حرب المشاعر

3

عنود :- لا ادخل 0000

دخل محمد وجلس على الكرسي حق المكتب ومسك قلم وجلس يلعب فيه

محمد :- تعالي اجلسي بكلمك في موضوع

استغربت العنود وراحت وجلست

محمد :- بصراحة 000000انا عندي مشكله ماحد يقدر يساعدني إلا انتي

عنود :- [خايفه ] وش فيك ؟؟؟

محمد :- أنا حب وحده وأبي اخطبها

عنود :- [مستغربه ] وين المشكلة

محمد :- المشكلة في أبوي وآمي لو بقولهم أني أبي اتزوج وحده اعرفها00

أنتي عارفه كيف بتكون ردت فعلهم000بيرفضون00راح يقولون أنها ما تربت وأنها أكيد تعرف غيرك

عنود :- ما قالو شي غلط

محمد:- افهميني 00انا ما قلت آبي أتزوجها إلا أني عارفها واخلقها وواثق فيها

عنود :- ومن تكون هذي

محمد :- وحده تعرفينها

عنود :- [مستغربه ] وحده اعرفها مين ؟؟

محمد :- شوق 000 زميلتك في المدرسة

عنود ما توقعت جلسة تناظر محمد مو مصدقه اللي يقول 000

محمد :- وين رحتي 000انا اعرفها من مده طويلة من أربع سنوات

عنود :- طيب وشلون أساعدك

محمد :- الحين افهمك00كل ما جلسنا مع أمي أكيد تفتح موضوع الزواج وأنتي عارفه أبيك تقولين لها عن شوق أنها صديقتك عشان تخطبها

شوق :- فهمت

محمد :- اخيرا 00

عنود :- وين جتك الفكره هذي لاعبها صح

محمد :- [يقطع كلامها ] أهم شي 00شوق ما تدري ولا تبينين لها انك عارفه شي

عنود:- اوكي

طلع محمد من البيت0000

في بيت أبو عبد الله مجتمعين العايله على العشاء

أم عبد الله :- عبد الله دقيت اليوم على خالتك

عبد الله[كان يأكل لما سمع أمه رفع رأسه يناظرها ] وش صار

أم عبد الله :- لحد الان ولا شي

شوق ونايف ونوف كل واحد على وجهه علامة استفهام 000كل واحد يلتفت على الثاني يعطيه نظره لعلهم يلقون إجابات عند احد منهم بس ماكان احد يعرف غير عبد الله وامه000

بعد هذي النظرات والنقاش بين عبد الله وأمه

شوق :- وش السالفة والا أسرار

أم عبد الله :- لااسرار ولا شي 00اليوم دقيت على خالتكم أم طلال وطلبت ساره لعبد الله

الكل فرح لهذا الموضوع

نوف :- اخيراً00بس والله تستأهل

نايف :- يمه أنا متى تخطبين لي

أم عبد الله:- أنت خلص دراسة واتوضف وبعدها اخطب لك

نوف :- زوجت نايف أنا بختارها000(جلست تناظره )

نايف توقع إن نوف كلمت منى في الموضوع 00وجلس يفكر وش بيكون رد فعل منى

بعد العشاء راحت نوف للمطبخ تصلح الشاهي00000دخل نايف عليها

نايف :- نوف كلمتي منى قلتيلها

نوف :- [تستغيبي ] وش أقول لها

نايف :- [ عصب ]عن موضوع اليوم

نوف :- [مصره على الحركة تتكلم ببرود ] أي موضوع

نايف :- [وصلت معاه بينفجر من برود نوف ] خلاص لا تقولين شي00[لف بيطلع]

نوف :- [تضحك ] تعااااال امزح معاااااك

نايف :- [رجع] يعني قلتيلها

نوف :- لحد الان لا بس إن شاء الله بكره لما أشوفها

نايف :- ياويلك إذا نسيتي 00ابذ*حك

نوف :- ما راح أنسى

نايف00راح يكلم :- الوووو

زيد :- هلا

نايف :- وينك

زيد :- جالس بالبيت

نايف :- وش رايك تجي نسهر مع بعض

زيد :- تدري والله طاير النوم توي بدق عليك اقولك00شوي وجاي

في بيت أبو محمد 000العنود جالسه مع أمها 00دخل محمد

جلس عند أمه

أم محمد :- تعشيت

محمد :-لا يمه تعرفين أني ماحب أكل المطاعم

أم محمد :- عنود قومي جيبي عشاء لاخوك

عنود :- متى يتزوج وارتاح منه [تتكلم وتناظر محمد ]

