Hindi ko na namalayan kung gaano katagal ang biyahe hanggang sa magsalita ang driver.
“Ma’am, nandito na po tayo.”
Bahagya akong napakurap bago tumingin sa labas. Nasa harap na nga kami ng gusali ng PRC.
“Ah… salamat po,” sabi ko habang inaabot ang bayad.
Pagpasok ko sa loob ay agad akong sinalubong ng mahabang pila. Napabuntong-hininga na lang ako.
“Ang haba pala,” bulong ko sa sarili.
Wala naman akong choice kundi pumila. Tahimik lang akong nakatayo habang dahan-dahang umaabante ang linya. Paminsan-minsan ay napapatingin ako sa paligid. May mga taong abala sa pag-aayos ng papel, may ilan namang nakikipagkwentuhan sa katabi nila.
May isang babae sa harap ko na napalingon sa akin.
“Miss, dito ka rin kukuha ng license?” tanong niya.
“Opo,” sagot ko ng mahina.
“Ang tagal nga eh. Ka
