Kinabukasan tanghali na akong nagising, wala na si Mama dito sa bahay. Naaabutan ko naman si Papa na nagpapaaraw sa labas ng bahay namin.
“Pa, nakainom na po ba kayo ng gamot ninyo?”
“Oo, anak, bago umalis ang Mama mo pinainom niya na ako.” Nakangiti naman sagot sa akin ni Papa.
“Pa, si Jojo po muna ang mag aalaga sa inyo, kailangan ko lang po kasi na pumunta ng University para kumuha ng requirements kong gagamitin sa pag lipat ko sa Maynila.” Pasakalye ko kay papa, gusto kong mag paalam sa kanya na sa Manila na muna ako titira ng hindi siya mag iisip ng kung ano.
“Bakit ka lilipat ng eskwelahan anak? Kakayanin mo ba sa Manila ang mag isa?” May pag aalala sa tinig ni papa.
“Huwag ka na po sa akin mag alala Pa, kaya ko naman po. Saka may trabaho po kasi akong papasukan sa Manila at doo