أم محمد :- يا ليت يرضى 000يكون اسعد يوم

محمد :- دامه بفرحك زواجي خلاص من الحين أقولك دوري لي زوجه

عنود :-[تناظر الحين تهمك وفرحتها000يمه منك وحركاتك ]

أم محمد :-خلاص بدور لك على البنت اللي تناسبك

عنود :- عندي صديقتي في المدرسة تنفع له يناسبون لبعض تقولين ربي خالقها عشان تتزوجه000

محمد :- [ يتبسم وده يضحك ] من تكون هذي من بنته

عنود :- هي اسمها00شوق ال000 بس ما شاء الله جمال وأخلاق مثل العسل

أم محمد:- يكون خير

عنود :- يمه من نصيحتي تستعجلين في الموضوع أخاف احد يأخذها وأنا أبيها لاخوي

محمد الابتسامة مرسومه (صدق ممثله تعرفين تقنعين )

أم محمد :- عندك رقم البيت

عنود:- اقوالك صديقتي وتقولين عندك رقم

أم محمد :-خلاص عطيني الرقم وبكره اتصل

0000000000000000000000000000000000000000000000

صحت نوف الساعة 6

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

صح ت نوف الساعة 6 لبست وراحت تصحي نايف عشان يوصلها 00فتحت الغرفه ما حصلته فيه استغربت نزلت تحت تدوره ماكان احد فيه الكل نايم

آخذت جوالها تدق عليه

نوف :- الو

نايف :- هلا والله صحيتي

نوف:- وينك ومن متى أنت صاحي

نايف :- إنا في الملحق سهران مع زيد000 خلاصتي عشان أوصلك

نوف :- دقايق

نايف :- إذا خلصتي تعالي

سكر والتفت على زيد

نايف :- عندك دوام اليوم

زيد :- اكـــــــيد

نايف :- طيب وشلوون

زيد :- مصدق أني بروح مالي نفس

نايف :- خلاص نوصل نوف ونرجع نكمل

نوف تدق باب المجلس

نايف :- ادخلي

نوف دخلت :- صباح الخير

نوف انصدمت من المنظر 00الغرفه شوي وتنفجر من الأوساخ علب ببسي على وبقايا أكل و حب كل هذي لزوم السهرة

نايف و زيد :- صباح النور

زيد أول ما شاف نوف بيطير من الفرح 00احلى صباح يمر

نوف حست بنظرات زيد اللي ما نزل عينه 00استحت ما عرفت وش تسوي (يا لله يا زيد توني أحس بنظراتك سبحان الله ما تغيرت دايم نظراتك لي غير)

نايف :-خلصتي

نوف :- زي منت شايف [كانت طالعه بالعبايه وماسكه الشنطه]

نايف:- بروح أجيب مفتاح السيارة

زيد :- نروح بسيارتي

ركبت نوف خلف زيد 00شغل زيد السيارة قبل ما يمشي جلس يدور بالشرطة شغل أغنية

حرام يمر الوقــــت وترحل بي سنيني

تعبت ألمح لك ولا حسيت فينــــي

حرام أعيش الحـــــب وأنت ما دريت

عن اللي في قلبــي عن شوقي وحنيني

بأ صارح الدنيــــــا وبأعلــن ها لعبارة

أني أموت وأعشقك يا ضو عينــــــي

ابعترف بالحب لكن يا خسارة

ما حسه قلبك وحبـــــــك يحتوينــــــي

ليلي بدونك لــيـــل ما بين نهـــــــاره

تلعبي الأشواق شمـــــــــال ويمـيـن

حرام يضيع العمر يالحــب الخجول

خل أيــدك بالعشـــــق تحضن أيديني

ما عاد فيني صبر **تك لا يطـــول

كل يوم أقول اليوم بشوفك تجيني

ريح القلب الشقي من همــه وقــــول

كانـــــك تبيني حب ولا ما تبـــينـــي

كان الكل جالس يستمع وزيد بين فتره وفتره يناظر نوف يشوف ردة فعلها00نوف فهمت الرسالة ضاعت مع الاغنيه

