Pagkatapos kumain sa mamahaling restaurant nila Trinity at Carson ay tumuloy sila sa isang park. Dala-dala nila roon ang binili ni Carson kanina na ice cream sa isang nadaanan nila na convenience store.
"Ayos lang ba na hindi strawberry ice cream flavor ang naibili ko sa iyo?" tanong ni Carson nang i-abot na niya ang isang ube ice cream kay Trinity.
"Oo naman, ayos lang itong ube sa akin. Tamang-tama ito at nagmo-move on na rin ako kay Cedrick. I know na ube ang favorite mo kaya simula ngayon ay ube na rin ang gugustuhin ko," sabi ni Trinity na kinagulat naman ni Carson. Nanlalaki ang mata nito nang sabihin iyon ni Trinity sa kanya. Napaupo tuloy ka agad siya sa tabi nito.
"P-paano mo nalaman ang tungkol diyan? Wala naman ata akong natatandaan na sinabi ko iyon sa iyo, ha?"
Ngumisi si
