(قطع كلامهم جوال حامد يرن) حامد :- الو نايف :- هلا وينك حامد :- في البيت نايف :- اطلع انا عند الباب طلع حامد مع نايف لان زيد ما رضى يطلع معاه نايف :- وش في أخوك ليش معتفس حاله كذا حامد :- مدري 00بس مو بعيد عن حالتك نايف :- انا 00وش فيني حامد :- اسأل نفسك 00انتو الاثنين عندكم شي 00بس انت مو مره حالتك متاثره (حالة نايف اخف من زيد لانه فرق الحب بينهم والظروف ---------------------- فيصل بعد رد حامد على الموضوع عطاه امل ان الموضوع ينجح وقرر انه يساعدهم بس ما يعرف كيف خصوصاً ان زيد محلفه انه ما يقول شي ------------------------------- ام عبد الله :- ساره وش اخبار الوالده ساره :- (توها جايه من بيت اهلها ) بخير وتسلم عليك عبد الله :- يمه تعشيتي ام عبدالله :- ما اشتهيت عبد الله :- الحين بروح اجيب العشا وبتتعشين معانا على الاقل تفتحين نفسنى للاكل 00نوف وينها ام عبدالله :- في غرفتها ساره اذا رقيتي شوفيها خليها تنزل ساره :- ان شاء الله خالتي سارع رقت غيرت ملابسها دقت باب غرفت نوف ماسمعت رد فتحت الباب شافت نوف تصلي وتدعي ربه وهي تصيح00نوف بعد ما سلمت قامت وغسلت وجها ساره :- (واقفه مستغربه ) نوف حبيبتي في احد مضايقك نوف:- لا ليش ساره :- بصراحه انتي متغيره والكل لاحظ عليك نوف :- تعرفين الدراسه وضغطها ساره :- طيب عبد الله بيجيب العشاء تعالي نوف :- لا بالعافيه ماشتهيت ساره :- اسفه حبيبتي ما اقبل اعذار ( مسكتها مع يدها ومشتها ) غصب بتاكلين ولا والله لا ازعل عليك نوف :- خلاص باجي كل شي ولا زعلك ساره :- بنات ما يجون الا بالعين الحمرا هههههههه ام عبدالله فرحت يوم شافت نوف نازله مع ساره وكانت تضحك ام عبدالله :- يعني لازم تدلعين تراك غاليه نوف :- حبيت اشوف غلاتي عندكم ساره :- غاليه بس بدون حركات الزعل هذي دخل عبد الله بالعشاء قامت نوف وساره يجهزونه على العشاء ساره :- نوف اليوم فيه فلم اول مره ينعرض وبنجلس نشوفه 000من دون أي نقاش نوف :- (تناظر ساره وتبتسم ) ان شاء الله عبد الله :- وش السالفه ساره :- ولا شي سلامتك منى بعد ما تزوجت انقطعت اخبارها ما صارت تتصل بعد شهرين ساره :- عبد الله يالله تاخرنا عبدالله :- بود*ك الحين بس الله يخليك انتبهي لولدي ساره :- وش دراك انه ولد عبدالله :- ولد بنت ما يهم اللي يجي من الله حياها الله نوف نزلت من الدرج شافت ساره وعبدالله واقفين عند الباب نوف :- وين يا حلو ساره:- بروح عند امي تعالي نوف :-لا حبيبتي اجلس في البيت احسن عبد الله :- تبين شي من برا لانه يمكن ارجع نوف :- ســــــــــــــــــلامتك طلع عبد الله ونوف راحت ترد على التلفون لانه يرن نوف :- الو شوق :- مرحبا 00هلا نوف وش اخبارك نوف :- بخير وش أخبارك أنتي شوق :- تمام وين الماما نوف :- معرفش توي نزلت ولم اجدها شوق :- ذكرت كم مره بسالك وانسى نوف :- تفضلي شوق :- وش اخبار رميوو نوف :- (تتن*د )والله مدري 000بخير شوق :- في شي بينكم نوف :- لا00000000(ماتبي تقول لا احد ) شوق :- مع أني مو مصدقتك بس أحاول نوف :- هذي أمي جت خذي