نايف مد يده ويقفل المسجل

زيد ونوف بصوت واحد :-لالالالالالالا

نايف :- يمه وش فيكم خوفتوني

نوف استحت

زيد حس إن نوف فهمت السالفة

نايف :- ما عندك غيرها جابت لي الهم وأنا مو ناقص

زيد :- مشتهي اسمعها تعجبني

أول ما خلصت الاغنيه على طوال نايف غير حطfm كانت فيه أغنية

غيرك بقلبي ماسكن شخص ثاني ولا رام قلبي في غيابك ي**نك

ميناء قلبي وانته له مواني ارسي على بحـــــرك وأهيم بفنونـــك

عانيت منك وانته مني تعاني اشكي فراقـــك وانته تشكي شجونك

حبك حبيبي في الضماير توالي كل الجوارح تشتكي من طعونـــك

لو باختياري ما افترقنا ثواني ولا عشت لحظــــة يا حياتي بدونــك

الحال عقبك صار لا أحول تالي لو شف*ني بتسيل دمــــعة عيونـــك

في غيبتك اشرب مرارة زماني قلبي وعقلي بالعنـــــا يشتكونـــك

يبغون منك عطف ولا حناني عطف المحبه يعل ربـــي يصونــــك

أدمنت حبك وستحل بكياني لا اقدر أعيش العمـــــر لحظه بدونك

زيد ابتسم

نوف كانت تطالعه و انتبهت للابتسامة 00زيد رفع عينه للمرايه نزلت نوف عيونها كأنها مو منتبهة

أول ماقربو عند الجامعه

نايف :- نووف لاتنسين

نوف :- إن شاء الله

نايف :- أول ما ينتهي الموضوع دقي

نوف :- ماقدر

نايف :- على الأقل رسالة

زيد يطالع نايف وعلى وجهه علامت استفهام

دق جوال نوف وضحكت 00لانه ما يدق الصباح غير منى فهم نايف وضحك وزيد ضايع ما يدري وش السالفهه

نوف :- الوووو00هلا دقيقتين وأوصل ولا اقوالك أنتي ادخلي واستنيني (نايف التفت ويأشر لالا وياشر على عيونه يعني يبي يشوفها) نوف ضحكت

منى :- ليش تضحكين

نوف:- خلاص وصلت لا تدخلين خلينا ندخل سوا

منى :- ما شفت سيارة نايف

نوف :- أنا في السيارة اللي قدامك

منى نزلت ونايف يناظرها راحت نوف لها

منى :- من هذي سيارته

نوف :- زيد ولد عمي

منى :- [بخبث] اههااااا يا عيني

نوف :- خليك عاقلة وامشي أحسن لك000ماشبعتي نظرات

منى :- لا

زيد توه بيحرك السيارة

نايف :- وقف

زيد :- وش فيك

نايف :- لحظه [دخلت نوف ومنى يالله تقدر تتحرك)

زيد :- وش السالفة؟؟

نايف :- ســـــــــلامتك

زيد :- تحبها ؟؟

نايف :- إيــــــــــــه

زيد :- من متى ؟؟؟

نايف :- من زمـــــــــان

زيد :و التوصيات هذي كلها لها

نايف :- أيــــــــــــه ====> (قاله السالفة لأنه مايخبي شي عليه)

نوف ومنى في الكفتيريا

نوف :- منى اسمعي بقولك شي 000بصراحه نايف صارحني 00(سكتت)

منى تناظر تستنى تكمل 000

منى :- في ايش

نوف :- في حبك يقول قولي لها أني أحبها واني جاد واستنى اخلص دراسة واتوظف وباخطبها وان كانت تبيني تستناني أو أني من الحين أنسى الموضوع

منى[مصدومة 000فرحانه 000ماتوقعت]

نوف :- وش أقول

منى :- مدرري

نوف :- بلا استهبال الولد من الصبح حارق جوالي اتصالات كله ع شانك وأنتي تقولين مدري

منى :- وش أقول

نايف جالس على أعصابه يدق على نوف ما ترد عليه

نايف :- ما ترد وش أسوي

زيد :- أثقل لا تصير خفيف

نايف دق وردت نوف

نايف :- [يصرخ ] أخيرا

نوف :- الله كل هذا

نايف :- أقوال وش صار ؟؟؟؟

نوف تناظر منى وتأشر==> وش أقول

منى تهز أكتافها ==> مدري

نوف:- نايف 000البنت تحبك وتبادلك نفس الشعور 00ومستعده تصبر العمر كله

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الفصل الثالث 000

مستحيل ألقى مثلك 000 مستحيل أحب احد

ما يميل قلبي لغيرك 00أنت روحي والجسد

منى ض*بت نوف على الكلام اللي قالته

نوف :- (تصرخ ) اااااااااي

نايف :- وش فيك

نوف :- ض*بتني هذي المتوحشة

نايف :- لو سمحتي ما سمح لك

نوف :- بدينا من اولها بتوقف معاها

منى تناظر نوف وتبتسم

نوف :- خلاص راح دوري لكن بيجي اليوم اللي تحتاجون لي

نايف :- اسف والله اااااسف كل شي ولا زعلك يالغاليه

نوف :- ما ينفع الاعتذار الحين 00وبعدين أنا طولتها معاك 00باي 00(قفلت الخط)

