SA mall ako naglalagi tuwing wala akong taping at commitments. Kahit wala naman akong binibili ay mas gusto kong gumala doon. Pinagmamasdan ko ang mga taong mukhang mas malungkot pa ang buhay kaysa sa’kin. Tuwing makakakita ako ng lalaking mag-isa ay iniisip kong baka kagaya niya rin ako na walang makausap at masabihan ng tunay na nararamdaman. Naitatanong ko sa sarili kung kagaya ko rin ba siyang may madilim na nakaraan? Katulad ko rin ba siyang may itinatagong malaking kasinungalingan? Parehas ba kaming malungkot at gustong ipagsigawan na gusto lang magmahal at mahalin at maintindihan ng iba?
Isang araw na wala akong taping at walang ibang mapuntahan ay nag-ikot-ikot ako sa isang mall. Doon ko napansin ang isang lalaking parang wala namang definit na patutunguhan. He looked lon
