Saang kamay namin kukunin ang ganun kalaking halaga. Bahala na kung saan, basta ang mahalaga ay maoperahan si Papa.
"Ma, pirmahan muna po yan para maoperahan na po si Papa," halos garargal ang boses ko ng magsalita, hindi ko alam paano kami makakalikom ng ganung kalaking halaga.
"Anak, saan tayo kukuha ng pera? Kahit mag loan ako hindi aabot ng ganyang halaga." problemado ring tanong sa akin ni mama.
"Bahala na po Ma, gagawan na lang natin yan ng paraan. Ang mahalaga ngayon ay maoperahan agad si papa." sagot ko kay Mama.
Umiiyak siya habang pinipirmahan niya ang consent waiver. Hinihimas ko ang likod niya, nagbabakasakaling gumaan kahit paano ang bigat na nararamdaman ng aking ina.
"Kaya natin ito Ma, hindi to ibibigay sa atin kung alam ng Diyos na di natin kakayanin. Kahit mabaon t