نايف (يناظر الجوال ) انا واريك كيف تقفلين الخط في وجهي

نوف سكرت وراحت تمشي لوحدها (زعلانه )

منى:- ( تمشي وراها وتنادي):- نوف نوف 00(بس نوف ماترد)

اما شوق فكان الدوام عادي مثل كل مره وعنود معاها –بس ماوضحت لها شي

اول مادقت نوف على نايف قال انا عند الباب

(نوف غريبه وش التطور)

اول ما ركبت السياره 00نوف :- السلام عليكم

نايف :- وعليكم السلام 000ياله قولي لي كل اللي صار بالتفصيل

نوف :- الله كل هذا خلني اخذ نفس اول

نايف خذي راحتك بس تاكدي اني ماراح اتركك حتى تقولين لي

زيد راح للبيت 00شاف فيصل وجلس معاه

فيصل :- وش عندك الحين

زيد :- ولا شي 000ليش ؟؟؟؟؟

فيصل :- عندي موعد في المستشفى يمكن يفكون الجبس

زيد :- اخيراً 00بترتاح 00وين ماجد

فيصل :- ماجد ساكن عند الجيران

زيد :- كل ما جيت البيت ما شوفه

فيصل :- اذا طلعنا من المستشفى أبي مشوار

زيد :- وين

فيصل :- أبي اروح000اشووووف 000اشوووف

زيد :- تكلم بسرعه

فيصل :- (يضحك ) بروح اشوف نوف

زيد :- وش عندك 00ليش

فيصل :- لا يروح فكرك بعيد00بس ودي تكون اول من يشوفني بعد مافك الجبس

زيد :- حاضرين 000شي ثاني

فيصل :- فيه أبي اجيب لها هديه

زيد :- وش في بالك تجيب

فيصل :- مدري محتاااااار00وش رايك انت وش اعطيها

زيد :- وشرايك 0000في عطر

فيصل :- لا لا 00لقيتها نوف كانت تقول ان ودها تغير جهاز الجوال

زيد :- خل الموضوع علي

فيصل :- (بخبث ) يالله جتك الفرصه

زيد :- وش قصدك

فيصل :- لا ولا شي 00يالله خلنا نروح

منى رجعت وهي تفكر في نايف ماقدرت تنام

اما نوف اول ماوصلت راحت غرفتها بس ماقدرت تنام00تفكر كيف تتعامل مع زيد

فيصل اول ما طلع من المستشفى في السياره اتصل بنوف وحط الجوال على المايك يبي زيد يسمع

نوف :- الووووهلا واااالله وغلا بهالصوت واقول ليش الجوال منور

فيصل :- (يناظر زيد اللي مسوي نفسه مطنش) منور بوجودك

نوف :- وش اخبارك ؟

فيصل :- الحمد لله وانتي وش مسويه

نوف :- ولاشي من الجامعه للبيت

فيصل :- اقول نوف بعد نص ساعه تقريباً وش عندك

نوف :- ولا شي ليش ؟؟

فيصل :- عندي لك مفاجاه

نوف :- وش عندك

فيصل :- ماراح اقولك

نوف :- فصووووول الله يخليك قوووول

فيصل :- no

نوف :- على شاني

فيصل :- لاتحاولين ماراح اقول ولا شي

نوف :- طيب وش لون اصبر

فيصل :- باسمحلك احزري ثلاث اشياء واذا عرفتي بقولك وبعد الثلاثه بقفل

نوف :- مافيه استعانه بصديق

فيصل :- اسمحلك بس ماعندي الا زيد

زيد التفت على فيصل

نوف :- ها زيد لا لالالا

زيد تحطم

فيصل :- زيد لا بكيفك اهو00 ترى اخوي مايكل احد

نوف :- والله مو قصدي بس استحي من اخوك

فيصل :- عادي انتي اللي ضيعتي على نفسك على العموم باي ضيعتي وقتي0وقفل

نوف جلست تفكر 000وش عنده أكيد مسوي مقلب من مقالبه

راحت نوف عند الكمبيوتر 0000بعد نص ساعة دق فيصل نوف على طوال ردت

فيصل :- جاهزه اقولك المفاجاه

نوف :- فصوال حرقت اعصابي

فيصل :- خذي الشال وانزلي تحت عند الحديقه في المكان اللي نجلس فيه دايم بتلقين المفاجاه