كلميها بعد السلام والسؤال والسوالف اليوميه المعتاده ام عبد الله :- مب**ك متى عرفتي شوق :- اليوم الصباح رحت وقالوا لي نوف :- وش السالفه ام عبد الله :- اختك حامل نوف :- (فرحت ) وليش ما قالت لي ام عبدالله :- مو لازم نوف قامت وراحت للمطبخ وتركت امها تسولف مع شوق نايف دخل عليها :- وش تسوين نوف :- حرام عليك روعتني نايف :- ههههه خفتي نوف :- ايه نايف :- احسن –وين امي نوف:- تكلم في الصاله لف نايف بيطلع نوف :- نايف نايف :- نعم نوف :- ابي اطلع ودني للبحر او أي شي نايف :-ليش نوف :- كذا من زمان ما رحنا هناك نايف :- باشوف اذا كنت فاضي طلع نايف ونوف تضايقت لانها من زمان خاطرها تروح ام عبد الله لابسه عبايتها نايف :- وين يالغاليه ام عبد الله :- توك تسال 00 بروح عند الجيران عازميني نايف :- هذا وانا ناوي امشيكم اليوم نوف تقوال ابي اطلع ام عبد الله:- رح ودها طلعها بدال ما تجلس بروحها دخلت نوف نايف :- نوف البسي نطلع نوف :- (ابتسمت من فرحها ) ليش غيرت رايك نايف :- بصراحة (يناظرها ) رحمتك نوف :- شكرا ما ابي رحمه من احد عند الحر كانو واقفين مستندين على السياره يناظرون البحر نايف :- نوف 00000وش اخبار منى؟؟؟؟ نوف :- (مستغربه من سؤال نايف اللي ما توقعته )ما ادري من تزوجت وهي بعدت ولا تسال نايف :- طيب ليش انتي ما سالتي عنها نوف :- صعبه يمكن اكون اضايقها باتصالي وبعدين هي اللي بعدت وهي اختارت حياتها نايف :- (يتن*د ) الله يوفقها نوف :- لحد الآن تحبها نايف :- مدري رن جوال نايف شاف الرقم ابتسم و رد نايف :- هلا والله وغلا هلا بولد العم هلا بالقاطع اشتقنالك زيد :- هلا فيك وش السالفه شكلك رايق نايف :- احد يسمع هالصوت وما يروق زيد :- وينك نايف :- في مكانا عند البحر زيد :- خلاص انا قريب دقايق وجايك 000يسكر الخط زيد كان متضايق ما يدري وين يروح نوف تقدمت عند البحر (اه يا زيد ليش نصيبنا نفترق ليش بعد هذا الحب الدنيا تفرقنا) جلست تفكر ونست نايف وصل زيد عند نايف زيد :- غريبه ليش جاي هنا لوحدك نايف:- جاي اتذكر ايامنا اللي مضت هههه امزح عليك جاي معي نوف زيد من سمع اسم نوف وتلخبط (ليه كل ماحاولت ابتعد او انساك القاك ) نايف :- (حط يده على كتف زيد ) وين رحت زيد :- معاك نايف :-جاي هنا عشان تسكت زيد :- وش تبيني اقول جلسو يسولفون زيد ضيع الموضوع عن نايف وجلس يجاريه بالسوالف عشان ما يحس عليه ويسأله نوف بعد ما صحت لنفسها ورجعت بتفكيرها تذكرت نايف التفتت لقته واقف مع زيد بس هي ما كنت تعرف من واقف معاه نوف :-من هذا اللي مع نايف كأنها سيارة زيد لا مو معقوله ليه كذا يا ربي وش اسوي الحين اروح لالا0000 تمت واقفه تناظر محتاره يرن جوالها نوف :- الوه هلا فيصل :- هلا فيك وين القمر غايب نوف :- تسلم جالسه عند البحر طلعت انا ونايف فيصل :- ليش ما قلتي لي نوف :- طلعنا فجاه امي معزومه وطلعت مع نايف كنت طفشانه فيصل :- امك معزومه وشوق تزوجت وعبد الله مع زوجته ونايف بيسهر برا وانتي بتجلسين في البيت لوحدك مالك عذر لازم تجين نوف :- لا لا 0صعبه فيصل :- فاهم