Part Fourteen
Yakap ang pusa ay pasunod-sunod si Casey kay Miguel Arthur sa loob ng isang napakataas at napakagarang building. Iyon pala ang kumpanya nito. Bumungad kaagad sa kanya ang isang rebulto na nakatayo sa pinakagitna ng lobby, magkatalikuran ang dalawang nagtataasang lalaki at kung hindi siya nagkakamali ay si Miggy ang isa sa mga iyon. Parehas na matikas ang tindig at mayabang ang dalawa, at kahit rebulto ay kitang-kita kung sino ang ipinakikilala ng mga iyon, malamang na ito na mismo at ang ama nitong namatay na. Sa itaas at may umiikot na kulay gintong globo na may nakasulat na Alonde Royalties. Welcome.
Nakalagpas na sila ay nakapihit pa rin ang ulo niya.
“Casey, in front of me, baby.”
Ano raw? Nabingi yata siya. Baby daw siya nito? Ngayon lang may tumawag sa kanya na baby