قفلت نوف ونزلت على طول

فيصل:- زيد تعال انزل معاي

زيد :- لالا ماني نازل بستناك في السياره

فيصل :- (بخبث) انزل شوف ال0000

زيد :-ما نيب نازل00وخل عنك الحركات

فيصل :- تنزل ولا ترى ما راح اقول شي لها

نزل زيد وفيصل باب البيت مفتوح ودخلوا 000كانت نوف واقفه ومعطيه الباب ظهرها وتناظر في الحديقه 00ماحست عليهم فيصل يناظر زيد ويبتسم زيد كان يناظر نوف

فيصل :- احم احم

نوف :- (ارتعبت من الصوت التفتت على طوال شافت فيصل ما صدقت 00صرخت) واااااووووووووووو

احلى مفاجاه يادب ليش ماقلت من الاول و انا واقفه ساعه ادور شي 000متى فكيت الجبس

فيصل :- توني الحين جاي من المستشفى بس وش رايك

نوف :- ما اصدق عيوني اخيراااً 00والحين كيف تحس

فيصل:- في الم بسيط00(فيصل كان ماسك بيده الكيس وحاط يده وراى ظهره0طلع الكيس وعطاه نوف )

نوف :- وش فيه

فيصل :- هديه افتحيه وشوفي

نوف فتحته لقت علبه مغلفه فتحتها لقت فيها جهاز الجوال (رفعت راسها لفيصل تناظره)

فيصل:- اعجبك 000هذا ذوق زيد

زيد التفت لفيصل لانه احرجه00نوف توها تنتبه لزيد التفتت عليه 00والتقت العيون

زيد ( من زمان ماحطيتي عينك بعيني000)

نوف (احساس غريب من زمان ما حسيت فيه )

فيصل :- يا هووووه يا عااالم

نوف (انتبهت ونزلت عينها00التفتت لفيصل) مشكووووووووور ليش هذا كله

فيصل :- اللي سويتي معاي ما يتقدر حقك اكثر من كذا

نوف :- عادي احنا اخوان 000نسيت ادخلو

التفت فيصل على زيد اللي مانزل عينه من نوف

فيصل :- لا مستعجلين بروح لامي

نوف :- بسمح لك بس الاربعاء اول ماطلع من الجامعه القاك عندنا

فيصل:- من عيوني00

لف فيصل بيطلع بس زيدعايش في العالم حقه في عيون نوف وضحكاتها

مسك فيصل يده سحبها 00ياااااااااااااااااااالله

نوف اول ما راحوا خذت الهديه عشان تشوفها امها000ثم راحت لشوق

في غرفتها دقت الباب 00

شوق كانت جالسه على السرير تقرا مجله 00

شوق :- ادخل

دخلت نوف :- السلام عليكم فاضيه

شوق :- لا تعالي000000جلسوا يسولفون

نوف :-شفتي فصول توه فاك الجبس جاء يسلم وجابلي هذا الجهاز هديه

شوق:- [تتكلم من غير نفس ] و الله حركات ما توقعت ان ولد عمك عنده ذوق

نوف :- (بكل براءه ) يقول ان زيد اختاره

شوق :- اهااااااا

نوف :- وش فيك ؟

شوق :-يعني انتي مسويه نفسك بريئه وموفاهمه

نوف :- وش تقصدين؟

شوق :- يعني انتي ماتدرين

نوف :- عن ايش ؟

شوق :- عن رميوو اللي ذايب فيك

نوف :- (تناظر شوق)00وش تقولين انتي ؟

شوق :- افهمك000الاخ زيد بعد التحليللات والاختباراات والحركات اكتشفت

نوف :- وش اكتشفتي؟

شوق :- انتي كيف عايشه مالاحظتي شي

نوف :- مثل ايش ؟

شوق :- الاخ يحبك وميت عليك

نوف :- (تاكدت من شكوكها بس تستغ*ي) طيب انتي وش عرفك

شوق :- اقــــــــولك أي سالفه يكون واقف معاك في صفك 00نظراته من يجي لحد ما يروح000وكل هذا

