THIRD PERSON
Tahimik si Josh, pero kitang-kita sa mukha niya ang galit, hindi siya aatras sa laban na ito. Nakataya ang buhay ng mga anak niya. Hindi siya hihinto habang nasa panganib ang mga anak niya.
“Josh…” umiiyak na sabi ni Liezel. “I want to come.”
Umiling agad si Josh.
“Babe, hindi pwede. Delikado,” sagot niya, diretso ang tingin.
Lumapit siya at hinawakan ang mukha nito.
“Tingnan mo ako.”
Tumingin si Liezel kahit nanginginig.
“Babalik ako,” sabi ni Josh. “Kasama sila.”
“Paano kung—”
“Walang ‘kung’,” putol niya. “Hindi ako papayag.”
“Maghanda na kayo,” malakas na utos ng General na kararating lang. “Kikilos na tayo. Hindi pwedeng patagalin ‘to.”
Lahat ay kumilos agad. Wala nang oras para magpahinga. Pumasok si Josh sa kwarto. Binuksan niya ang isang tagong drawer. Kinuh