قصدك ومقدر بس صدقيني اول ما تجين بندخل غرفتي ونجلس لين يجي نايف ياخذك ولا احد بيشوفك وش تبين اكثر نوف:- (متردده ) اشوف فيصل :- نوف ابزعل اذا ما جيتي انا مثلك جالس طفشان ماجد عند الجيران ومالي خلق اطلع برا البيت نوف :- كلشي ولا تزعل انت 000انت الغالي (في خاطرها000اخو الغالي ) ما اقدر على زعلك فيصل :- خلاص استناك باي قفلت نوف بعدها دق نايف نوف :- الو في وقتك نايف :-وش تقولين نوف :- سلامتك نايف :- ما مليتي نوف :- من معك نايف :- زيد 00ياله خلينا نمشي سكرت نوف وهي محتاره كيف تروح 00تسلم او لا وش اسوي زيد راح لسيارته وعينه على نوف ما وده يشيلها نوف راحت تمشي وتناظر زيد وهو رايح وماسكه دمعتها ماودها تبين شي عشان نايف مايحس اول ما ركبت نايف :- بود*ك للبيت مستعجل عندي موعد ضروري نوف :- (متردده ) نايف 0000 توديني بيت عمي عند فيصل توه داق نايف :- (متملل ومتضايق ) حاضر 00000 كان نايف يسرع ونوف ماسكه نفسها لانها حست ان نايف متضايق منها (مافي احد فاهمني الكل تخلى عني 00000) وصلت نوف اول ماشافها فيصل طار من الفرحه لانه ماكان متوقع انها تجي راحت نوف تسلم على ام حامد 0000بعد السلام ام حامد صبت شاهي لنوف (نوف خذته ماودها بس تجامل مرت عمها ) دخل زيد مستعجل بغير ملابسه ويطلع شاف نوف وقف مكانه ما كان متوقع انه يلقاها (ليه دايم نجتمع صدفه ولا الدنيا تزود من عذابنا ) نوف ما عرفت وش تسوي نزلت راسها عشان ما تلتقي عينها بعين زيد وينفضحون نوف ما قدرت تمسك دمعتها طاحت غصب عنها فيصل منصدم لانه هو الوحيد اللي عارف الوضع كله 000قام من مكانه توجه لنوف مسك يدها :- تعالي نروح للغرفه نجلس ام حامد :- خل البنت تتقهوى فيصل :- بعدين يمه اول ما دخلت نوف الغرفه انفجرت تصيح فيصل :- اسف نوف 00كله مني بس والله ما توقعت انه بيجي نوف جالسه على السرير ومغطيه وجهه بيديها وفيصل واقف قدامها يناظرها وحاس بذنب بس ما في شي بيده زيد راح لغرفته مر من عند غرفت فيصل ويسمع نوف تصيح وقلبه يتقطع نوف :- فيصل تدري وش اللي معذبني اكثر اني في عز ضعفي وحاجتي وان**اري مالقيت احد يواسيني كلها اجتمعت علي زيد ومنى صديقتي راحت وخلتني احس اني وحيده في دنيا غريبه زيد سمع كلام نوف دخل الغرفه وخذ جواله من غيرمايحس دق على نوف بس ما ردت كانت تشوف الرقم وتقول ليش ارد واعذب نفسي فيصل :- ردي يمكن عنده شي ما تدرين نوف :- ما ابي خلاص وش بقى اكثر من كذا خذ فيصل الجوال و رد :- الو زيد :- وين نوف فيصل :- ما رضت ترد زيد :- (بصوت حاد ) عطها الجوال ابي اكلمها بسرعه فيصل عطى نوف الجوال وهي رافضه تاخذه بس بعد محاولات فيصل رضت نوف :- (بصوت متقطع ) الو زيد :- نوف انا بتكلم اذا ما تبين تردين كيفك بس انا بقول اللي عندي وابيك تسمعيني نوف 00000000000000 زيد :-نوف والله والله احبك ولا يخطر على بالك اني ما ابيك او اني نسيتك او اني تخليت عنك من حالي بس الموضوع مو بيدي واذا انتي تتعذبين مره انا اتعذب الف مره 000ما يوم فكرت اني اتركك او انساك والحين اشوفك قدامي بس ما اقدر اوصل