“Ayun naman pala may pakner ka na bakla, hindi na malungkot ang petals mo sa araw ng mga puso bukas.” Ang lakas ng boses na sabi ni Yham.
Nakita kong tumawa si Liezel kaya na-curious ako kung ano yung petals na sinasabi niya.
“Babe, ano ba yung petals na sabi ni Yham,” Bulong ko, bigla na lang akong siniko ni Liezel saka niya tinakpan ang bibig ko.
“Mamaya ko na sasabihin sayo,” natatawang sabi niya. “Halina kayo, kumain na lang tayo.” MUling sabi ni Liezel.
Masaya kaming tumungo sa hapag, nagtatawanan habang nag kukwentuhan. Habang ako ay masayang nakatitig lang kay Liezel, hindi ko maimagine na sa ganitong edad ko pa mararanasan ang tunay na kaligayahan.
“Gov, wag masyado pkatitigan ang Misis mo, baka naman po matunaw.” Hirit ni Aira, napansin niya palang nakatingin ako kay Liezel.
