TANGHALI na nagising si Mayor Cody at Aaron Go, dahil sa pagkalango nila ng alak kagabi. Sabay pa silang lumabas ng Library at naglakad sa hallway patungo sa living area na halos hindi pa maibuka ang mga mata.
"Uwi muna ako sa Bahay, Bro, balik na lang ako mamayang gabi para sa party ni Tita." paalam ni Aaron sa pinsan, saka niya tinapik ang balikat ni Mayor Cody.
"Sige, Bro, hanggang mamayang gabi." sagot ni Mayor. Saka niya itinaas ang kanyang kamao, para makipag fist bump sa pinsan. Agad rin itinaas ni Aaron ang kamay at naki pag-fist bump siya kay Mayor Cody, saka siya tuluyang tumalikod.
Umakyat naman si Mayor Cody sa hagdan para pumunta siya sa kanyang kuwarto at maglinis ng katawan. Nasa baitang ng hagdan ang kanyang paningin, habang umaakyat siya ng hagdan, kaya hindi niya na
