NAGBABA na lang ako ng paningin, dahil bigla akong nahiya kay Mayor. Nakakapagtaka naman, paano kaya niya nakita na nakatingin ako sa kanya, at pinapanuod ko siyang kumakain. Kung bakit naman kasi kung anu-ano ang napapansin ko. Maka kain na nga, para maka alis na rin kami ni Mayor. Excited pa naman akong makapasyal sa Batangas, maraming nagsasabi sa akin na maganda ang mga tanawin doon. Malapit kaya sa Taal Volcano ang pupuntahan namin, sana makita ko rin ang Taal Volcano.
"Mayor, malayo ba ang pupuntahan natin?" walang anu-ano'y naitanong ko kay Mayor.
"Medyo malayo, kasi nasa bandang dulo na iyon ng Batangas. Pero maganda ang lugar, sigurado akong mag-e-enjoy ka doon." agad na tugon sa akin ni Mayor. Napa tingin rin siya sa mukha ko, saka muling nagsandok ng kanin at ulam, at muling
