Kanina pa pinagmamasdan ni Tatiana si Toscano. Alam niyang busy ito sa paggawa ng ritwal para sa darating na bagyo. Ritwal iyon na magpapahina sa bagyo. Isa ito sa mga tungkulin niya bilang god of the moon. Pinoprotektahan niya ang kalikasan at pati na rin ang mga tao sa kapamahakan na maaring idulot nito sakaling hindi niya ito mapahina.
Tandang-tanda pa ni Tatiana nang masaksihan niya sa buwan ang isang malakas na bagyo na tumama sa Perno Town. Sising-sisi si Toscano noon habang napapapikit na lang silang dalawa na pinapanuod ang hagupit ng bagyo sa mga tao. Halos maraming bahay ang nilipad, maraming tao ang nasaktan at maraming pananim ang nasayang. Sinisisi noon ni Toscano ang sarili niya dahil nakatulugan niya ang super typhoon na hindi niya inaasahan na mabilis na makakapasok sa lu
