Nang magising siya ay naroon pa rin si Cade. At tulad noong una siyang nagising ay naramdaman niyang tila malamig ito, tila may kinikimkim na kung ano. At kahit anong tanong niya rito ang sagot lang nito palagi ay “sa susunod na.” Lalo lang tuloy siyang nabahala. Ayaw rin nitong pag-usapan nila ang tungkol sa baby niya. Kahit ang mga doktor at nurse ay ayaw magsalita. Natatakot na siya at nagkakahinala kung ano ang tunay na nangyari pero umaasa pa rin siya na sana ay hindi iyon totoo.
Kaya nang makauwi na siya sa apartment nila ay hindi na siya nagpatumpik-tumpik pa. Kumapit siya sa braso ni Cade at hinuli ang tingin nito. “Cade, sabihin mo sa akin kung kumusta ang baby ko? Okay ba siya?” tanong niya rito.
Tumiim-bagang ito at naging mapanganib ang mga mata na napaatras siya bigla. Iyon