لك ما اقدر 00عرفتي كيف 0000000انتي الحين لو تبيني اوقف قدام الدنيا كلها وقفت بس تكونين راضيه عني انا ما ابي اشوف دموعك دموعك غاليه عندي 000 نوف كانت جالسه على السرير وفيصل جالس على المكتب زيد :- انتي ما تدرين بحبك اللي في قلبي شايله (000شوي ينفتح باب الفرفه شوي شوي نوف كانت تسمع زيد يكلمها 000 زيد :- افعي راسك شوفي عيوني شوفي وش كثر احبك عيوني اللي ما يوم شافت غيرك نوف مصدومه من منظر زيد اللي واقف قدامها يتكلم وهو يصيح فيصل وقف منصدم من المنظر زيد واقف عند الباب :- نوف مهما صار ومهما حصل تاكدي من شي ان حبك يزيد ما ينقص 0000حط على المكتب شريط كان معه وطلع نوف رمت نفسها على المخده وصاحت وفيصل لحد الان منبهر ما يدري يصدق عيونه او يكذبها ما في يوم شاف اخوه بهالحاله هذي بعد دقايق استوعب فيصل اللي شافه ثم خذ الشريط وراح يشغله كانت الاغنيه اللي فيه 00000000 صدق انتهينا لكن الحب باقي ما هو بدينا انكتب يوم الفراق يمكن تلاقي وأنا يمكن ألاقي شي يصبرنا على جرح الأعماق صعبه علينا نلتقي بليل عشاق وادري حبيبي ان قلبك يشاق وادري حبيبي والله كيف تشتاق ان كان لي عندك غلا بالفراق عيشني بذكرى فذيك الاوراق واكيد عندي لك غلا بالفرقا باشتاقلك والله واشتاق واشتاق نوف:- خلاص قفله مابي اسمع شي تعبت زيد طلع من البيت كان نايف يستناه عند الباب نايف : وينك ساعه انتظر ادق عليك ماترد على الانتظار من تكلم زيد :- خلاص الله يخليك قفل على الموضوع ما ابي اتكلم نايف :- وش فيك ليش شكلك كذا زيد :-000000000000 نايف :- رد علي اكلمك زيد :- يالله ما فيني شي00 متضايق من نفسي نايف :- وين تبي تروح زيد :-على راحتك ولا اقولك خلنا نلف احسن بعد دقايق من ال**ت نايف :- زيد اذا كنت متضايق من شي قولي يمكن اساعدك زيد :- ( وش اقولك انني احب اختك 000اقوال اني ماقدرت انسى اختك000 اقولك اني ما قدرت احقق الحلم اللي حلمت فيه طول عمري000او اني ما قدرت اوفي بالوعد اللي وعدته000 اقولك ان اخوي بيتزوج حبيبتي وش اقولك )000 نايف :- زيد ليش ساكت اذا كنت ما تبي تتكلم براحتك انا حبيت اساعدك زيد :- مشكور000 كل اللي ابيه منك انك تدعي لي ان الله يحققلي اللي في بالي نايف مستغرب من كلام زيد حس انه موضوع ما يبي يطلعه لاحد وسكت ------------------------ بعد اسبوع من هذا اليوم الساعه 2 بالليل في غرفة زيد اللي كلها كآبه وحزن كان جالس لوحده يفكر باب الغرفه ينضرب زيد :- ادخل ينفتح الباب ويدخل حامد :- يالله وش الجو الكئيب اللي انت عايش فيه ليش كذا زيد :- عادي طفشان حامد :- ما ابي اطول عليك بس حبيت اقولك تولم نفسك بكره عشان أبوي حدد موعد مع عبد الله وبكره بروح نخطب زيد يحس بالكلام سكاكين تنغرس في قلبه حامد :- وش فيك ساكت وين رحت زيد :- (ماسك دموعه ) بكره مشغول مواعد الشباب بنطلع الفجر اعذرني حامد :- اسمع ماقدر اعذرك بتروح معنا العصر نروح مع بعض الحلاق بود*ك تحلق انت مو شايف شكلك في المرايه (زيد كان مهمل نفسه وطالع الشعرعلى وجهه )والمغرب نروح بيت عمي بعد كذا رح للي تبي