NALIGO na lang si Haide, para mabango siya na maamoy ni Mayor. Nahihiya talaga siyang lumapit kay Mayor, kapag alam niyang mabaho ang pakiramdam niya sa kanyang sarili. Lalo ngayon dahil kaagigising niya, kaya sigurado siyang hindi na kaaya-aya ang amoy ng kanyang hininga. Hindi rin siya naka pagpalit ng kanyang damit kagabi, dahil nakatulog na siya ng mahimbing. Hindi rin siya ginising ni Mayor, kaya nakatulog siyang nakasuot ng pantalon at long sleeve blouse.
Agad niyang tinanggal ang kanyang mga damit, saka siya tumapat sa ilalim ng shower. Siniguro rin niyang maligamgam ang tubig na lumalabas sa shower, para hindi siya ginawin. Napaka lamig pa naman sa Batangas, tapos na-exposed pa siya sa napaka lamig na temperatura ng kuwartong tinulugan nila ni Mayor. Kompleto rin sa mga gamit pan