نوف :- طيب وش اسوي

شوق :- مدري استني لما يصارحك

نوف :- ابقولك شي

شوق :- تفضلي

نوف حكت سالفة الصوره لشوق عشان تدور لها حل وقالت لها عن الاغاني

شوق:- كل هذا وتقولين وش عرفك انه يحبني00والله ان ولد عمي يرحم

نوف خذت الجوال وركبت فيه الشريحه انصدمت من الجهاز ماكن فيه غيرهذي

الاغنيه

اوعدنــي عنــــــي ما تغيب تبقى هنا جنبــــي قريب

محتاج انا مثلك حبيب يفهم عيونــــي وضحكتـــــي

فيك انتـه حلمي من زمان وانته الهواء وانته الحنان

تلقى معـــــــاك روحي الأمان يا احلى بشر في دنيتي

وحدك ابيك والله ابيك بس تكفــــــى طمنـــي عليـــــك

مابـــي احد يشغل عينيــــــك لو اموت انا من غيرتـــي

فيك انـــته حلمي من زمان وانته الهواء وانته الحنان

تلقى معـــــاك روحي الامــــان يا احلى بشر في دنيتي

خذني معاك يا احلى ملاك خـــلني انا احـــــيا بغــــــلاك

حياتي من دونك هلاك وحــــــدك حبيبــــــــي وجنتـــي

فيك انته حلمي من زمــــان وانته الهواء وانته الحنان

تلقــــى معـــاك روحي الامـــان يا احلى بشر في دنيتي

شوق :- وتقوالين بعد الولد بيموت حرام عليك

نوف :- يعني وش اسوي

شوق :- وش رايك ترسلين له رساله

نوف :- لا لا صعبه

شوق :- عادي بيفرح صدقيني (خذت شوق الجوال وارسلت)

في بيت ابو محمد

محمد يدخل عند امه :- السلام عليك

ام محمد:- وعليكم السلام

محمد :- وش اخبارك يالغاليه0

ام محمد :- بخير وش عندك 0(من كلام محمد باين ان عنده شي بيقوله)

محمد :- يمه 0000000000000000000 دقيتي

ام محمد:- على من

محمد :- يمه امداك نسيتي وهذا وانتي مزعجتني تزوج تزوج

ام محمد :- اهااا والله نسيت لكن عطني الرقم فوق التلفزيون في ورقه

قام محمد بسرعه جاب الرقم وقرب التلفون عند امه ودق الرقم خذت ام محمد االسماعه ثم جلست تناظر محمد

محمد :- وش فيك يمه تبين شي ثاني

ام محمد :- ممكن تخليني اتكلم

محمد :- الله الحين صار الموضوع سر وماتبيني اسمع

ام محمد :- لا بس ماحب اكلم وانت عندي

ناظر محمد امه وضحك وقام وطلع وهو يمشي شاف اخته

العنود :- وش فيك تضحك

محمد :- سلامتك بس امك عليها حركات00قال السالفه

ضحكت العنود على امها

سكت محمد ثم قال :- تتوقعين وش بيردون

العنود :- وش بيقولون انت مافيك شي عشان يردونك او يقولون فيك شي 00

00000000000000000000000000

كلمت ام محمد ام عبد الله ورحبت فيهم

في بيت أبو حـــــــــــامد

كانت العايله مجتمعه كلها

ام حامد :- حامد متى ناوي تتزوج

حامد :- تونى بدري على الموضوع

زيد :- يمه هذا بيوصل عمره مليون وهو يقول توني00شكلي بتزوج وهو توه يفكر

حامد :- ليش اتزوج واجيب الهم لنفسي

ابو حامد :- وش فيه الزواج وبعدين وش سالفة الهم ما فيه هم ولا شي

وصلت رساله لزيد وكان فيصل جالس جنبه 000فتح الرسالة 00كانت

حسبت أشواقنا غابت واثاري الشوق توما غاب

واثـــــــاري قلبي السالي حنين لك يدفع اشواقي

انا ما كــنت احسب القلوب الســــاليه تشتــــــاق

ولا كنت احسبك في يوم تجي وتحرك أشواقي

سهيت بصفحت كتابي ولقيتك بأول الأوراق

انا لاهي مع كتـــــابي ولقيتك تــــــملك أوراقي

الا ياحــــبي الاول الا ياغايــــــتي مشتــــــــاق

هقيــتك في قلبـــي واثــــرك داخل اعمــــاقـــي