على راحتك زيد نزل راسه ساكت ما تكلم حامد طلع وسكر الباب ( يالله يازيد حالتك تصعب على الكافر حاس فيك ياخوي بس من ارضي انت ولا ابوي ان شاء الله اللي بسويه بيعذرني فيه ما بيدي غير كذا ) في بيت ابو عبدالله كان مجتمعين عبدالله ونايف وامهم عبد الله :- يمه ترا عمي بكره ان شاء الله جاي ام عبدالله :- ان شاء الله خير نايف :- وش السالفه عبد الله :- عمك بيجي يخطب نوف رسمي يقول لازم يكون فيه شي رسمي نايف :- يمه هذي نوف بتتزوج بقى انا000كل العالم تزوجت ام عبدالله:- (تناظر نايف ) الحمد لله يا ربي على العقل نوف جالسه تقرا قران في غرفتها بعد ما خلصت دعت ربها راسها على المخده ونامت في غرفة عبد الله ساره :- طيب نوف خذتوا رايها عبد الله :- نوف من ربي خلقها وهي عارفه ان عمي بزوجها ولد ه ساره :- واذا كانت ما تبي عبدالله :- ليش ترفض الولد مافيه شي عشان ترفضه وهي عارفه اخلاقه وتربيته وبعدين احسن لها من الغريب ساره سكتت عشان ماتطول السالفه لان عبدالله بدى يعصب زيد كان جالس يدعي :- يارب انك تاخذني قبل لا تاخذ نوف مني 000يارب انك تجمعني معها صحت نوف متاخره الساعه 2 الظهر غسلت وجها وصلت ونزلت عند اهلها كانو مجتمعين جالسين يتغدون ام عبد الله :- تعالي كلي نوف :- ماشتهيت توني صحيه مالي نفس 0000جلست تقلب بالقنوات شوق :- نوف الله خليك صلحي شاهي قامت نوف راحت للمطبخ من دون أي رد ام عبد الله :- اليوم عمك بيجي يخطبون نوف شوق فرحت لختها قامت بتروح لنوف تبارك ام عبد الله :- تعالي ترى ما قلت لها شي لحد الان شوق :- خلاص انا بقولها 000راحت دخلت المطبخ و الابتسامه مرسومه على وجهها نوف :- (تناظر مستغربه ) وش فيك شوق :- من قدك اليوم بيجون الحبايب يخطبونك نوف رفعت راسها تناظر شوق وهي مصدومه نزلت دموعها شوق:- يا عيني على الحب ودموع الفرح هذي الله يوفقكم نوف :- نوف تركتها وراحت لغرفتها وهي تصيح شوق :- تعالي وش فيك دخلت نوف الغرفه رمت نفسها على السرير وبدت تصيح بصوت عالي شوق راحت عندها :- وش فيك وش اللي حاصل خوفتيني نوف ما ردت تصيح شوق جلست جنبها تقومها مسكتها من اكتافها وتهز فيها تكلمي قولي شي نوف :- عمي0000جـــ00اي 0000يخطبني000لحاامد شوق :- وش تقوالين و زيد نوف :- 0000000000 شوق:- خلاص لا تصيحين انتي ما تدرين ربك وش كاتب لك طلعت شوق من عندها وهي محتاره في اختها ما تدري وش تسوي وشلون تساعدها جلست طوال الوقت سرحانه تفكر يرن جوالها محمد دق شافت الاسم وابتسمت ونست الموضوع كله شوق :- الو محمد :- هلا والله بقلبي وعمري وحياتي شوق :- كل هذا محمد :- لا بعد نسيت وام عيالي شوق :- ليش كم ناوي تجيب من ولد محمد :- والله ما ادري بس محتار بين الف او الف وخمسميه شوق :- الله اكبر بموت ماجبت لك العدد محمد:- هههههههه شوق :- وينك محمد :- توني واصل بغير ملابسي وبعد كذا بصلي و بروح لحبيبتي باجلس معاها شوق :- خلاص يا قلبي حبيبتك تستناك + محمد :- بطلب طلب قولي لها خليها تنتبه لنفسها شوق :- تقولك دام انت وصيتها على شي اكيد بتسويه محمد :- طيب قولي لها