"Cody, hijo, bakit ang tagal mong hindi umuwi dito sa bahay? Ang daming naghahanap sa 'yo. Hindi mo rin sinasagot mga tawag ko, pati mga text ko sa 'yo, hindi mo man lang ni-replyan kahit isa. Alam mo bang nag-alala ako sa 'yo ng husto? Pati ang mga tauhan mo, hindi ko rin mahagilap kung nasaan sila. Naka ilang balik na rin ako sa Condo mo, pero wala ka rin doon. Saan kaba nanggaling, at bigla kana lang nawala?" mahabang litantanya ni Teresa, pagkakita kay Mayor Cody na pumasok sa kanilang tahanan. Sinalubong kaagad niya ito at sunod-sunod na tanong ang anak.
"Mommy, I'm tired! Mamaya na tayo mag-usap, okay. Oh kaya'y i-record mo na lang lahat ng sasabihin mo, saka mo i-send sa 'kin. Papakinggan ko na lang habang natutulog ako." tugon ni Mayor Cody, habang humihikab. Umakyat na rin siya
