SA CASINO nag pahatid si Teresa sa kanyang Driver. Isa rin sa bilin ni Mayor na huwag nilang ihahatid sa Casino ang ina nito, ngunit natatakot naman na tumanggi si Omar sa kagustuhan ng Ginang, dahil baka palayasin siya nito at mawalan siya ng trabaho.
Ngunit ng papasok na sana sa loob ng Hotel ang ginang ay biglang sumulpot doon sina Stan at Mayor Cody. Madilim ang mukha ni Mayor Cody na tumingin sa ina. Kahit naka suot ito ng sunglasses ay mababakas pa rin sa guwapong mukha ni Mayor ang galit sa ina.
"Hijo, anong ginagawa mo rito? Akala ko busy ka sa trabaho mo, kaya hindi mo na ako naalalang uwian. Ni tawag at text ko sa 'yo ay hindi mo sinasagot." sabi ng ginang. Pinalamlam rin niya ang kanyang mukha, para hindi magalit sa kanya si Mayor Cody.
"Umuwi na tayo, Mommy. Sa bahay na lan