اني احبها شوق :- مقدر انت قولها بنفسك تحب تسمعها منك محمد :- احـــــــــــــــــبــــــــــــــــــــك شوق :- خلاص فضحتنا محمد :- حبيبتي وزوجتي وعمري وحياتي كلها شوق :- اقول مطول السالفه بيقيم الحين روح صل ---------------------------- ام حامد :- فيصل روح شوف اخوك شكله سكن عند الجيران فيصل :- من يقوم من النوم وهو عندهم مايرجع الا وقت النوم ابو حامد :- وش يجلسون يسوان فيصل :- يلعبون بلاي ستيشن حامد :- الله يصبر تلفزيونهم اما زيد كان حاضر معاهم بس عقله مع نوف 0000الساعات تمر ثقيله كنها سنين بعد صلات المغرب الكل استعد ولبس وتجهز الكل فرحان 00وقلبين قربت ساعة وفاتهم ينتظرون الموت ام عبدالله :- شوق روحي شوفي اختك ما نزلت ولا كلت شي يمكن مستحيه تنزل خذي اكل ودي عندها وخليها تلبس شوق :- ان شاء الله (الله يعينك ) خذت شوق الاكل رقت عند نوف دقت الباب ما حد رد فتحت الباب مالقتها خافت شوق ---حطت الاكل توها بتطلع تدورها شافت نوف توها طالعه من دورة المياه ماخذه شور شوق تناظرها مستغربه (كانت تتوقع انها جالسه تبكي لأنها تعرف كيف نوف حساسه) نوف :- ليش تناظريني كذا شوق :- ولا شي مستغربه نوف :- خلاص ابي انسى لا تذكريني شوق :- امي تقول كلي شي والبسي وانزلي نوف :- اوكي شوق كل دقيقه تزداد حيرتها في نوف وحالتها 0000طلعت من الغرفه اول ما سكرت الباب صاحت نوف (ياربي 000ابي انسى ابي ابي اموت ابي ارتاح 000)كانت تبي تمسك دموعها عند شوق تبي تبين انها قوية في السيارة كان حامد يسوق بجنبه ابوه وخلفه كان زيد جالس كان ال**ت يعم المكان ........... نايف وعبد الله جالسين ينتظرون وصول عمهم وشوق وساره عند التلفزيون وام عبدالله تجهز القهوه ........... لاجل جروحك 06-09-2008 01:35 PM رد: خل ايدك بالعشق تحضن ايديني / روايه رومانسيه تجنن الفصل السابع 000 وصل حامد عند بيت عمه 00000فتح ابو حامد بينزل000بس حصله مقفل حامد :- يبه استنى ابيك في موضوع ابو حامد :- (مستغرب ) توه يطلع الموضوع وش عندك ؟؟؟؟؟ زيد استغرب الوضع بس ما تكلم حامد :- يبه احنا ليش جاين هنا ابو حامد :- (علامات استفهام تزداد على وجهه) فيك شي 00جاين نخطب نوف حامد :- نخطبها لمين ؟ ابو حامد :-(يناظر يحاول يستوعب حالة ولده) نخطبها لك ليش عندك مانع حامد :- لا بس ابيك تخطبها لزيد ابو حامد وزيد مو فاهمين شي ما صدقوا اللي يسمعونه ابو حامد :- ليش زيد مو انت حامد :- زيد يبي نوف وانا مابي ابني حياتي على تعاسة اخوي وبعدين نوف طول عمري اشوفها مثل اختي 00ولا عمري فكرت فيها كزوجه 00لاني عارف ان زيد من صغرته وهو يحبها ويبيها وفيه الف بنت اقدر اتزوجها........... ابو حامد مصدوم من الكلام اللي يسمعه اما زيد فكان مره يصدق ومره يكذب اللي سمعه ابو حامد :- ليش توك تتكلم انت وجهك حامد :- خلاص انتهى الموضوع ما صار شي اهم شي عندك زيد توصى فيه زيد طاير من فرحته ما يدري وش يسوي من الفرحه ماقدر حتى يتكلم نزل ابو حامد من السياره وتقدم عند الباب بيدخل نزل زيد وحامد وقف يقفل السياره زيد:- حرام عليك ليش ما قلتلي من زمان على اللي في بالك وخليني اتضايق واعيش حياتي في حزن وكآبه يا ظالم حامد :- (وهو يبتسم ) ابي اشوف وش كثر تحبها 00 زيد :- يالله تاخرنا حامد :- الحين تاخرنا ومستعجل يالله تتحرك 000 في شي بقوله الأيام اللي طافت والتأخير تدري ليش انا اخرت الموضوع زيد :- ليش حامد :- ابيك تحس وترح تدافع عن حبك يا جبان 00شفت مافيه فايده منك وتكلمت زيد :- طيب تفضل ادخل قدامي دخلوا وسلموا وجلسوا يسولفون عند الحريم ام عبد الله :- شوق بتروحين تسلمين على عمك نادي اختك خليها تدخل معك راحت شوق لغرفة نوف فتحت الباب حصلتها جالسه على الكرسي ومنزله راسها على المكتب شوق :- نوف عمي وصل امي تقول لازم تروحون تسلمون عليه نوف رفعت راسها ثم قامت غسلت وجهها وراحت بتطلع شوق :- تعالي وين رايحه نوف :- مو انتو طلبتو اروح اسلم خلاص بروح شوق :- بتنزلين كذا نوف كانت لابسه تنوره لونها اسود وبلوزه سودا وفيها رسمه صغيره بالرمادي والابيض ماكانت حاطه في وجها أي شي من انواع المكياج شوق :- تعالي حطي على الاقل روج نوف دخلت خذت قلوس زهر فاتح وحطت منه خفيف شوق :- تعالي (خذت الكحل بتحط لها ) نوف :- خلاص ما أبي نوف ما كانت تبي تشوف احد لا عمها ولا حامد ولا زيد 00 اول ما دخلت تفاجات بوجود زيد لا وكان يضحك مبينه عليه السعاده نوف وقفت تناظر مو مصدقه (بسهوله يا زيد نسيت جاي وجالس تضحك بعد ) زيد اول ماشاف نوف (ياعمري كلها دقايق وتسمعين الخبر ما راح اشوف الحزن اللي في عيونك ولا نبرة الصوت هذي [كان صوتها مبحوح من كثرما صاحت ] وترجع لك ضحكتك اللي فقدتها) سلمت نوف على عمها واستاذنت وطلعت توها طالعه من الباب تفاجات بضحكه قويه كان مص*رها زيد نوف ( كذا يازيد هذا وانا ذابحه عمري على شانك صدق ما تستاهل) شوق جلست مع عمها واخوانها تسولف وكانت على وجهها علامات استفهام من زيد اللي كان يضحك ويسالف مع نايف وحامد ولا كانه صار شي 000000 ابو حامد :- عبدالله يا ولدي انا اليوم جايك ابخطب نوف لولدي 00000زيد الكل تفاجا لأنهم متوقعين حامد عبدالله :- عمي نوف مثل بنتك ابو حامد :- انا نخطبها لما يخلص دراسته ويتوظف وبعده يتزوج وقتها قد جا حامد من سفرته وخطبنا له وزوجناه بعد شوق اول ما سمعت الخبر طارت عند نوف تفرحها دخلت الغرفه لقت نوف جالسه في زاويه وحاضنه دبدوب وتصيح شوق :- (ماسكه ضحكتها ) الحمد لله وحده اليوم خطبتها وتصيح كذا نوف :- 0000000000000 شوق :- على العموم الف مبرررررررررروك نوف :- (رفعت راسهاتناظر تناظر شوق ) وش تباركين انتي فرحانه لهدرجه عزيني احسن شوق ما قدت تتحمل اكثر وانفجرت من الضحك نوف ماهمها كل همها زيد ابو حامد وحامد وكيف انظلمت معاهم شوق :- قومي خطيبك يبيك يبارك لك نوف :- (ما ردت والغضب يشتعل فيها من شوق وكلامها وضحكها ) شوق :-خطيبك رميو اوه اسفه زيد ينتظرك نوف :- وش تقولين 000رايقه هذا وقت مزحك البايخ شوق :- والله ما امزح عمي خطبك لزيد

Free reading for new users

Scan code to download app

App Store Google Play

Facebookexpand_more